quranm◉

Surah At-Takwir (81) recited by Abdulbaset Abdulsamad (Murattal)

Listen to Abdulbaset Abdulsamad (Murattal)

Surah ◉

81:1

إِذَا ٱلشَّمۡسُ كُوِّرَتۡ ﴿1﴾

Pandema jalichikulunjidwa lyuŵa (nikutyoka lilanguka lyakwe).

81:2

وَإِذَا ٱلنُّجُومُ ٱنكَدَرَتۡ ﴿2﴾

Ni ndema jasichipatuka ndondwa.

81:3

وَإِذَا ٱلۡجِبَالُ سُيِّرَتۡ ﴿3﴾

Ni ndema jagachijendesyedwa matumbi (paagachuŵa m’mangwakwe).

81:4

وَإِذَا ٱلۡعِشَارُ عُطِّلَتۡ ﴿4﴾

Ni ndema jasichilechedwa ngamiya syana maŵele gepele.

81:5

وَإِذَا ٱلۡوُحُوشُ حُشِرَتۡ ﴿5﴾

Ni ndema jaichisonganganyisyidwa inyama yamwitinji.

81:6

وَإِذَا ٱلۡبِحَارُ سُجِّرَتۡ ﴿6﴾

Ni ndema jasichikolesyedwa mbwani moto.

81:7

وَإِذَا ٱلنُّفُوسُ زُوِّجَتۡ ﴿7﴾

Ni ndema jajichilumbikanyisyidwa mitima (ku ilu yakwe).

81:8

وَإِذَا ٱلۡمَوۡءُۥدَةُ سُئِلَتۡ ﴿8﴾

Ni ndema jachachiwusyidwa mwanache jwankwongwe jwaŵasichidwe ali jwaumi.

81:9

بِأَيِّ ذَنۢبٖ قُتِلَتۡ ﴿9﴾

Kuti ŵawulajidwe ni ulemwachi?

81:10

وَإِذَا ٱلصُّحُفُ نُشِرَتۡ ﴿10﴾

Ni ndema jaichipindikulidwa ikalakala (mugalembedwe masengo gamundu).

81:11

وَإِذَا ٱلسَّمَآءُ كُشِطَتۡ ﴿11﴾

Ni ndema jalichitandukulidwa liwunde.

81:12

وَإِذَا ٱلۡجَحِيمُ سُعِّرَتۡ ﴿12﴾

Ni ndema jauchikwisilidwa Moto Waukali.

81:13

وَإِذَا ٱلۡجَنَّةُ أُزۡلِفَتۡ ﴿13﴾

Ni ndema jajichiŵandichisyidwa Mbepo.

81:14

عَلِمَتۡ نَفۡسٞ مَّآ أَحۡضَرَتۡ ﴿14﴾

Mundu jwalijose tachimanyilila yayiche nayo.

81:15

فَلَآ أُقۡسِمُ بِٱلۡخُنَّسِ ﴿15﴾

Basi ngusilumbila ndondwa syasikusisika muusi.

81:16

ٱلۡجَوَارِ ٱلۡكُنَّسِ ﴿16﴾

(Ni) syasikwendaga (chilo kaneka) ni kusisika pakutiŵila.

81:17

وَٱلَّيۡلِ إِذَا عَسۡعَسَ ﴿17﴾

Ni nguchilumbila soni chilo ndema jachikwika ni kutyoka.

81:18

وَٱلصُّبۡحِ إِذَا تَنَفَّسَ ﴿18﴾

Ni ngukulumbila soni kumasikusiku ndema jakukulanguka.

81:19

إِنَّهُۥ لَقَوۡلُ رَسُولٖ كَرِيمٖ ﴿19﴾

Chisimu aji (Qur’aniji) gaŵele maloŵe ga (kulungusyidwa ni) Ntenga Jwakuchimbichika (Jibulilu).

81:20

ذِي قُوَّةٍ عِندَ ذِي ٱلۡعَرۡشِ مَكِينٖ ﴿20﴾

Nsyene machili, soni jwana uchimbichimbi wapenani kwa (Allah) Nsyene Arishi (Chindanda Chaulungu).

81:21

مُّطَاعٖ ثَمَّ أَمِينٖ ﴿21﴾

Jwakundidwa malamusi kwinaniko (ni Achimalaika) soni jwakulupichika.

81:22

وَمَا صَاحِبُكُم بِمَجۡنُونٖ ﴿22﴾

Soni Nnongo n'jenuju (Muhammadi ﷺ) nganaŵa jwamasoka.

81:23

وَلَقَدۡ رَءَاهُ بِٱلۡأُفُقِ ٱلۡمُبِينِ ﴿23﴾

Soni chisimu chene (Muhammadi ﷺ) ŵam'bweni jwalakwe (Jibulilu mu kagumbidwe kakwe kasyesyene) kuchipelela chameso chakuonechela (cha ku ngopoko lyuŵa).

81:24

وَمَا هُوَ عَلَى ٱلۡغَيۡبِ بِضَنِينٖ ﴿24﴾

Soni jwalakwe nganijuŵa jwausuchi pa (umanyilisi wa) yakusisika.

81:25

وَمَا هُوَ بِقَوۡلِ شَيۡطَٰنٖ رَّجِيمٖ ﴿25﴾

Soni aji (Qur’an) nganigaŵa maloŵe ga shetani jwakuŵinjidwa.

81:26

فَأَيۡنَ تَذۡهَبُونَ ﴿26﴾

Nambi kwapi nkuja?

81:27

إِنۡ هُوَ إِلَّا ذِكۡرٞ لِّلۡعَٰلَمِينَ ﴿27﴾

Nganijiŵa aji (Qur’an) ikaŵeje chikumbusyo cha iwumbe yosope.

81:28

لِمَن شَآءَ مِنكُمۡ أَن يَسۡتَقِيمَ ﴿28﴾

Kwa mundu jwaakusaka mwa jenumanja kuti ajongoche.

81:29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ ﴿29﴾

Ni nganim'ba nsachile, ikaŵeje akasache kaje Allah M’mbuje jwa iwumbe yosope.

This surah by other reciters