quranm◉

Hizb 26

Range
from 13:35 to 15:49
Surahs covered
Fɔlɔsira
110 Fɔlɔsira

◉

13:35

مَّثَلُ ٱلۡجَنَّةِ ٱلَّتِي وُعِدَ ٱلۡمُتَّقُونَۖ تَجۡرِي مِن تَحۡتِهَا ٱلۡأَنۡهَٰرُۖ أُكُلُهَا دَآئِمٞ وَظِلُّهَاۚ تِلۡكَ عُقۡبَى ٱلَّذِينَ ٱتَّقَواْۚ وَّعُقۡبَى ٱلۡكَٰفِرِينَ ٱلنَّارُ ﴿35﴾

ߝߊ߲ߕߊ߲ߞߟߊ ߟߎ߬ ߦߟߌߡߊߘߌߦߊߣߍ߲߫ ߡߍ߲ߘߌߦߊ߫ ߡߍ߲ ߠߊ߫ ߏ߬ ߓߍ߫ ߢߊ ߡߍ߲ ߞߊ߲߬: ߞߐ߭ ߟߎ߬ ߦߋ߫ ߥߦߏ߬ ߟߴߊ߬ ߞߘߐߟߊ ߟߎ߬ ߘߐ߫ ߸ ߊ߬ ߦߙߌ ߟߎ߬ ߥߟߏߒߘߐ ߟߎ߬ ߦߴߊ߬ߟߎ߬ ߟߊ߫ ߞߘߊߎ߫ ߊ߬ ߣߴߊ߬ߟߎ߬ ߘߎߟߋ߲، ߒ߬ߓߊ߬ ߝߊ߲ߕߊ߲ߞߟߊ ߟߎ߬ ߟߊߓߊ߲߫ ( ߦߙߐ ) ߟߴߏ߬ ߘߌ߫، ߓߊ߲߬ߓߊ߮ ߟߎ߫ ߟߋ߬ ߟߊߓߊ߲߫ ( ߦߙߐ) ߦߋ߫ ߕߊ ߘߌ߫

13:36

وَٱلَّذِينَ ءَاتَيۡنَٰهُمُ ٱلۡكِتَٰبَ يَفۡرَحُونَ بِمَآ أُنزِلَ إِلَيۡكَۖ وَمِنَ ٱلۡأَحۡزَابِ مَن يُنكِرُ بَعۡضَهُۥۚ قُلۡ إِنَّمَآ أُمِرۡتُ أَنۡ أَعۡبُدَ ٱللَّهَ وَلَآ أُشۡرِكَ بِهِۦٓۚ إِلَيۡهِ أَدۡعُواْ وَإِلَيۡهِ مَـَٔابِ ﴿36﴾

ߊ߲ ߣߊ߬ ߡߍ߲ ߠߎ߬ ߛߐ߫ ߟߊ߫ ߟߍߙߊ ߟߊ߫ ߏ߬ ߟߎ߰ ߛߍߥߊ߫ ߟߊ߫ ߝߋ߲߫ ߠߊ߫ ߡߍ߲ ߠߊߖߌ߰ߣߴߌ ߡߊ߬، ߞߏ߬ߣߌ߲߬ ߡߐ߰ ߦߋ߫ ߞߙߎߞߊ ߟߎ߬ ߘߐ߫ ߡߍ߲ ߦߴߊ߬ ߝߊ߲߭ ߘߏ߫ ߡߊߛߐ߬ߛߐ߬ ߟߊ߫، ߊ߬ ߝߐ߫ ߞߏ߫ ߒߠߋ ߟߐ߬ߣߍ߲߫ ߠߋ߬ ߞߏ߫ ߒ ߧߋ߫ ߊߟߊ߫ ߓߊ߬ߕߏ߬ ߸ ߊ߬ ߣߌ߫ ߒ ߞߊߣߊ߬ ߝߋ߲߫ ߝߊ߬ߙߴߊ߬ ߡߊ߬، ߒ ߧߋ߫ ߞߟߌߟߌ ߞߍ߫ ߟߴߊ߬ߟߋ ߟߋ߫ ߡߊ߬߸ ߒ ߘߏ߲߬ ߦߋ߫ ߒ ߖߘߍ߬ߟߊߛߊ߬ߦߌ߬ ߟߴߊ߬ߟߋ ߟߋ߫ ߡߊ߬

13:37

وَكَذَٰلِكَ أَنزَلۡنَٰهُ حُكۡمًا عَرَبِيّٗاۚ وَلَئِنِ ٱتَّبَعۡتَ أَهۡوَآءَهُم بَعۡدَ مَا جَآءَكَ مِنَ ٱلۡعِلۡمِ مَا لَكَ مِنَ ٱللَّهِ مِن وَلِيّٖ وَلَا وَاقٖ ﴿37﴾

ߒ߬ߓߵߊ߲ ߣߵߊ߬ ߟߊߖߌ߰ ߟߊ߫ ߥߘߋ߬ߥߘߋ߬ߟߌ ߘߌ߫ ߊߙߊߓߎߞߊ߲ ߘߐ߫ ߕߋ߲߬ ߠߋ߬. ߣߴߌ ߞߵߊ߬ߟߎ߫ ߛߊ߬ߥߏ ߟߎ߬ ߟߊߓߊ߬ߕߏ߫ ߡߎ߬ߕߎ߲߬ ߟߐ߲ߠߌ߲ ߣߊ߬ߣߍ߲ ߞߐ߫ ߌ ߡߊ߬߸ ߢߌ߲߬ ߕߴߌ ߟߴߊߟߊ߫ ߡߊ߬ ߏ߬ ߘߐ߫ ߸ ߕߊ߲߬ߞߊ߬ߓߊ߰ ߕߴߌ ߟߊ߫

13:38

وَلَقَدۡ أَرۡسَلۡنَا رُسُلٗا مِّن قَبۡلِكَ وَجَعَلۡنَا لَهُمۡ أَزۡوَٰجٗا وَذُرِّيَّةٗۚ وَمَا كَانَ لِرَسُولٍ أَن يَأۡتِيَ بِـَٔايَةٍ إِلَّا بِإِذۡنِ ٱللَّهِۗ لِكُلِّ أَجَلٖ كِتَابٞ ﴿38﴾

ߊ߲ ߞߊ߬ ߞߋߟߊߡߐ߯ ߛߌߦߊߡߊ߲߫ ߠߋ߬ ߗߋ߫ ߌ ߢߍ߫، ߊ߲ ߞߵߏ߬ ߟߎ߬ ߛߐ߫ ߝߘߎߡߊ ߟߎ߬ ߣߌ߫ ߓߐ߲ߛߐ߲ ߠߎ߬ ߟߊ߫، ߞߏ߬ߣߵߊ߬ ߛߋ߫ ߕߍ߫ ߞߋߟߊߡߐ߯ ߛߌ߫ ߦߋ߫ ߞߊ߬ ߣߊ߬ ߡߊ߲߬ߕߊߣߌ߲ ߘߌ߫ ߝߏ߫ ߊߟߊ߫ ߓߊ߯ ߘߌ߬ߢߍ߬، ߛߕߊ ߓߍ߯ ߣߴߊ߬ ߕߊ߫ ߟߍߙߊ߫ ߟߋ߬

13:39

يَمۡحُواْ ٱللَّهُ مَا يَشَآءُ وَيُثۡبِتُۖ وَعِندَهُۥٓ أُمُّ ٱلۡكِتَٰبِ ﴿39﴾

ߊߟߊ߫ ߦߋ߫ ߝߋ߲߫ ߠߋ߫ ߖߏ߬ߛߌ߬ ߟߊ߫ ߡߍ߲ ߓߊ߯ ߊ߬ ߘߌߦߴߊ߬ ߣߌ߫ ߞߵߊ߬ ߕߏ߫ ߊ߬ ߡߊ߬، ߟߍߙߊ ߓߊߞߘߐ ߦߴߊ߬ߟߋ ߟߋ߬ ߓߟߏ߫

13:40

وَإِن مَّا نُرِيَنَّكَ بَعۡضَ ٱلَّذِي نَعِدُهُمۡ أَوۡ نَتَوَفَّيَنَّكَ فَإِنَّمَا عَلَيۡكَ ٱلۡبَلَٰغُ وَعَلَيۡنَا ٱلۡحِسَابُ ﴿40﴾

ߊ߲ ߞߵߊ߬ߟߎ߬ ߦߟߌߡߊߘߌߦߊ߫ ߞߏ ߘߏ߫ ߦߘߵߌ ߟߊ߫ ߓߊ߬ ߥߟߊ߫ ߊ߲ ߞߵߌ ߛߏߡߊߦߟߍߡߊ߲߫߸ ߡߍ߲ ߦߴߌ ߡߊ߬ ߏ߬ ߟߋ ߟߊ߬ߛߋ߬ߟߌ ߘߐߙߐ߲߫ ߘߌ߫، ߖߊ߬ߕߋ߬ߓߐ ߦߋ߫ ߒ߬ߠߎ߫ ߟߋ߫ ߡߊ߬

13:41

أَوَلَمۡ يَرَوۡاْ أَنَّا نَأۡتِي ٱلۡأَرۡضَ نَنقُصُهَا مِنۡ أَطۡرَافِهَاۚ وَٱللَّهُ يَحۡكُمُ لَا مُعَقِّبَ لِحُكۡمِهِۦۚ وَهُوَ سَرِيعُ ٱلۡحِسَابِ ﴿41﴾

ߊ߬ߟߎ߬ ߕߴߊ߬ ߦߋ߫ ߟߊ߫ ߓߊ߬ ߞߏ߫ ߒ߬ߠߎ߬ ߦߋ߫ ߣߊ߬ ߟߊ߫ ߖߡߊ߬ߣߊ ߡߊ߬ ߞߊ߬ ߕߊ߬ߡߌ߲߬ ߊ߬ ߡߊߘߐ߯ߦߊ߫ ߟߴߊ߬ ߘߊߜߟߏ ߟߎ߬ ߟߊ߫؟ ߊߟߊ߫ ߟߋ߬ ߦߋ߫ ߞߕߌ ߟߊ߫ ߟߊ߫߸ ߣߐ߬ߡߛߊ߬ߦߌ߬ߓߊ߯ ߕߍ߫ ߊ߬ ߟߊ߫ ߞߕߌ ߟߊ߫، ߊ߬ߟߋ ߟߋ߫ ߖߊ߬ߕߋ߬ߓߐ߬ ߟߊ߬ߞߊߟߌ߲ ߕߌ߱ ߘߌ߫

13:42

وَقَدۡ مَكَرَ ٱلَّذِينَ مِن قَبۡلِهِمۡ فَلِلَّهِ ٱلۡمَكۡرُ جَمِيعٗاۖ يَعۡلَمُ مَا تَكۡسِبُ كُلُّ نَفۡسٖۗ وَسَيَعۡلَمُ ٱلۡكُفَّـٰرُ لِمَنۡ عُقۡبَى ٱلدَّارِ ﴿42﴾

ߊ߬ߟߎ߬ ߢߍߓߊ߮ ߟߎ߫ ߞߊ߬ ߝߙߍ߬ߞߘߐ߬ߖߎ߰ߦߊ ߞߍ߫، ߊߟߊ߫ ߟߋ߫ ߘߏ߲߬ ߕߊ߫ ߦߋ߫ ߝߍ߬ߙߍ ߓߍ߯ ߘߌ߫ ߸ ߊ߬ ߞߵߊ߬ ߟߐ߲߫ ߣߌߡߊ ߞߋߟߋ߲ߞߋߟߋ߲ߠߊ ߦߋ߫ ߡߍ߲ ߓߊ߯ߙߊ߫ ߟߊ߫߸ ߞߏ߬ߣߌ߲߬ ߓߊ߲߬ߓߊ߮ ߟߎ߬ ߘߌߣߵߊ߬ ߟߐ߲߫ ߛߏ ߞߏߟߊߓߊ߲ ߦߋ߫ ߡߍ߲ ߕߊ߫ ߘߌ߫

13:43

وَيَقُولُ ٱلَّذِينَ كَفَرُواْ لَسۡتَ مُرۡسَلٗاۚ قُلۡ كَفَىٰ بِٱللَّهِ شَهِيدَۢا بَيۡنِي وَبَيۡنَكُمۡ وَمَنۡ عِندَهُۥ عِلۡمُ ٱلۡكِتَٰبِ ﴿43﴾

ߓߊ߲߬ߓߊ߮ ߟߎ߬ ߦߴߊ߬ ߝߐ߫ ߟߊ߫ ߞߴߌ ߕߍ߫ ߞߋߟߊߡߐ߯ ߘߌ߫، ߊ߬ ߝߐ߫ ߞߏ߫ ߊߟߊ߫ ߥߛߊ߬ ߘߊ߫ ߛߙߋ߫ ߘߌ߫ ߒߠߋ ߣߴߊߟߎ߫ ߕߍ߫، ߊ߬ ߣߌ߫ ߟߍߙߊ ߟߐ߲ߓߊ߮ ߝߣߊ߫ ߥߛߊ߬ ߘߴߊ߲ ߕߍ߫ ߛߙߋ߫ ߘߌ߫

14:1

الٓرۚ كِتَٰبٌ أَنزَلۡنَٰهُ إِلَيۡكَ لِتُخۡرِجَ ٱلنَّاسَ مِنَ ٱلظُّلُمَٰتِ إِلَى ٱلنُّورِ بِإِذۡنِ رَبِّهِمۡ إِلَىٰ صِرَٰطِ ٱلۡعَزِيزِ ٱلۡحَمِيدِ ﴿1﴾

ߊ ߟ ߙ ߟߍߙߊ߫ ߟߋ߫ ߣߌ߲߬ ߸ ߊ߲ ߣߵߊ߬ ߟߊߖߌ߰ ߟߴߌ ߡߊ߬ ߟߋ߬ ߛߴߌ ߘߌ߫ ߡߐ߱ ߟߎ߬ ߓߐ߫ ߘߌ߬ߓߌ ߟߎ߬ ߘߐ߫ ߞߊ߬ ߕߊ߯ ߦߋߟߋ߲ ߡߵߊ߬ߟߎ߫ ߡߊ߰ߙߌ ߟߊ߫ ߘߌ߬ߢߍ ߟߊ߫߸ ߞߊ߬ ߕߊ߯ ߣߌ߬ߣߌ߬ߟߊ߫ ߕߊ߲߬ߘߏ߬ߕߊ ߟߊ߫ ߛߌߟߊ ߞߊ߲߬ ߞߊ߬ߣߌ߲߫

14:2

ٱللَّهِ ٱلَّذِي لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ وَوَيۡلٞ لِّلۡكَٰفِرِينَ مِنۡ عَذَابٖ شَدِيدٍ ﴿2﴾

ߊߟߊ߫ ߡߍ߲ ߕߊ߫ ߦߋ߫ ߛߊ߲ ߠߎ߬ ߞߣߐߝߋ߲ ߣߌ߫ ߘߎ߱ ߞߊ߲߬ߝߋ߲ ߘߌ߫، ߒ߬ߞߊ߬ ߜߊ߬ߟߏ߫ ߟߋ߫ ߓߊ߲߬ߓߊ߮ ߟߎ߬ ߦߋ߫ ߖߊ߲߰ߞߕߊ߬ ߜߍߟߍ߲ ߘߐ߫ ߘߋ߬

14:3

ٱلَّذِينَ يَسۡتَحِبُّونَ ٱلۡحَيَوٰةَ ٱلدُّنۡيَا عَلَى ٱلۡأٓخِرَةِ وَيَصُدُّونَ عَن سَبِيلِ ٱللَّهِ وَيَبۡغُونَهَا عِوَجًاۚ أُوْلَـٰٓئِكَ فِي ضَلَٰلِۭ بَعِيدٖ ﴿3﴾

ߏ߬ ߟߎ߬ ߡߍ߲ ߠߎ߬ ߦߋ߫ ߘߎߢߊ߫ ߢߣߊߡߦߊ ߞߊ߬ߣߌ߲߬ ߠߊ߫ ߛߎ߬ߟߊ߫ ߕߊ ߘߌ߫ ߸ ߞߊ߬ ߞߎ߲߬ߠߊ߬ߛߊߦߌ ߞߍ߫ ߊߟߊ߫ ߛߌߟߊ ߡߊ߬، ߊ߬ ߣߌ߫ ߞߵߏ߬ ߢߌߣߌ߲߫ ߘߎ߬ߣߍ߲߫ ( ߕߋߟߋ߲ߓߊߟߌ ) ߘߌ߫ ، ߒ߬ߓߊ߬ ߏ߬ ߟߎ߫ ߟߋ߫ ߝߌ߬ߟߌ ߘߐ߫ ߔߏ߲߫

14:4

وَمَآ أَرۡسَلۡنَا مِن رَّسُولٍ إِلَّا بِلِسَانِ قَوۡمِهِۦ لِيُبَيِّنَ لَهُمۡۖ فَيُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَهُوَ ٱلۡعَزِيزُ ٱلۡحَكِيمُ ﴿4﴾

ߊ߲ ߡߊ߫ ߞߋߟߊ߫ ߛߌ߫ ߗߋ߫ ( ߡߎߣߎ߲߬ ) ߝߏ߫ ߊ߬ ߡߌ߬ߙߌ߲߬ߘߌ ߖߍ߬ߘߍ ߟߊ߫ ߞߊ߲ ߘߐ߫ ߸ ߛߊ߫ ߏ߬ ߘߌ߫ ߘߐ߬ߞߣߍ߬ߟߌ ߞߍ߫ ߊ߬ߟߎ߬ ߦߋ߫، ߊߟߊ߫ ߦߋ߫ ߡߐ߰ ߟߊߝߌ߬ߟߌ߫ ߏ߬ ߘߐ߫ ߡߍ߲ ߓߊ߯ ߊ߬ ߘߌߦߊ߫ ߸ ߊ߬ ߣߌ߫ ߞߊ߬ ߡߐ߰ ߞߊ߲ߘߊ߫ ߡߍ߲ ߓߊ߯ ߊ߬ ߘߌߦߊ߫، ߊ߬ߟߋ ߟߋ߫ ߣߌ߬ߣߌ߬ߟߊ߫ ߥߘߋ߬ߥߘߋ߬ߟߌ߬ߟߊ ߘߌ߫

14:5

وَلَقَدۡ أَرۡسَلۡنَا مُوسَىٰ بِـَٔايَٰتِنَآ أَنۡ أَخۡرِجۡ قَوۡمَكَ مِنَ ٱلظُّلُمَٰتِ إِلَى ٱلنُّورِ وَذَكِّرۡهُم بِأَيَّىٰمِ ٱللَّهِۚ إِنَّ فِي ذَٰلِكَ لَأٓيَٰتٖ لِّكُلِّ صَبَّارٖ شَكُورٖ ﴿5﴾

ߊ߲ ߣߊ߬ ߡߎߛߊ߫ ߗߋ߫ ߟߊ߫ ߒ߬ ߠߊ߫ ߡߊ߲߬ߕߊߣߌ߲ ߠߎ߬ ߘߌ߫ ߟߋ߬ ߸ ߒ ߞߏ߫ ߌ ߦߴߌ ߡߌ߬ߙߌ߲߬ߘߌ ߟߊߓߐ߫ ߘߌ߬ߓߌ ߟߎ߬ ߘߐ߫ ߞߊ߬ ߕߊ߯ ߦߋߟߋ߲ ߡߊ߬، ߊ߬ ߣߴߌ ߦߴߊ߬ߟߎ߬ ߦߟߌߓߌ߬ߟߊ߬ ߊߟߊ߫ ߟߊ߫ ߟߏ߲ ߠߎ߬ ߘߐ߫، ߓߊ ߕߊ߰ߛߌ߬ߟߌ߫ ߟߴߏ߬ ߟߎ߬ ߘߐ߫ ߡߎ߬ߢߎ߲߬ߓߊ߰ ߞߏߢߌߡߊߟߐ߲ߠߊ ߘߊ߬ߡߊ ߦߋ߫

14:6

وَإِذۡ قَالَ مُوسَىٰ لِقَوۡمِهِ ٱذۡكُرُواْ نِعۡمَةَ ٱللَّهِ عَلَيۡكُمۡ إِذۡ أَنجَىٰكُم مِّنۡ ءَالِ فِرۡعَوۡنَ يَسُومُونَكُمۡ سُوٓءَ ٱلۡعَذَابِ وَيُذَبِّحُونَ أَبۡنَآءَكُمۡ وَيَسۡتَحۡيُونَ نِسَآءَكُمۡۚ وَفِي ذَٰلِكُم بَلَآءٞ مِّن رَّبِّكُمۡ عَظِيمٞ ﴿6﴾

ߕߎ߬ߡߊ ߡߍ߲ ߡߎߛߊ߫ ߞߵߊ߬ ߝߐ߫ ߊ߬ ߡߌ߬ߙߌ߲߬ߘߌ ߦߋ߫ ߸ ߞߏ߫ ߊߟߎ߫ ߦߴߊߟߎ߫ ߦߟߌߓߌ߬ߟߊ߬ ߊߟߊ߫ ߟߊ߫ ߣߍߡߊ ߘߐ߫ ߊߟߎ߫ ߞߊ߲߬ ߘߋ߬ ߸ ߊ߬ ߞߵߊߟߎ߫ ߟߊߞߛߌ ߡߍ߲ ߞߍ߫ ߞߊ߬ ߓߐ߫ ߝߙߊߥߎ߲߫ ߘߏ߲߬ߞߏ ߟߎ߬ ߓߟߏ߫ ߸ ߏ߬ ߟߎ߬ ߡߍ߲ ߠߎ߫ ߕߎ߲߬ ߦߴߊߟߎ߫ ߡߊߜߙߏ߬ ߟߊ߫ ߖߊ߲߰ߞߕߊ߬ ߖߎ߮ ߟߎ߬ ߟߊ߫߸ ߊ߬ ߣߴߊ߬ߟߎ߫ ߕߎ߲߬ ߦߋ߫ ߊߟߎ߫ ߘߋ߲ߞߍ ߟߎ߬ ߞߊ߲ߠߊߕߍ߰ ߟߊ߫߸ ߞߵߊߟߎ߫ ߡߏ߬ߛߏ ߟߎ߬ ߢߣߊߡߊ ߕߏ߫ ( ߟߊ߬ߝߍߦߊ ߘߊߞߘߐ߫ )، ߞߘߐߓߐߟߌߓߊ ߖߍ߬ߘߍ ߟߴߏ߬ ߘߐ߫ ߞߊ߬ ߝߘߴߊߟߎ߫ ߡߊ߰ߙߌ ߟߊ߫

14:7

وَإِذۡ تَأَذَّنَ رَبُّكُمۡ لَئِن شَكَرۡتُمۡ لَأَزِيدَنَّكُمۡۖ وَلَئِن كَفَرۡتُمۡ إِنَّ عَذَابِي لَشَدِيدٞ ﴿7﴾

ߕߎ߬ߡߊ ߡߍ߲ ߊߟߎ߫ ߡߊ߰ߙߌ ߞߵߊ߬ ߟߊߛߋ߫ ߸ ߞߏ߫ ߣߴߊߟߎ߫ ߞߊ߬ ߞߏߢߌߡߊߟߐ߲ ߞߍ߫ ߒ ߘߴߊߟߎ߫ ߓߎ߯ ߟߋ߬ ߘߍ߯، ߣߴߊߟߎ߫ ߘߏ߲߬ ߞߊ߬ ߞߏߢߌߡߊߟߐ߲ߓߊߟߌߦߊ ߞߍ߫ ߸ ߒ ߠߊ߫ ߖߊ߲߰ߞߕߊ ߜߍ߬ߟߍ߲߬ߡߊ߲߬ߓߊ ߟߋ߬

14:8

وَقَالَ مُوسَىٰٓ إِن تَكۡفُرُوٓاْ أَنتُمۡ وَمَن فِي ٱلۡأَرۡضِ جَمِيعٗا فَإِنَّ ٱللَّهَ لَغَنِيٌّ حَمِيدٌ ﴿8﴾

ߡߎߛߊ߫ ߞߊ߲߫ ߞߏ߫ ߣߴߊߟߎ߫ ߣߌ߫ ߘߎ߰ߞߟߏ ߞߊ߲߬ߡߐ߮ ߓߍ߯ ߞߊ߬ ߞߏߢߌߡߊߟߐ߲ߓߊߟߌߦߊ ߞߍ߫ ߒ߬ߤߤߎ߲߮ ߸ ߊߟߊ߫ ߦߋ߫ ߞߊ߯ߙߌߓߊ߯ ߘߌ߫ ߊ߬ ߦߋ߫ ߕߊ߲߬ߘߏ߬ߕߊ߫ ߘߌ߫

14:9

أَلَمۡ يَأۡتِكُمۡ نَبَؤُاْ ٱلَّذِينَ مِن قَبۡلِكُمۡ قَوۡمِ نُوحٖ وَعَادٖ وَثَمُودَ وَٱلَّذِينَ مِنۢ بَعۡدِهِمۡ لَا يَعۡلَمُهُمۡ إِلَّا ٱللَّهُۚ جَآءَتۡهُمۡ رُسُلُهُم بِٱلۡبَيِّنَٰتِ فَرَدُّوٓاْ أَيۡدِيَهُمۡ فِيٓ أَفۡوَٰهِهِمۡ وَقَالُوٓاْ إِنَّا كَفَرۡنَا بِمَآ أُرۡسِلۡتُم بِهِۦ وَإِنَّا لَفِي شَكّٖ مِّمَّا تَدۡعُونَنَآ إِلَيۡهِ مُرِيبٖ ﴿9﴾

ߊ߬ ߝߐ߫ ߊߟߎ߫ ߢߍߓߊ߮ ߟߎ߫ ߖߊ߲߬ߖߏ߲ ߡߊ߫ ߣߵߊߟߎ߫ ߡߊ߬ ߓߊ߬߸ ߣߎߤߎ߲߫ ߡߌ߬ߙߌ߲߬ߘߌ ߣߌ߫ ߊ߯ߘߌ ߟߎ߬ ߣߌ߫ ߛߊ߬ߡߎ߯ߘߊ ߟߎ߫ ߞߊ߬ߣߌ߲߫ ߸ ߊ߬ ߣߌ߫ ߡߍ߲ ߠߎ߬ ߦߴߏ߬ ߟߎ߬ ߞߐ߫، ߡߐ߰ ߛߌ߫ ߕߴߏ߬ ߟߎ߬ ߟߐ߲߫ ߝߏ߫ ߊߟߊ߫، ߏ߬ ߟߎ߬ ߟߊ߫ ߞߋߟߊ ߟߎ߫ ߣߊ߬ ߘߴߊ߬ߟߎ߫ ߡߊ߬ ߔߊߞߌ ߟߎ߬ ߘߌ߫، ߒ߬ߞߵߊ߬ߟߎ߫ ߞߵߊ߬ߟߎ߬ ߕߍ߮ ߟߎ߬ ߟߊߛߊ߬ߦߌ߫ ߊ߬ߟߎ߬ ߘߊ ߟߎ߬ ߞߣߐ߫ ( ߓߟߏߗߌ߲ ߘߌ߫ )߸ ߞߵߊ߬ ߝߐ߫ ߞߏ߫ ߊ߲ ߓߊ߲߬ߣߍ߲߫ ߠߵߊߟߎ߫ ߞߋߟߦߊߞߊ߲ ߘߐ߫ ߝߊߦߌ߲߫، ߓߊߏ߬ ߊߟߎ߫ ߦߴߊ߲ ߞߟߌ߫ ߟߊ߫ ߡߍ߲ ߡߊ߬ ߒ߬ ߧߋ߫ ߝߌ߬ߟߊ߲ߝߌ߬ߟߊ߲ ߠߋ߬ ߘߐ߫ ߏ߬ ߘߐ߫ ߕߋ߲߬ ߞߎߛߎ߲߫߹

14:10

قَالَتۡ رُسُلُهُمۡ أَفِي ٱللَّهِ شَكّٞ فَاطِرِ ٱلسَّمَٰوَٰتِ وَٱلۡأَرۡضِۖ يَدۡعُوكُمۡ لِيَغۡفِرَ لَكُم مِّن ذُنُوبِكُمۡ وَيُؤَخِّرَكُمۡ إِلَىٰٓ أَجَلٖ مُّسَمّٗىۚ قَالُوٓاْ إِنۡ أَنتُمۡ إِلَّا بَشَرٞ مِّثۡلُنَا تُرِيدُونَ أَن تَصُدُّونَا عَمَّا كَانَ يَعۡبُدُ ءَابَآؤُنَا فَأۡتُونَا بِسُلۡطَٰنٖ مُّبِينٖ ﴿10﴾

ߊ߬ߟߎ߬ ߟߊ߫ ߞߋߟߊ ߟߎ߬ ߞߊ߲߫ ߞߏ߫ ߝߌ߬ߟߊ߲ߝߌ߬ߟߊ߲߫ ߠߋ߬ ߊߟߊ߫ ߞߏ ߘߐ߫ ߓߊ߬؟ ߛߊ߲ ߠߎ߬ ߣߌ߫ ߘߎ߱ ߛߌ߲ߘߌߓߊ߮ ߞߊ߬ߣߌ߲߫، ߊ߬ ߘߏ߲߬ ߦߴߊߟߎ߫ ߞߟߌ߫ ߟߊ߫ ߟߋ߬ ߛߴߊ߬ ߘߴߊߟߎ߫ ߞߎ߲߬ߞߏ ߘߏ߫ ߟߎ߫ ߡߊߞߕߏ߫ ߊߟߎ߫ ߦߋ߫ ߸ ߊ߬ ߣߴߊ߬ ߦߴߊߟߎ߫ ߡߊߕߡߊߣߊ߫ ߤߊ߲߯ ߞߊ߬ ߕߊ߯ ߓߌ߬ߟߊ߬ ߛߕߊ߫ ߟߐ߯ߟߊߣߍ߲߫ ߡߊ߬، ߏ߬ ߟߎ߬ ߞߊ߲߫ ߞߏ߫ ߊߟߎ ߕߍ߫ ߝߏߦߌ߬ ߘߌ߫ ߝߏ߫ ߒ߬ߠߎ߫ ߢߐ߲߰ ߡߐ߰، ߊߟߎ߫ ߦߴߊ߬ ߝߍ߬ ߟߋ߬ ߘߐߙߐ߲߫ ߞߵߊ߲ ߞߎ߲߬ߠߊߛߊ߬ߦߌ߲߬ ߝߋ߲߫ ߠߎ߫ ߡߊ߬ ߊ߲ ߝߊ߬ ߟߎ߫ ߕߘߍ߬ ߡߍ߲ ߠߎ߫ ߓߊ߬ߕߏ߬ ߟߊ߫، ߒ߬ߓߵߊߟߎ߫ ߣߵߊ߲ ߡߊ߬ ߦߌ߬ߘߊ߬ߞߏ߬ ߘߐ߬ߜߍ߫ ߘߌ߫ ߥߍ߫

14:11

قَالَتۡ لَهُمۡ رُسُلُهُمۡ إِن نَّحۡنُ إِلَّا بَشَرٞ مِّثۡلُكُمۡ وَلَٰكِنَّ ٱللَّهَ يَمُنُّ عَلَىٰ مَن يَشَآءُ مِنۡ عِبَادِهِۦۖ وَمَا كَانَ لَنَآ أَن نَّأۡتِيَكُم بِسُلۡطَٰنٍ إِلَّا بِإِذۡنِ ٱللَّهِۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ ﴿11﴾

ߊ߬ߟߎ߬ ߟߊ߫ ߞߋߟߊ ߟߎ߬ ߞߊ߲߫ ߊ߬ߟߎ߬ ߦߋ߫ ߞߏ߫ ߒ߬ߠߎ߬ ߕߍ߫ ߝߏߦߌ߬ ߘߌ߫ ߞߍ߬ ߝߏ߫ ߊߟߎ߫ ߢߐ߲߰ ߡߐ߰، ߞߏ߬ߣߌ߲߬ ߊߟߊ߫ ߦߋ߫ ߢߊ߬ ߟߊ߫ ߡߐ߰ ߟߋ߬ ߟߊ߫ ߡߍ߲ ߓߊ߯ ߊ߬ ߘߌߦߴߊ߬ ߟߊ߫ ߖߐ߲߭ ߠߎ߬ ߘߐ߫، ߛߋ߫ ߕߍ߫ ߒ߬ߠߎ߬ ߦߋ߫ ߞߊ߬ ߣߵߊߟߎ߫ ߡߊ߬ ߛߋߓߊ߯ߦߊ߫ ߘߌ߫ ߸ ߝߴߏ߬ ߦߋ߫ ߞߍ߫ ߊߟߊ߫ ߟߊ߫ ߘߌ߬ߢߍ ߟߊ߫، ߟߊߒߠߦߊߓߊ߮ ߟߎ߫ ߘߏ߲߬ ߦߴߊ߬ߟߎ߫ ߛߍ߲߬ߓߍ߬ ߊߟߊ߫ ߟߋ߬ ߟߊ߫

14:12

وَمَا لَنَآ أَلَّا نَتَوَكَّلَ عَلَى ٱللَّهِ وَقَدۡ هَدَىٰنَا سُبُلَنَاۚ وَلَنَصۡبِرَنَّ عَلَىٰ مَآ ءَاذَيۡتُمُونَاۚ وَعَلَى ٱللَّهِ فَلۡيَتَوَكَّلِ ٱلۡمُتَوَكِّلُونَ ﴿12﴾

ߡߋ߬ߘߋ ߦߋ߫ ߒ߬ߠߎ߬ ߟߊ߫ ߞߏ߫ ߊ߲ ߕߍ߫ ߒ߬ ߛߍ߲߬ߓߍ߬ ߊߟߊ߫ ߟߊ߫߸ ߊ߬ ߓߘߊ߫ ߓߊ߲߫ ߒ߬ ߞߊ߲ߘߊ߫ ߟߊ߫ ߒ߬ ߠߊ߫ ߛߌߟߊ ߟߎ߫ ߡߊ߬߸ ߊ߲ߠߎ߫ ߘߏ߲߬ ߘߴߊ߲ ߡߎ߬ߢߎ߲߬ ߊ߲ ߕߙߐߞߏ ߓߍ߯ ߡߵߊߟߎ߫ ߓߟߏ߫، ߓߊ ߛߍ߲߬ߓߍ߬ߟߊ ߟߎ߬ ߦߴߊ߬ߟߎ߫ ߛߍ߲߬ߓߍ߬ ߟߴߊߟߊ߫ ߟߋ߬ ߟߊ߫

14:13

وَقَالَ ٱلَّذِينَ كَفَرُواْ لِرُسُلِهِمۡ لَنُخۡرِجَنَّكُم مِّنۡ أَرۡضِنَآ أَوۡ لَتَعُودُنَّ فِي مِلَّتِنَاۖ فَأَوۡحَىٰٓ إِلَيۡهِمۡ رَبُّهُمۡ لَنُهۡلِكَنَّ ٱلظَّـٰلِمِينَ ﴿13﴾

ߓߊ߲߬ߓߊ߮ ߟߎ߬ ߞߊ߲߫ ߊ߬ߟߎ߬ ߟߊ߫ ߞߋߟߊ ߟߎ߫ ߡߊ߬߸ ߞߏ߫ ߒ߬ ߘߴߊߟߎ߫ ߟߊߓߐ߫ ߒ߬ ߠߊ߫ ߘߎ߱ ߟߊ߫ ߟߋ߬ ߘߍ߯ ߥߟߴߊߟߎ߫ ߦߋ߫ ߛߊ߬ߦߌ߲߫ ߒ߬ ߠߊ߫ ߣߊߡߎ߲ ߘߐ߫، ߞߋߟߊ ߟߎ߫ ߡߊ߰ߙߌ ߞߵߊ߬ߟߎ߬ ߦߟߌߘߏ߲߬ ߠߋ߬ ߞߏ߫ ߊ߲ ߣߊ߬ߕߐ߫ ߕߐ߬ߢߍ߰ߒߕߋ ߟߎ߬ ߛߌߟߊߛߊ߬ ߟߊ߫ ߟߋ߬

14:14

وَلَنُسۡكِنَنَّكُمُ ٱلۡأَرۡضَ مِنۢ بَعۡدِهِمۡۚ ذَٰلِكَ لِمَنۡ خَافَ مَقَامِي وَخَافَ وَعِيدِ ﴿14﴾

ߊ߬ ߣߴߊ߲ ߣߊ߬ߕߐ߫ ߟߋ߬ ߊߟߎ߫ ߟߊߛߌ߰ ߟߊ߫ ߖߡߊ߬ߣߊ ߞߣߐ߫ ߏ߬ ߟߎ߬ ߞߐ߫، ߖߊ߯ߕߋ߬ ߸ ߏ߬ ߞߍߕߐ߫ ߡߐ߰ ߟߋ߬ ߦߋ߫ ߡߍ߲ ߓߘߊ߫ ߛߌߟߊ߲߫ ߒ ߢߍߟߐ ߢߍ߫ ߊ߬ ߣߌ߫ ߞߊ߬ ߛߌߟߊ߲߫ ߒ ߠߊ߫ ߞߐ߲߬ߞߐ߲߬ߒ߬ߡߊ ߢߍ߫

14:15

وَٱسۡتَفۡتَحُواْ وَخَابَ كُلُّ جَبَّارٍ عَنِيدٖ ﴿15﴾

ߊ߬ߟߎ߫ ߞߊ߬ ߟߊ߬ߥߛߊ߬ ߢߌߣߌ߲ ߞߍ߫ ߸ ߏ߬ ߞߍ ߘߋ߲߬ߘߋ߬ߙߎ߫ ߞߊ߲ߘߐߜߍߟߍ߲ ߓߍ߯ ߖߋ߰ߘߐ߬ߞߏߟߏ߲ߧߊ߫ ߘߊ߫

14:16

مِّن وَرَآئِهِۦ جَهَنَّمُ وَيُسۡقَىٰ مِن مَّآءٖ صَدِيدٖ ﴿16﴾

ߔߊߦߌߔߊߦߌ ߦߴߊ߬ ߞߕߐ߫ ߸ ߊ߬ ߣߴߊ߬ ߘߌߣߊ߬ ߟߊߡߌ߲߬ ߖߋ߬ߟߌ߬ ߞߐߟߐ߲ߞߐߟߐ߲ ߠߊ߫

14:17

يَتَجَرَّعُهُۥ وَلَا يَكَادُ يُسِيغُهُۥ وَيَأۡتِيهِ ٱلۡمَوۡتُ مِن كُلِّ مَكَانٖ وَمَا هُوَ بِمَيِّتٖۖ وَمِن وَرَآئِهِۦ عَذَابٌ غَلِيظٞ ﴿17﴾

ߊ߬ ߦߴߏ߬ ߟߋ ߓߌ߬ߙߌ߲߬ߘߌ߬ ߟߊ߫߸ ߊ߬ ߘߏ߲߬ ߕߍ߫ ߛߎ߬ߘߎ߲߬ߧߊ߬ ߞߊ߬ ߛߴߊ߬ ߟߊߞߎ߬ߣߎ߲߬ ߠߊ߫߸ ߛߊ߬ߦߊ ߘߌߣߵߊ߬ ߡߊ߬ ߏ߬ ߘߐ߫ ߞߊ߬ ߓߐ߫ ߝߊ߲߭ ߓߍ߯ ߸ ߊ߬ ߘߏ߲߬ ߕߍ߫ ߛߊ߬ ߝߋߎ߫، ߖߊ߲߰ߞߕߊ߬ ߘߐ߬ߜߌߟߌ߲ ߝߣߊ߫ ߦߴߊ߬ ߞߕߐ߫

14:18

مَّثَلُ ٱلَّذِينَ كَفَرُواْ بِرَبِّهِمۡۖ أَعۡمَٰلُهُمۡ كَرَمَادٍ ٱشۡتَدَّتۡ بِهِ ٱلرِّيحُ فِي يَوۡمٍ عَاصِفٖۖ لَّا يَقۡدِرُونَ مِمَّا كَسَبُواْ عَلَىٰ شَيۡءٖۚ ذَٰلِكَ هُوَ ٱلضَّلَٰلُ ٱلۡبَعِيدُ ﴿18﴾

ߡߍ߲ ߠߎ߫ ߓߊ߲߬ߣߍ߲߫ ߊ߬ߟߎ߫ ߡߊ߰ߙߌ ߘߐ߫ ߏ߬ ߟߎ߬ ߗߋߥߊߟߌ ߟߎ߬ ߟߊߒߡߊ ߦߋ߫ ߟߋ߬ ߦߏ߫ ߓߎ߰ߘߌ߬ߜߍ ߸ ߝߢߐ ߓߘߊ߫ ߘߏ߲߬ ߡߍ߲ ߘߐ߫ ߕߐ߲ߞߐߟߐ߲߫ ߟߏ߲، ߊ߬ ߕߌ߱ ߟߎ߬ ߕߍ߫ ߝߏߦߌ߬ ߟߊߣߐ߬ ߟߴߊ߬ߟߎ߬ ߟߊ߫ ߓߎ߰ߘߌ߬ߜߍ߬ ߟߊߘߍ߬ߣߍ߲ ߘߐ߫، ߒ߬ߓߊ߬ ߏ߬ ߟߋ ߦߋ߫ ߝߌ߬ߟߌ ߘߌ߫ ߔߏ߲߫

14:19

أَلَمۡ تَرَ أَنَّ ٱللَّهَ خَلَقَ ٱلسَّمَٰوَٰتِ وَٱلۡأَرۡضَ بِٱلۡحَقِّۚ إِن يَشَأۡ يُذۡهِبۡكُمۡ وَيَأۡتِ بِخَلۡقٖ جَدِيدٖ ﴿19﴾

ߌ ߡߴߊ߬ ߦߋ߫ ߞߏ߫ ߊߟߊ߫ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߕߎ߬ߢߊ߫ ߟߋ߬ ߟߊ߫، ߣߴߊ߬ ߞߵߊ߬ ߘߌߦߊ߫ ߊ߬ ߘߴߊߟߎ߫ ߟߊߕߊ߯ ߞߊ߬ ߣߊ߬ ߘߊ߲ߠߌ߲߫ ߞߎߘߊ߫ ߘߌ߫

14:20

وَمَا ذَٰلِكَ عَلَى ٱللَّهِ بِعَزِيزٖ ﴿20﴾

ߏ߬ ߡߊ߲߫ ߜߍ߬ߟߍ߲߬ ߊߟߊ߫ ߡߊ߬ ߝߋߎ߫

14:21

وَبَرَزُواْ لِلَّهِ جَمِيعٗا فَقَالَ ٱلضُّعَفَـٰٓؤُاْ لِلَّذِينَ ٱسۡتَكۡبَرُوٓاْ إِنَّا كُنَّا لَكُمۡ تَبَعٗا فَهَلۡ أَنتُم مُّغۡنُونَ عَنَّا مِنۡ عَذَابِ ٱللَّهِ مِن شَيۡءٖۚ قَالُواْ لَوۡ هَدَىٰنَا ٱللَّهُ لَهَدَيۡنَٰكُمۡۖ سَوَآءٌ عَلَيۡنَآ أَجَزِعۡنَآ أَمۡ صَبَرۡنَا مَا لَنَا مِن مَّحِيصٖ ﴿21﴾

ߊ߬ߟߎ߬ ߓߍ߯ ߘߌ߫ ߓߐ߫ ߊߟߊ߫ ߦߋ߫ ߜߍ ߘߐ߫ ߸ ߏ߬ ߓߊ߯ ߞߍ߫ ߖߐ߲ߝߐ߲ߓߊ߯ߕߐ ߟߎ߬ ߘߴߊ߬ ߝߐ߫ ߖߘߍ߬ߘߐ߬ߓߊ ߟߎ߬ ߦߋ߫ ߸ ߞߏ߫ ߒ߬ߠߎ߫ ߕߘߍ߬ ߊߟߎ߫ ߞߐߓߌߟߊ ߟߋ߬ ߘߌ߫، ߦߊ߯ߟߴߊߟߎ߫ ߘߌ߫ ߝߋ߲߫ ߟߊߘߊ߲߬ ߒ߬ ߠߊ߫ ߊߟߊ߫ ߟߊ߫ ߖߊ߲߰ߞߕߊ ߘߐ߫ ߓߊ߬؟ ߊ߬ߟߎ߬ ߘߴߊ߬ ߝߐ߫ ߞߏ߫ ߣߌ߫ ߊߟߊ߫ ߕߎ߲߬ ߞߵߊ߲ ߞߊ߲ߘߊ߫ ߒ߬ ߝߣߊ߫ ߕߘߍ߬ ߘߴߊߟߎ߫ ߞߊ߲ߘߊ߫، ߊ߲ ߞߊ߬ ߒ߬ ߡߊߞߊ߬ߛߌ߫ ߓߊ߬߸ ߊ߲ ߞߵߊ߲ ߡߎ߬ߢߎ߲߫ ߓߊ߬߸ ߏ߬ ߓߍ߯ ߞߊ߫ ߞߊ߲߫ ߒ߬ ߡߊ߬، ߓߊ ߞߘߐߞߊ߫ ߦߙߐ߫ ߛߌ߫ ߕߍ߫ ߒ߬ ߓߟߏ߫

14:22

وَقَالَ ٱلشَّيۡطَٰنُ لَمَّا قُضِيَ ٱلۡأَمۡرُ إِنَّ ٱللَّهَ وَعَدَكُمۡ وَعۡدَ ٱلۡحَقِّ وَوَعَدتُّكُمۡ فَأَخۡلَفۡتُكُمۡۖ وَمَا كَانَ لِيَ عَلَيۡكُم مِّن سُلۡطَٰنٍ إِلَّآ أَن دَعَوۡتُكُمۡ فَٱسۡتَجَبۡتُمۡ لِيۖ فَلَا تَلُومُونِي وَلُومُوٓاْ أَنفُسَكُمۖ مَّآ أَنَا۠ بِمُصۡرِخِكُمۡ وَمَآ أَنتُم بِمُصۡرِخِيَّ إِنِّي كَفَرۡتُ بِمَآ أَشۡرَكۡتُمُونِ مِن قَبۡلُۗ إِنَّ ٱلظَّـٰلِمِينَ لَهُمۡ عَذَابٌ أَلِيمٞ ﴿22﴾

ߞߕߌߕߍ߮ ߓߊ߯ ߓߊ߲߫߸ ߜߍ߬ߘߍ ߘߴߊ߬ ߝߐ߫ ߞߏ߫ ߊߟߊ߫ ߞߵߊߟߎ߫ ߦߟߌߡߊߘߌߦߊ߫ ߕߎ߬ߢߊ ߦߟߌߡߊߘߌߦߊ ߟߊ߫߸ ߒ ߝߣߊ߫ ߞߵߊߟߎ߫ ߦߟߌߡߊߘߌߦߊ߫߸ ߒ ߞߵߊߟߎ߫ ߞߐߡߊߝߐ߫ ߒ ߕߊ ߏ߬ ߘߐ߫، ߣߐ߬ ߘߏ߲߬ ߕߎ߲߬ ߕߍ߫ ߒ ߓߟߏ߫ ߊߟߎ߫ ߞߊ߲߬ ߝߏ߫ ߒ ߞߵߊߟߎ߫ ߞߟߌ߫ ߕߋ߲߬ ߡߍ߲ߞߍ߭ ߸ ߊߟߎ߫ ߝߣߊ߫ ߞߊ߬ ߒ ߠߊߡߌ߬ߘߊ߬، ߊߟߎ߫ ߞߊߣߊ߬ ߒߠߋ ߖߙߊ߬ߞߌ߫ ߏ߬ ߘߐ߫ ߘߋ߬ ߸ ߊߟߴߊߟߎ߫ ߖߍ߬ߘߍ߫ ߟߋ߫ ߖߙߊ߬ߞߌ߫، ߒߠߋ ߕߍ߫ ߊߟߎ߫ ߡߊߘߍ߬ߡߍ߲߬ߓߊ߯ ߘߌ߫ ߸ ߊߟߎ߫ ߕߍ߫ ߒߠߋ ߝߣߊ߫ ߡߊߘߍ߬ߡߍ߲߬ߓߊ߯ ߘߌ߫، ߊߟߎ߫ ߞߊ߬ ߒ ߜߙߊ߬ߢߐ߲߰ߦߊ ߡߍ߲ ߞߍ߫ ߞߘߐ߬ߡߊ߲߫߸ ߓߌ߬ ߡߊ߫ ߒ ߓߊ߲߬ ߏ ߡߊ߬، ߤߊ߲߫߸ ߕߐ߬ߢߍ߰ߒߕߋ ߟߎ߬ ߢߍߛߌ߰ߣߍ߲߫ ߖߊ߲߰ߞߕߊ߬ ߘߌߡߌ߲ߣߍ߲߫ ߠߋ߬ ߟߊ߫ ߞߏߦߌ߫

14:23

وَأُدۡخِلَ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَا بِإِذۡنِ رَبِّهِمۡۖ تَحِيَّتُهُمۡ فِيهَا سَلَٰمٌ ﴿23﴾

ߟߊߒߠߦߊߓߊ߯ ߢߌ߬ߡߊ߬ ߞߍ߬ߟߊ ߟߎ߬ ߘߌߣߊ߬ ߟߊߘߏ߲߬ ߣߊߞߐ ߟߎ߬ ߘߐ߫ ߸ ߞߐ߬ߢߊ ߟߎ߬ ߦߋ߫ ߛߟߎߟߎ߫ ߟߴߏ߬ ߟߎ߬ ߞߘߐߟߊ ߟߎ߬ ߘߐ߫، ߊ߬ߟߎ߬ ߕߏߕߐ߫ ߦߋ߲߬ ߠߋ߬ ߊ߬ߟߎ߫ ߡߊ߰ߙߌ ߟߊ߫ ߘߌ߬ߢߍ ߟߊ߫، ߊ߬ߟߎ߬ ߟߊ߫ ߝߏ߬ߟߌ ߓߴߦߋ߲߬ ߘߐ߫ ߟߋ߬ ߸ ߞߏ߫ -ߊߟߎ߫ ߣߌ߫- ߖߐ߫

14:24

أَلَمۡ تَرَ كَيۡفَ ضَرَبَ ٱللَّهُ مَثَلٗا كَلِمَةٗ طَيِّبَةٗ كَشَجَرَةٖ طَيِّبَةٍ أَصۡلُهَا ثَابِتٞ وَفَرۡعُهَا فِي ٱلسَّمَآءِ ﴿24﴾

ߌ ߡߴߊ߬ ߦߋ߫ ߊߟߊ߫ ߣߊ߬ ߛߊ߲߬ߘߊ ߟߊ߫ ߟߊ߫ ߢߊ ߡߍ߲ ߸ ߞߏ߫ ߞߎߡߊ߫ ߢߌߡߊ ߦߋ߫ ߟߋ߬ ߦߏ߫ ߦߙߌ߫ ߢߌߡߊ߸ ߡߍ߲ ߖߎ߭ ߓߊ߲ߓߊ߲ߣߍ߲߫ ߜߡߊ߫߸ ߊ߬ ߓߏߟߏ߲ ߦߋ߫ ߛߊ߲ߘߐ߫

14:25

تُؤۡتِيٓ أُكُلَهَا كُلَّ حِينِۭ بِإِذۡنِ رَبِّهَاۗ وَيَضۡرِبُ ٱللَّهُ ٱلۡأَمۡثَالَ لِلنَّاسِ لَعَلَّهُمۡ يَتَذَكَّرُونَ ﴿25﴾

ߊ߬ ߦߴߊ߬ ߘߋ߲߫ ߠߴߊ߬ ߡߊ߰ߙߌ ߟߊ߫ ߘߌ߬ߢߍ ߟߊ߫ ߕߎ߬ߡߊ߬ ߓߍ߯ ، ߊߟߊ߫ ߦߋ߫ ߛߊ߲߬ߘߊ ߟߊ߫ ߟߊ߫ ߡߐ߱ ߟߎ߬ ߦߋ߫ ߟߋ߬ ߸ ߛߴߊ߬ߟߎ߬ ߘߴߊ߬ߟߎ߫ ߕߊ߰ߛߌ߬

14:26

وَمَثَلُ كَلِمَةٍ خَبِيثَةٖ كَشَجَرَةٍ خَبِيثَةٍ ٱجۡتُثَّتۡ مِن فَوۡقِ ٱلۡأَرۡضِ مَا لَهَا مِن قَرَارٖ ﴿26﴾

ߊ߬ ߣߌ߫ ߞߏ߫ ߞߎߡߊ߫ ߖߎ߮ ߦߋ߫ ߟߋ߬ ߦߏ߫ ߦߙߌ߫ ߖߎ߮ ߸ ߡߍ߲ ߓߐ߬ߣߍ߲߫ ߞߊ߬ ߟߊ߫ ߘߎ߱ ߞߐߞߊ߲߬ ߥߎߛߊߦߌ߫ ߸ ߓߊ߲ߓߊ߲߫ ߦߙߐ߫ ߛߌ߫ ߕߍ߫ ߊ߬ ߟߊ߫

14:27

يُثَبِّتُ ٱللَّهُ ٱلَّذِينَ ءَامَنُواْ بِٱلۡقَوۡلِ ٱلثَّابِتِ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۖ وَيُضِلُّ ٱللَّهُ ٱلظَّـٰلِمِينَۚ وَيَفۡعَلُ ٱللَّهُ مَا يَشَآءُ ﴿27﴾

ߊߟߊ߫ ߦߋ߫ ߟߊߒߠߦߊߓߊ߮ ߟߎ߬ ߞߐߡߊߓߌ߲ߓߌ߲߫ ߠߊ߫ ߞߎߡߊ߫ ߓߊ߲ߓߊ߲ߣߍ߲ ߠߋ߬ ߟߊ߫ ߘߎߢߊ߫ ߢߣߊߡߦߊ ߘߐ߫ ߸ ߊ߬ ߣߌ߫ ߛߎ߬ߟߊ߫ ߝߣߊ߫ ߘߐ߫، ߊߟߊ߫ ߦߋ߫ ߕߐ߬ߢߍ߰ߒߕߋ ߟߎ߫ ߟߋ߬ ߟߊߝߟߌ߬ ߟߊ߫، ߊߟߊ߫ ߘߏ߲߬ ߦߋ߫ ߞߏ߫ ߟߋ߬ ߞߍ߫ ߟߊ߫ ߡߍ߲ ߓߊ߯ ߊ߬ ߘߌߦߊ߫

14:28

أَلَمۡ تَرَ إِلَى ٱلَّذِينَ بَدَّلُواْ نِعۡمَتَ ٱللَّهِ كُفۡرٗا وَأَحَلُّواْ قَوۡمَهُمۡ دَارَ ٱلۡبَوَارِ ﴿28﴾

ߌ ߡߴߊ߬ ߦߋ߫ ߓߊ߬ ߡߍ߲ ߠߎ߫ ߞߵߊߟߊ߫ ߟߊ߫ ߣߍߡߊ ߝߊ߬ߟߋ߲߬ ߞߏߢߌߡߊߟߐ߲ߓߊߟߌߦߊ ߟߊ߫߸ ߊ߬ ߣߴߊ߬ߟߎ߫ ߞߵߊ߬ߟߎ߫ ߡߌ߬ߙߌ߲߬ߘߌ ߡߊߞߍ߫ ߕߏߒߘߐ ߛߏ ߟߊ߫؟

14:29

جَهَنَّمَ يَصۡلَوۡنَهَاۖ وَبِئۡسَ ٱلۡقَرَارُ ﴿29﴾

ߔߊߦߌߔߊߦߌ߫ ߞߊ߬ߣߌ߲߫ ߸ ߊ߬ߟߎ߫ ߘߏ߲߬ ߘߏ߲߬ߕߐ߫ ߦߋ߲߬ ߠߋ߬، ߘߊ߯ ߦߙߐ߫ ߖߎ߯ ߟߴߏ߬ ߘߌ߫ ߞߟߋ߫

14:30

وَجَعَلُواْ لِلَّهِ أَندَادٗا لِّيُضِلُّواْ عَن سَبِيلِهِۦۗ قُلۡ تَمَتَّعُواْ فَإِنَّ مَصِيرَكُمۡ إِلَى ٱلنَّارِ ﴿30﴾

ߊ߬ ߣߴߊ߬ߟߎ߫ ߞߊ߬ ߢߐ߲߰ߘߐ ߟߎ߬ ߞߍ߫ ߊߟߊ߫ ߟߊ߫ ߸ ߛߴߊ߬ߟߎ߬ ߘߌ߫ ߟߊ߬ߝߟߌ߬ߟߌ ߞߍ߫ ߊ߬ ߟߊ߫ ߛߌߟߊ ߡߊ߬ ، ߊ߬ ߝߐ߫ ߞߏ߫ ߊߟߎ߫ ߦߴߊߟߎ߫ ߘߌߦߊߓߐ߫ ߟߋ߬ ߞߟߋ߫، ߓߊߏ߬ ߊߟߎ߫ ߟߊߓߊ߲߫ ߦߌߟߊ ߟߋ߬ ߕߊ ߘߌ߫

14:31

قُل لِّعِبَادِيَ ٱلَّذِينَ ءَامَنُواْ يُقِيمُواْ ٱلصَّلَوٰةَ وَيُنفِقُواْ مِمَّا رَزَقۡنَٰهُمۡ سِرّٗا وَعَلَانِيَةٗ مِّن قَبۡلِ أَن يَأۡتِيَ يَوۡمٞ لَّا بَيۡعٞ فِيهِ وَلَا خِلَٰلٌ ﴿31﴾

ߊ߬ ߝߐ߫ ߒ ߠߊ߫ ߖߐ߲߭ ߠߎ߬ ߦߋ߫ ߡߍ߲ ߠߎ߬ ߞߍߣߍ߲߫ ߟߊߒߠߦߊߓߊ߮ ߟߎ߬ ߘߌ߫ ߸ ߞߏ߫ ߊ߬ߟߎ߬ ߦߋ߫ ߛߊߟߌ ߟߐ߬ ، ߊ߬ ߣߴߊ߲ ߞߵߊ߬ߟߎ߫ ߤߊ߬ߙߌ߬ߖߍ߯ ߣߊ߲߬ߝߟߏ ߡߍ߲ ߠߊ߫ ߸ ߊ߬ߟߎ߬ ߦߴߏ ߘߏ߲߬ ߘߟߊ߫ ߜߎ߲߬ߘߎ ߣߌ߫ ߟߊ߲ߞߣߍߡߊ ߘߐ߫ ߸ ߞߊ߬ ߞߐ߲߰ ߟߏ߲߫ ߣߊ߭ ߢߍ߫ ߝߙߋ߬ ߕߍ߫ ߡߍ߲ ߘߐ߫ ߸ ߕߋߙߌߢߐ߲߯ߦߊ߫ ߕߍ߫ ߊ߬ ߘߐ߫

14:32

ٱللَّهُ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَأَنزَلَ مِنَ ٱلسَّمَآءِ مَآءٗ فَأَخۡرَجَ بِهِۦ مِنَ ٱلثَّمَرَٰتِ رِزۡقٗا لَّكُمۡۖ وَسَخَّرَ لَكُمُ ٱلۡفُلۡكَ لِتَجۡرِيَ فِي ٱلۡبَحۡرِ بِأَمۡرِهِۦۖ وَسَخَّرَ لَكُمُ ٱلۡأَنۡهَٰرَ ﴿32﴾

ߊߟߊ߫ ߟߋ߫ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߸ ߊ߬ ߣߴߊ߬ ߞߊ߬ ߖߌ ߟߊߖߌ߰ ߞߊ߬ ߓߐ߫ ߡߐ߲ߕߐ߲ ߘߐ߫، ߞߊ߬ ߦߙߌߘߋ߲ ߠߎ߬ ߟߊߝߍߘߍ߲߫ ߏ߬ ߟߊ߫ ߓߊߟߏ ߘߌ߫ ߊߟߎ߫ ߦߋ߫ ، ߊ߬ ߣߴߊ߬ ߞߊ߬ ߞߎߟߎ߲ ߞߟߏ߫ ߊߟߎ߫ ߦߋ߫ ߸ ߛߊ߫ ߏ߬ ߘߌ߫ ߛߣߍߣߍ߫ ߟߌ߲ߓߊ߲ ߞߊ߲߬ ߊ߬ ߟߊ߫ ߥߊߟߋߦߊ ߟߊ߫ ߸ ߊ߬ ߞߊ߬ ߞߐ߭ ߟߎ߬ ߝߣߊ߫ ߞߟߏ߫ ߊߟߎ߫ ߦߋ߫

14:33

وَسَخَّرَ لَكُمُ ٱلشَّمۡسَ وَٱلۡقَمَرَ دَآئِبَيۡنِۖ وَسَخَّرَ لَكُمُ ٱلَّيۡلَ وَٱلنَّهَارَ ﴿33﴾

ߊ߬ ߞߊ߬ ߕߋ߬ߟߋ ߣߌ߫ ߞߊߙߏ ߞߟߏ߫ ߊߟߎ߫ ߦߋ߫ ߞߘߊߎ߫ ߸ ߊ߬ ߣߴߊ߬ ߞߊ߬ ߛߎ ߣߌ߫ ߕߟߋ߬ߘߐ߬ߟߊ ߝߣߊ߫ ߞߟߏ߫ ߊߟߎ߫ ߦߋ߫

14:34

وَءَاتَىٰكُم مِّن كُلِّ مَا سَأَلۡتُمُوهُۚ وَإِن تَعُدُّواْ نِعۡمَتَ ٱللَّهِ لَا تُحۡصُوهَآۗ إِنَّ ٱلۡإِنسَٰنَ لَظَلُومٞ كَفَّارٞ ﴿34﴾

ߊ߬ ߣߴߊߟߎ߫ ߞߵߊ߬ ߕߙߊ߫ ߝߋ߲-ߋ-ߝߋ߲߫ ߠߊ߫߸ ߊ߬ ߞߵߏ߬ ߓߍ߯ ߘߏ߫ ߘߴߊߟߎ߫ ߡߊ߬، ߤߊ߲߫߸ ߣߴߊߟߎ߫ ߞߵߊߟߊ߫ ߟߊ߫ ߣߍߡߊ ߦߙߌߞߊ߫߸ ߊߟߎ߫ ߕߍ߫ ߓߊ߲߫ ߊ߬ ߖߊ߬ߕߋ߬ߛߎ߬ߓߐ߬ ߟߊ߫، ߞߏ߬ߣߌ߲߬ ߤߊ߲߫߸ ߡߐ߱ ߦߋ߫ ߕߐ߬ߢߍ߰ߒߕߋ߫ ߥߊߟߢߌߡߊߟߐ߲ߓߊߟߌ ߖߍ߬ߘߍ ߟߋ߬ ߘߌ߫

14:35

وَإِذۡ قَالَ إِبۡرَٰهِيمُ رَبِّ ٱجۡعَلۡ هَٰذَا ٱلۡبَلَدَ ءَامِنٗا وَٱجۡنُبۡنِي وَبَنِيَّ أَن نَّعۡبُدَ ٱلۡأَصۡنَامَ ﴿35﴾

ߌߓߎ߬ߙߊ߬ߤߌߡߊ߫ ߞߵߊ߬ ߝߐ߫ ߕߎ߬ߡߊ ߡߍ߲ ߞߏ߫ ߒ ߡߊ߰ߙߌ ߸ ߛߏ ߣߌ߲߬ ߞߍ߫ ߦߙߐ߫ ߟߊߞߊ߲ߘߊߣߍ߲߫ ߘߌ߫، ߌ ߦߋ߫ ߒ ߣߌ߫ ߒ ߘߋ߲ ߠߎ߬ ߦߙߐߡߊߖߊ߲߬ߧߊ߫߸ ߊ߲ ߞߊߣߊ߬ ߖߏ߭ ߟߎ߫ ߓߊ߬ߕߏ߬

14:36

رَبِّ إِنَّهُنَّ أَضۡلَلۡنَ كَثِيرٗا مِّنَ ٱلنَّاسِۖ فَمَن تَبِعَنِي فَإِنَّهُۥ مِنِّيۖ وَمَنۡ عَصَانِي فَإِنَّكَ غَفُورٞ رَّحِيمٞ ﴿36﴾

ߒ ߡߊ߰ߙߌ ߸ ߊ߬ߟߎ߬ ߓߘߊ߫ ߛߌߦߊߡߊ߲߫ ߠߊߝߟߌ߬ ߡߐ߱ ߟߎ߬ ߘߐ߫ ߘߋ߬ ߹ ߡߍ߲ ߓߊ߯ ߒߠߋ ߟߊߓߊ߬ߕߵߏ߬ ߦߋ߫ ߒ ߘߏ߫ ߟߋ߬ ߘߌ߫ ، ߡߍ߲ ߓߊ߯ ߒ ߛߐ߬ߛߐ߬ ߛߊ߫ ߤߎ߲ ߹ ߌߟߋ ߟߋ߫ ߞߏ߬ߣߌ߲߬ ߦߋ߫ ߡߊ߬ߞߕߏ߬ߟߊ߫ ߤߌߣߟߊ ߘߌ߫

14:37

رَّبَّنَآ إِنِّيٓ أَسۡكَنتُ مِن ذُرِّيَّتِي بِوَادٍ غَيۡرِ ذِي زَرۡعٍ عِندَ بَيۡتِكَ ٱلۡمُحَرَّمِ رَبَّنَا لِيُقِيمُواْ ٱلصَّلَوٰةَ فَٱجۡعَلۡ أَفۡـِٔدَةٗ مِّنَ ٱلنَّاسِ تَهۡوِيٓ إِلَيۡهِمۡ وَٱرۡزُقۡهُم مِّنَ ٱلثَّمَرَٰتِ لَعَلَّهُمۡ يَشۡكُرُونَ ﴿37﴾

ߊ߲ ߡߊ߰ߙߌ ߸ ߒ ߓߘߊ߫ ߒ ߓߐ߲ߛߐ߲ ߘߏ߫ ߟߊߛߌ߰ ߝߏ߲ߝߊ߲߫ ߠߋ߬ ߞߣߐ߫ ߣߌ߲߬ ߡߍ߲ ߕߍ߫ ߛߣߍ߬ߡߊ߬ߦߙߐ߫ ߘߌ߫ ߸ ߌ ߟߊ߫ ߓߏ߲߫ ߠߊߕߏߣߍ߲ ߦߙߐ ߘߐ߫ ߞߊ߬ߣߌ߲߫ ߒ ߡߊ߰ߙߌ ߸ ߞߏߛߴߊ߬ߟߎ߬ ߘߌ߫ ߛߊߟߌ ߟߐ߬ ، ߒ߬ߓߊ߬ ߌ ߦߋ߫ ߡߐ߱ ߘߏ߫ ߟߎ߫ ߛߣߐ߬ߡߍ ߞߎ߲߬ߟߐ߬ ߊ߬ߟߎ߬ ߟߊ߫߸ ߊ߬ ߣߴߌ ߦߴߊ߬ߟߎ߫ ߤߊ߬ߙߌ߬ߖߍ߰ ߦߙߌߘߋ߲ ߠߎ߬ ߟߊ߫ ߛߴߊ߬ߟߎ߬ ߘߌ߫ ߞߴߌ ߞߏߢߌߡߊߟߐ߲ߓߊ߯ ߘߌ߫

14:38

رَبَّنَآ إِنَّكَ تَعۡلَمُ مَا نُخۡفِي وَمَا نُعۡلِنُۗ وَمَا يَخۡفَىٰ عَلَى ٱللَّهِ مِن شَيۡءٖ فِي ٱلۡأَرۡضِ وَلَا فِي ٱلسَّمَآءِ ﴿38﴾

ߊ߲ ߡߊ߰ߙߌ ߸ ߌߟߋ ߞߵߊ߬ ߟߐ߲߫ ߛߎߋ߫ ߊ߲ ߧߋ߫ ߡߍ߲ ߘߏ߲߰ ߠߊ߫߸ ߊ߬ ߣߴߊ߲ ߧߋ߫ ߡߍ߲ ߟߊ߲ߞߣߍߡߊ߫ ߟߊ߫߸ ߝߏߦߌ߫ ߘߏ߲߬ ߕߍ߫ ߘߏ߲߰ ߠߴߊߟߊ߫ ߡߊ߬ ߘߎ߱ ߞߣߐ߫ ߊ߬ ߣߌ߫ ߛߊ߲ ߝߣߊ߫ ߞߣߐ߫

14:39

ٱلۡحَمۡدُ لِلَّهِ ٱلَّذِي وَهَبَ لِي عَلَى ٱلۡكِبَرِ إِسۡمَٰعِيلَ وَإِسۡحَٰقَۚ إِنَّ رَبِّي لَسَمِيعُ ٱلدُّعَآءِ ﴿39﴾

ߕߊ߲߬ߘߏ ߊߟߊ߫ ߦߋ߫ ߡߍ߲ ߞߊ߬ ߒ ߞߘߐ߬ߓߦߊ߬ߣߍ߲ ߣߌ߲߬ ߛߐ߫ ߌߛߌ߬ߡߊ߬ߌߟߊ߫ ߣߴߌߛߌ߬ߤߊ߯ߞߊ߫ ߟߊ߫، ߤߊ߲߫߸ ߒ ߡߊ߰ߙߌ ߦߋ߫ ߕߌ߲ߞߌ߫ ߡߍ߲ߠߊ ߟߋ߬ ߘߌ߫ ߘߋ߬

14:40

رَبِّ ٱجۡعَلۡنِي مُقِيمَ ٱلصَّلَوٰةِ وَمِن ذُرِّيَّتِيۚ رَبَّنَا وَتَقَبَّلۡ دُعَآءِ ﴿40﴾

ߒ ߡߊ߰ߙߌ ߸ ߒ ߞߍ߫ ߛߊߟߌ ߟߐ߬ߓߊ߯ ߘߌ߫ ߸ ߊ߬ ߣߌ߫ ߒ ߓߐ߲ߛߐ߲ ߘߏ߫ ߟߎ߫ ، ߊ߲ ߡߊ߰ߙߌ ߸ ߌ ߦߋ߫ ߡߊ߬ߕߙߊ߬ߟߌ߬ߞߊ߲ ߡߌ߬ߘߊ߫ ߖߊ߰ߣߌ߲߫

14:41

رَبَّنَا ٱغۡفِرۡ لِي وَلِوَٰلِدَيَّ وَلِلۡمُؤۡمِنِينَ يَوۡمَ يَقُومُ ٱلۡحِسَابُ ﴿41﴾

ߊ߲ ߡߊ߰ߙߌ ߸ ߜߊ߲ߒߞߎ߲ߠߊ߫ ߒ ߡߊ߬ ، ߊ߬ ߣߌ߫ ߒ ߡߏߦߌߓߊ߯ ߝߌ߬ߟߊ ߡߊ߬ ߸ ߊ߬ ߣߌ߫ ߟߊߒߠߦߊߓߊ߮ ߟߎ߫ ߡߊ߬ ߖߊ߬ߕߋ߬ߓߐ ߟߐ߬ ߟߏ߲ ߘߐ߫

14:42

وَلَا تَحۡسَبَنَّ ٱللَّهَ غَٰفِلًا عَمَّا يَعۡمَلُ ٱلظَّـٰلِمُونَۚ إِنَّمَا يُؤَخِّرُهُمۡ لِيَوۡمٖ تَشۡخَصُ فِيهِ ٱلۡأَبۡصَٰرُ ﴿42﴾

ߊߟߎ߫ ߞߴߊߟߊ߫ ߖߊ߬ߕߋ߫ ߖߊ߲߬ߓߐ߬ߓߊ߯ ߘߌ߫ ߕߐ߬ߢߍ߰ߒߕߋ ߟߎ߬ ߗߋߥߊߟߌ ߞߐ߫ ߘߋ߬ ߸ ߊ߬ ߦߴߊ߬ߟߎ߫ ߘߏ߲߰ߘߌ߬ ߟߊ߫ ߟߏ߲߫ ߠߋ߬ ߦߋ߫ ߸ ߢߊ ߟߎ߬ ߜߛߎߞߙߎߕߐ߫ ߡߍ߲ ߘߐ߫

14:43

مُهۡطِعِينَ مُقۡنِعِي رُءُوسِهِمۡ لَا يَرۡتَدُّ إِلَيۡهِمۡ طَرۡفُهُمۡۖ وَأَفۡـِٔدَتُهُمۡ هَوَآءٞ ﴿43﴾

ߊ߬ߟߎ߬ ߞߊߟߌߦߊߡߍߣߍ߲ߕߐ ߟߎ߫ ߞߎ߲߭ ߛߊ߲ߘߌߣߍ߲ ߦߋ߫ ߛߊ߫߸ ߊ߬ߟߎ߬ ߢߊ ߕߴߛߋ߫ ߟߊ߫ ߛߊ߬ߦߌ߬ ߟߴߊ߬ߟߎ߫ ߡߊ߬، ߊ߬ߟߎ߫ ߛߣߐ߬ߡߍ ߟߎ߬ ߦߋ߫ ߝߏߦߊ߲߫

14:44

وَأَنذِرِ ٱلنَّاسَ يَوۡمَ يَأۡتِيهِمُ ٱلۡعَذَابُ فَيَقُولُ ٱلَّذِينَ ظَلَمُواْ رَبَّنَآ أَخِّرۡنَآ إِلَىٰٓ أَجَلٖ قَرِيبٖ نُّجِبۡ دَعۡوَتَكَ وَنَتَّبِعِ ٱلرُّسُلَۗ أَوَلَمۡ تَكُونُوٓاْ أَقۡسَمۡتُم مِّن قَبۡلُ مَا لَكُم مِّن زَوَالٖ ﴿44﴾

ߌ ߦߋ߫ ߖߊ߬ߛߙߋ߬ߡߊ߬ߟߊ ߞߍ߫ ߡߐ߱ ߟߎ߬ ߦߋ߫ ߖߊ߲߰ߞߕߊ ߣߊ߬ ߟߏ߲ ߠߊ߫، ߕߐ߬ߢߍ߰ߒߕߋ ߟߎ߬ ߦߴߊ߬ ߝߐ߫ ߟߴߏ߬ ߟߋ ߘߐ߫ ߞߏ߫ ߊ߲ ߡߊ߰ߙߌ ߸ ߊ߲ ߘߏ߲߰ߘߌ߫ ߛߕߊ߫ ߞߎ߲߬ߘߐ߬ߛߎߘߎ߲߫ ߠߊ߫ ߡߎߣߎ߲߬ ߊ߲ ߧߴߌ ߟߊ߫ ߞߟߌߟߌ ߟߊߡߌ߬ߘߊ߫ ߞߵߊ߲ ߕߎ߲߰ ߌ ߟߊ߫ ߞߋߟߊ ߟߎ߬ ߞߐ߫، ߊ߬ ߝߐ߫ ߊߟߎ ߟߋ߫ ߕߎ߲߬ ߡߴߊߟߎ߫ ߞߊ߬ߟߌ߫ ߞߘߐ߬ߡߊ߲߫ ߓߊ߬ ߞߏ߫ ߊߟߎ߫ ( ߟߊ߫ ߞߏ ) ߕߍߣߊ߬ ߟߊߓߊ߲߫ ߠߊ߫؟

14:45

وَسَكَنتُمۡ فِي مَسَٰكِنِ ٱلَّذِينَ ظَلَمُوٓاْ أَنفُسَهُمۡ وَتَبَيَّنَ لَكُمۡ كَيۡفَ فَعَلۡنَا بِهِمۡ وَضَرَبۡنَا لَكُمُ ٱلۡأَمۡثَالَ ﴿45﴾

ߊߟߎ߫ ߞߵߊߟߎ߫ ߡߊߞߍ߫ ߖߘߍ߬ߕߐ߬ߢߍ߰ߟߊ ߟߎ߫ ߡߊߞߍ߫ ߦߌߟߊ ߟߎ߬ ߘߐ߫ ߸ ߞߍߢߊ ߟߎ߬ ߟߊ߲ߞߣߍߡߊ߫ ߘߴߊߟߎ߫ ߦߋ߫ ߏ߬ ߘߐ߫ ߊ߲ ߞߊ߬ ߡߍ߲ ߞߍ߫ ߏ߬ ߟߎ߬ ߟߊ߫، ߊ߬ ߣߴߊ߲ ߞߊ߬ ߛߊ߲߬ߘߊ ߟߎ߬ ߟߴߊߟߎ߫ ߦߋ߫

14:46

وَقَدۡ مَكَرُواْ مَكۡرَهُمۡ وَعِندَ ٱللَّهِ مَكۡرُهُمۡ وَإِن كَانَ مَكۡرُهُمۡ لِتَزُولَ مِنۡهُ ٱلۡجِبَالُ ﴿46﴾

ߏ߬ ߟߎ߫ ߞߵߊ߬ߟߎ߬ ߟߊ߫ ߝߙߍ߬ߞߘߐ߬ߖߎ߰ߦߊ ߞߍ߫ ߝߛߊߦߌ߫، ߞߵߊ߬ ߕߘߍ߬ ߊ߬ߟߎ߬ ߟߊ߫ ߝߙߍ߬ߞߘߐ߬ߖߎ߰ߦߊ ߦߋ߫ ߊߟߊ߫ ߟߋ߬ ߓߟߏ߫ ߸ ߤߟߴߊ߬ ߓߊ߯ ߊ߬ ߕߘߍ߬ ߞߏ߫ ߊ߬ߟߎ߬ ߟߊ߫ ߝߍ߬ߙߍ ߘߌ߫ ߞߎ߬ߙߎ ߟߎ߬ ߓߐ߫ ߊ߬ߟߎ߫ ߣߐ߭ ߘߐ߫

14:47

فَلَا تَحۡسَبَنَّ ٱللَّهَ مُخۡلِفَ وَعۡدِهِۦ رُسُلَهُۥٓۚ إِنَّ ٱللَّهَ عَزِيزٞ ذُو ٱنتِقَامٖ ﴿47﴾

ߒ߬ߓߵߊߟߎ߫ ߞߴߊߟߊ߫ ߖߊ߬ߕߋ߫ ߊ߬ ߟߊ߫ ߦߟߌߡߊߘߌߦߊ ߝߘߏ߬ߓߊ߯ ߘߌ߫ ߊ߬ ߟߊ߫ ߞߋߟߊ ߟߎ߬ ߦߋ߫ ߘߋ߬، ߓߊ ߊߟߊ߫ ߦߋ߫ ߣߌ߬ߣߌ߬ߟߊ߫ ߘߌ߫ ߸ ߕߊߢߐ߲߯ߓߐ ߕߌ߱ ߟߋ߬

14:48

يَوۡمَ تُبَدَّلُ ٱلۡأَرۡضُ غَيۡرَ ٱلۡأَرۡضِ وَٱلسَّمَٰوَٰتُۖ وَبَرَزُواْ لِلَّهِ ٱلۡوَٰحِدِ ٱلۡقَهَّارِ ﴿48﴾

ߘߎ߱ ߡߊߝߊ߬ߟߋ߲߬ߕߐ߫ ߟߏ߲ ߡߍ߲ ߘߎ߰ ߜߘߍ߫ ߟߊ߫، ߊ߬ ߣߌ߫ ߛߊ߲ ߠߎ߬ ߝߣߊ߫، ߊ߬ߟߎ߬ ߓߍ߯ ߘߌ߫ ߞߍ߫ ߜߍ ߘߐ߫ ߊߟߊ߫ ߦߋ߫ ߸ ߞߎ߲߬ߞߋߟߋ߲ ߠߋ߬ ߞߙߊߓߊߟߌߟߊ ߟߋ߬

14:49

وَتَرَى ٱلۡمُجۡرِمِينَ يَوۡمَئِذٖ مُّقَرَّنِينَ فِي ٱلۡأَصۡفَادِ ﴿49﴾

ߌ ߘߌ߫ ߛߐ߲߬ߡߊ ߟߎ߬ ߦߋ߫ ߏ߬ ߟߏ߲ ߸ ߊ߬ߟߎ߬ ߞߙߎߝߊߣߍ߲߫ ߖߟߐ߬ߞߐ ߟߎ߬ ߟߊ߫

14:50

سَرَابِيلُهُم مِّن قَطِرَانٖ وَتَغۡشَىٰ وُجُوهَهُمُ ٱلنَّارُ ﴿50﴾

ߊ߬ߟߎ߬ ߟߊ߫ ߘߙߌ߬ߞߌ ߟߎ߬ ߦߋ߫ ߡߣߊ߫ ߡߍߣߍ߲ߕߊ ߘߌ߫ ߸ ߕߊ ߦߴߊ߬ߟߎ߬ ߢߘߊ ߟߎ߬ ߡߊߕߎ߲߯ ߠߊ߫ ߡߟߐߞߐ߫

14:51

لِيَجۡزِيَ ٱللَّهُ كُلَّ نَفۡسٖ مَّا كَسَبَتۡۚ إِنَّ ٱللَّهَ سَرِيعُ ٱلۡحِسَابِ ﴿51﴾

ߛߴߊߟߊ߫ ߘߌ߫ ߣߌߡߊ ߓߍ߯ ߛߙߊ߬ ߝߋ߲߫ ߠߊ߫ ߊ߬ ߞߊ߬ ߡߍ߲ ߓߊ߯ߙߊ߫ ، ߓߊߏ߬ ߊߟߊ߫ ߟߊ߫ ߖߊ߬ߕߋ߬ߓߐ ߟߞߊߟߌ߲ߡߊ߲߫ ߠߋ߫ ߘߋ߬ ( ߏ߬ ߞߎ߲߭ ߠߋ߬ )

14:52

هَٰذَا بَلَٰغٞ لِّلنَّاسِ وَلِيُنذَرُواْ بِهِۦ وَلِيَعۡلَمُوٓاْ أَنَّمَا هُوَ إِلَٰهٞ وَٰحِدٞ وَلِيَذَّكَّرَ أُوْلُواْ ٱلۡأَلۡبَٰبِ ﴿52﴾

ߣߌ߲߬ ߦߋ߫ ߟߊ߬ߛߋ߬ߟߌ߫ ߟߋ߬ ߘߌ߫ ߡߐ߱ ߟߎ߫ ߡߊ߬ ߛߴߊ߬ߟߎ߬ ߘߌ߫ ߡߊߛߌߟߊ߲߫ ߊ߬ ߟߊ߫ ، ߊ߬ ߣߌ߫ ߛߴߊ߬ߟߎ߬ ߘߴߊ߬ ߟߐ߲߫ ߞߏ߫ ߊ߬ߟߋ ߟߋ߫ ߡߊ߰ߙߌ߬ ߞߋߟߋ߲ ߘߌ߫ ߸ ߊ߬ ߣߌ߫ ߖߐ߲߰ߛߊ߫ ߦߟߌߡߊ ߟߎ߬ ߘߌ߫ ߦߟߌߟߊߓߌ߬ߟߊ߬

15:1

الٓرۚ تِلۡكَ ءَايَٰتُ ٱلۡكِتَٰبِ وَقُرۡءَانٖ مُّبِينٖ ﴿1﴾

ߊ ߟ ߙ ߟߍߙߊ ߟߝߊߙߌ ߟߎ߫ ߟߋ߫ ߢߌ߲߬ ߘߌ߫ ߸ ߊ߬ ߣߌ߫ ߘߐ߬ߛߊ߬ߙߌ߬ ߘߐߞߣߍߣߍ߲

15:2

رُّبَمَا يَوَدُّ ٱلَّذِينَ كَفَرُواْ لَوۡ كَانُواْ مُسۡلِمِينَ ﴿2﴾

ߕߎ߬ߡߊ߬ߘߏ߫ ߓߊ߲߬ߓߊ߮ ߟߎ߬ ߘߌߣߵߊ߬ ߣߊ߬ߕߊ߫ ߞߏ߫ ߥߟߊߞߏ߫ ߊ߬ߟߎ߫ ߕߘߍ߬ ߦߋ߫ ߞߍ߫ ߖߘߍ߬ߞߟߏ߬ߦߊ߬ߓߊ߯ ߟߎ߫ ߘߌ߫

15:3

ذَرۡهُمۡ يَأۡكُلُواْ وَيَتَمَتَّعُواْ وَيُلۡهِهِمُ ٱلۡأَمَلُۖ فَسَوۡفَ يَعۡلَمُونَ ﴿3﴾

ߊ߬ߟߎ߬ ߕߏ߫ ߦߋ߲߬ ߖߐ߫ ߊ߬ߟߎ߬ ߦߋ߫ ߘߊߥߎ߲ߠߌ߲ ߞߍ߫ ߞߵߊ߬ߟߎ߬ ߘߌߦߊߓߐ߫ ߸ ߊ߬ ߣߌ߫ ߣߊ߬ߕߊ ߦߴߊ߬ߟߎ߬ ߢߣߊߜߍ߫، ߞߏ߬ߣߵߊ߬ߟߎ߬ ߓߍߣߊ߬ ߣߵߊ߬ ߟߐ߲߫

15:4

وَمَآ أَهۡلَكۡنَا مِن قَرۡيَةٍ إِلَّا وَلَهَا كِتَابٞ مَّعۡلُومٞ ﴿4﴾

ߊ߲ ߡߊ߫ ߘߎ߰ ߛߌ߫ ߛߌߟߊߛߊ߬ ߝߏ߫ ߛߕߊ-ߟߍߙߊ߫ ߡߊߟߐ߲ߣߍ߲߫ ߦߋ߫ ߞߍ߫ ߏ߬ ߟߊ߫

15:5

مَّا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ ﴿5﴾

ߡߊ߲߬ߕߏ߲߬ ߛߌ߫ ߘߏ߲߬ ߕߍ߫ ߞߐ߲߰ ߠߴߊ߬ ߛߕߊ ߢߍ߫ ߸ ߊ߬ ߘߏ߲߬ ߕߍ߫ ߘߏ߲߰ߘߌ߫ ߊ߬ ߡߊ߬

15:6

وَقَالُواْ يَـٰٓأَيُّهَا ٱلَّذِي نُزِّلَ عَلَيۡهِ ٱلذِّكۡرُ إِنَّكَ لَمَجۡنُونٞ ﴿6﴾

ߊ߬ߟߎ߬ ߞߊ߲߫ ߠߋ߬ ߞߏ߫ ߤߍ߲߬ ߸ ߞߊ߬ߥߊ߲߬ߘߌ ߟߊߖߌ߰ߣߍ߲߬ ߌߟߋ ߡߍ߲ ߡߊ߬ ߸ ߌ ߦߋ߫ ߝߊ߬ߕߐ ߖߍ߬ߘߍ ߟߋ߬ ߘߌ߫

15:7

لَّوۡمَا تَأۡتِينَا بِٱلۡمَلَـٰٓئِكَةِ إِن كُنتَ مِنَ ٱلصَّـٰدِقِينَ ﴿7﴾

ߥߟߊߞߏ߫ ߌ ߕߎ߲߬ ߦߋ߫ ߣߵߊ߲ ߡߊ߬ ߞߋ߲ߛߐ߲ ߠߎ߬ ߘߌ߫ ߣߴߌ ߞߍ߫ ߘߊ߫ ߕߎ߬ߢߊ߬ ߕߌ߮ ߟߎ߬ ߘߏ߫ ߘߌ߫

15:8

مَا نُنَزِّلُ ٱلۡمَلَـٰٓئِكَةَ إِلَّا بِٱلۡحَقِّ وَمَا كَانُوٓاْ إِذٗا مُّنظَرِينَ ﴿8﴾

ߊ߲ ߕߍ߫ ߞߋ߲ߛߐ߲ ߠߎ߬ ߟߊߖߌ߰ ߟߊ߫ ߘߋ߬ ߝߏ߫ ߛߓߍ߬ߓߟߏߡߊ߬߸ ߊ߬ߟߎ߬ ߕߍ߫ ߘߏ߲߰ߘߌ߬ߕߊ߫ ߘߌ߫ ( ߖߊ߲߰ߞߕߊ ߡߊ߬ ) ߏ߬ ߟߋ ߘߐ߫

15:9

إِنَّا نَحۡنُ نَزَّلۡنَا ٱلذِّكۡرَ وَإِنَّا لَهُۥ لَحَٰفِظُونَ ﴿9﴾

ߒ߬ߠߎ߫ ߟߋ߫ ߣߊ߬ ߞߊ߬ߥߊ߲߬ߘߌ ߟߊߖߌ߰ ߟߊ߫߸ ߒ߬ߠߎ߫ ߟߋ߫ ߘߏ߲߬ ߦߴߊ߬ ߞߣߐ߬ߜߍ߲߬ߓߊ߮ ߟߎ߬ ߘߌ߫

15:10

وَلَقَدۡ أَرۡسَلۡنَا مِن قَبۡلِكَ فِي شِيَعِ ٱلۡأَوَّلِينَ ﴿10﴾

ߊ߲ ߞߊ߬ ߞߋߟߊ ߟߐ߬ ߌߟߋ ߢߍ߫ ߝߟߐߡߐ߱ ߟߎ߬ ߟߊ߫ ߞߙߎߞߊ ߟߎ߬ ߘߐ߫ ߟߋ߬ ߝߛߊߦߌ߫

15:11

وَمَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ ﴿11﴾

ߒ߬ߞߊ߬ ߞߋߟߊ߫ ߛߌ߫ ߡߊ߫ ߣߵߊ߬ߟߎ߫ ߡߊ߬ ߸ ߣߴߊ߬ߟߎ߬ ߡߴߊ߬ߟߎ߬ ߦߟߍߓߐ߫ ߏ߬ ߘߐ߫

15:12

كَذَٰلِكَ نَسۡلُكُهُۥ فِي قُلُوبِ ٱلۡمُجۡرِمِينَ ﴿12﴾

ߒ߬ߓߵߊ߲ ߧߴߊ߬ ߟߊߘߏ߲߬ ߠߊ߫ ߛߐ߲߬ߡߊ ߟߎ߫ ߛߣߐ߬ߡߍ ߘߐ߫ ߕߋ߲߬ ߠߋ߬

15:13

لَا يُؤۡمِنُونَ بِهِۦ وَقَدۡ خَلَتۡ سُنَّةُ ٱلۡأَوَّلِينَ ﴿13﴾

ߡߍ߲ ߠߎ߬ ߕߍ߫ ߟߊ߫ ߟߴߊ߬ ߟߊ߫ ߞߊ߬ߣߌ߲߫ ، ߝߟߐߡߐ߱ ߟߎ߬ ߕߊߗߏ߯ߦߊ ߘߏ߲߬ ߓߘߊ߫ ߕߊ߬ߡߌ߲߬

15:14

وَلَوۡ فَتَحۡنَا عَلَيۡهِم بَابٗا مِّنَ ٱلسَّمَآءِ فَظَلُّواْ فِيهِ يَعۡرُجُونَ ﴿14﴾

ߤߊߟߵߊ߲ ߕߎ߲߬ ߞߊ߬ ߘߊ ߘߏ߫ ߟߊߞߵߊ߬ߟߎ߬ ߦߋ߫ ߛߊ߲ ߠߊ߫ ߸ ߊ߬ߟߎ߬ ߦߋ߫ ߕߋ߬ߟߋ߲߫ ߦߟߍ߬ ߟߊ߫ ߦߋ߲߬

15:15

لَقَالُوٓاْ إِنَّمَا سُكِّرَتۡ أَبۡصَٰرُنَا بَلۡ نَحۡنُ قَوۡمٞ مَّسۡحُورُونَ ﴿15﴾

ߊ߬ߟߎ߫ ߕߎ߲߬ ߘߴߊ߬ ߝߐ߫ ߞߏ߫ ߸ ߒ ߞߏ߫ ߊ߲ ߢߊ ߟߎ߫ ߟߋ߬ ߟߊߡߌߟߏߣߍ߲߫ ߞߍ߬ ، ߋ߰ߋ߯ ߸ ߛߎߓߊ߯ߦߊ ߟߋ߬ ߞߍߣߍ߲߫ ߒ߬ ߠߊ߫ ߞߟߋ߫

15:16

وَلَقَدۡ جَعَلۡنَا فِي ٱلسَّمَآءِ بُرُوجٗا وَزَيَّنَّـٰهَا لِلنَّـٰظِرِينَ ﴿16﴾

ߒ߬ ߞߊ߬ ߛߘߍߟߏߟߏ ߟߎ߬ ߞߍ߫ ߛߊ߲ ߘߐ߫ ߟߋ߬ ߸ ߞߵߊ߬ ߡߊߗߋ߲߬ߧߊ߫ ߝߟߍߟߌߟߊ ߟߎ߬ ߢߣߊ߫

15:17

وَحَفِظۡنَٰهَا مِن كُلِّ شَيۡطَٰنٖ رَّجِيمٍ ﴿17﴾

ߊ߬ ߣߌ߫ ߞߵߊ߬ ߟߊߕߊ߲߬ߞߊ߫ ߜߍ߬ߘߍ߫ ߞߙߎ߬ߟߊ߬ߓߏ߲߬ߕߊ ߘߊ߬ߡߊ ߡߊ߬

15:18

إِلَّا مَنِ ٱسۡتَرَقَ ٱلسَّمۡعَ فَأَتۡبَعَهُۥ شِهَابٞ مُّبِينٞ ﴿18﴾

ߝߏ߫ ߡߍ߲ ߓߊ߯ ߕߟߏߡߊߟߐ ߛߏ߲߬ߧߊ߫ ، ߕߊߟߏߟߏ߫ ߝߢߊߢߊߢߊ ߘߏ߫ ߘߴߏ߬ ߛߊ߯ߘߊ߫

15:19

وَٱلۡأَرۡضَ مَدَدۡنَٰهَا وَأَلۡقَيۡنَا فِيهَا رَوَٰسِيَ وَأَنۢبَتۡنَا فِيهَا مِن كُلِّ شَيۡءٖ مَّوۡزُونٖ ﴿19﴾

ߘߎ߰ߞߟߏ ߝߣߊ߫߸ ߊ߲ ߞߵߏ߬ ߘߐߝߎߟߋ߲߫ ߠߋ߬ ، ߊ߬ ߣߴߊ߲ ߞߊ߬ ߞߎ߬ߙߎ ߟߎ߫ ߝߌ߬ߟߌߝߌ߬ߟߴߊ߬ ߢߊߝߍ߬ ، ߊ߬ ߣߴߊ߲ ߞߊ߬ ߝߋ߲ ߓߍ߯ ߘߏ߫ ߡߊ߲߬ߕߊ߰ߦߊ߬ߣߍ߲ ߟߊߝߍߘߍ߲߫ ߊ߬ ߞߊ߲߬

15:20

وَجَعَلۡنَا لَكُمۡ فِيهَا مَعَٰيِشَ وَمَن لَّسۡتُمۡ لَهُۥ بِرَٰزِقِينَ ﴿20﴾

ߊ߲ ߞߊ߬ ߓߊߟߏ ߟߎ߬ ߞߍ߫ ߊ߬ߟߎ߬ ߘߐ߫ ߊߟߎ߫ ߦߋ߫ ߸ ߊ߬ ߣߌ߫ ߤߊߟߌ߬ ߊߟߎ ߕߍ߫ ߝߋ߲߫ ߜߘߍ ߡߍ߲ ߠߎ߬ ߟߓߊߟߏߓߊ߯ ߟߎ߫ ߘߌ߫

15:21

وَإِن مِّن شَيۡءٍ إِلَّا عِندَنَا خَزَآئِنُهُۥ وَمَا نُنَزِّلُهُۥٓ إِلَّا بِقَدَرٖ مَّعۡلُومٖ ﴿21﴾

ߝߋ߲߫ ߛߌ߫ ߕߍ߫ ߸ ߡߍ߲ ߡߣߐ߬ߓߏ߲ ߠߎ߬ ߕߍ߫ ߒ߬ ߓߟߏ߫ ، ߞߏ߬ߣߵߊ߲ ߕߍ߫ ߊ߬ ߟߊߖߌ߰ ߟߊ߫ ߝߏ߫ ߘߡߊ߬ߦߌ߬ߙߊ߬ ߡߊߟߐ߲ߣߍ߲߫ ߠߋ߬ ߡߊ߬

15:22

وَأَرۡسَلۡنَا ٱلرِّيَٰحَ لَوَٰقِحَ فَأَنزَلۡنَا مِنَ ٱلسَّمَآءِ مَآءٗ فَأَسۡقَيۡنَٰكُمُوهُ وَمَآ أَنتُمۡ لَهُۥ بِخَٰزِنِينَ ﴿22﴾

ߊ߲ ߞߊ߬ ߝߢߐ ߟߎ߬ ߗߋ߫ ߟߊ߬ߞߍ߬ߟߌ߬ߟߊ ߟߎ߬ ߘߌ߫ ߸ ߊ߲ ߞߊ߬ ߖߌ ߟߊߖߌ߰ ߏ߬ ߘߐ߫ ߞߊ߬ ߓߐ߫ ߡߐ߲ߕߐ߲ ߘߐ߫ ߸ ߞߵߊߟߎ߫ ߟߊߡߌ߲߬ ߏ߬ ߟߊ߫ ، ߞߏ߬ߣߵߊߟߎ ߕߴߏ߬ ߡߣߐ߬ߓߏ߲߬ߧߊ߬ߓߊ߯ ߟߎ߫ ߘߌ߫ ߘߋ߬

15:23

وَإِنَّا لَنَحۡنُ نُحۡيِۦ وَنُمِيتُ وَنَحۡنُ ٱلۡوَٰرِثُونَ ﴿23﴾

ߊ߲ߠߎ߫ ߘߏ߲߬ ߸ ߞߏ߬ߞߏ߫ ߒ߬ߠߎ߫ ߟߋ߫ ߟߊ߬ߣߌ߬ߡߦߊ߬ߟߌ ߞߍ߫ ߟߊ߫߸ ߒ߬ߠߎ߫ ߟߋ߫ ߛߊ߬ߟߌ ߞߍ߫ ߟߊ߫، ߒ߬ߠߎ߫ ߟߋ߬ ߗߍߕߊߓߊ߮ ߟߎ߬ ߘߌ߫

15:24

وَلَقَدۡ عَلِمۡنَا ٱلۡمُسۡتَقۡدِمِينَ مِنكُمۡ وَلَقَدۡ عَلِمۡنَا ٱلۡمُسۡتَـٔۡخِرِينَ ﴿24﴾

ߊ߲ ߞߊ߬ ߢߍߓߌߟߊߓߊ߮ ߟߎ߬ ߟߐ߲߫ ߊߟߎ߫ ߘߐ߫ ߟߋ߬ ߛߎߋ߫ ߸ ߊ߲ ߞߊ߬ ߘߏ߲߰ߘߌ߬ߓߊ߮ ߟߎ߬ ߝߣߊ߫ ߟߐ߲߫

15:25

وَإِنَّ رَبَّكَ هُوَ يَحۡشُرُهُمۡۚ إِنَّهُۥ حَكِيمٌ عَلِيمٞ ﴿25﴾

ߌ ߡߊ߰ߙߌ ߟߋ߫ ߘߏ߲߬ ߞߍߕߐ߫ ߊ߬ߟߎ߬ ߟߊߘߍ߬ ߟߊ߫، ߓߊ ߊ߬ ߦߋ߫ ߥߘߋ߬ߥߘߋ߬ߟߌ߬ߟߊ߫ ߘߌ߫ ߸ ߊ߬ ߦߋ߫ ߟߐ߲ߠߌ߲ߠߊ߫ ߘߌ߫

15:26

وَلَقَدۡ خَلَقۡنَا ٱلۡإِنسَٰنَ مِن صَلۡصَٰلٖ مِّنۡ حَمَإٖ مَّسۡنُونٖ ﴿26﴾

ߊ߲ ߞߊ߬ ߡߐ߱ ߘߊ߲߫ ߣߊ߰ߘߌ ߟߋ߬ ߘߐ߫ ߸ ߞߊ߬ ߓߐ߫ ߓߐ߰ ߘߐߕߐ߬ߞߎ߬ߟߐ߬ߣߍ߲ ߘߐ߫

15:27

وَٱلۡجَآنَّ خَلَقۡنَٰهُ مِن قَبۡلُ مِن نَّارِ ٱلسَّمُومِ ﴿27﴾

ߜߍ߬ߘߍ ߛߊ߫߸ ߊ߲ ߞߵߏ߬ ߟߋ ߝߟߐ߫ ߘߊ߲߫ ߕߊ߫ ߞߟߊߡߊ߲ ߘߐ߫

15:28

وَإِذۡ قَالَ رَبُّكَ لِلۡمَلَـٰٓئِكَةِ إِنِّي خَٰلِقُۢ بَشَرٗا مِّن صَلۡصَٰلٖ مِّنۡ حَمَإٖ مَّسۡنُونٖ ﴿28﴾

ߕߎ߬ߡߊ ߡߍ߲ ߌ ߡߊ߰ߙߌ ߞߵߊ߬ ߝߐ߫ ߞߋ߲ߛߐ߲ ߠߎ߬ ߦߋ߫ ߸ ߞߏ߫ ߒ ߓߍߣߊ߬ ߡߐ߱ ߘߊ߲߫ ߣߊ߰ߘߌ ߘߐ߫ ߸ ߞߊ߬ ߓߐ߫ ߓߐ߰ ߘߐߕߐ߬ߞߎ߬ߟߐ߬ߣߍ߲ ߘߐ߫

15:29

فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ ﴿29﴾

ߣߌ߫ ߒ ߓߊ߲߫ ߘߴߏ߬ ߟߊߞߢߊ߫ ߟߊ߫ ߞߊ߬ ߒ ߠߊ߫ ߛߟߐߡߌ߲ ߘߏ߫ ߝߍ߫ ߊ߬ ߘߐ߫ ߸ ߊߟߎ߫ ߦߴߊߟߎ߫ ߓߋ߬ ߏ߬ ߦߋ߫ ߕߌ߲ߓߌߘߌ߲ߓߊ߮ ߟߎ߬ ߘߌ߫

15:30

فَسَجَدَ ٱلۡمَلَـٰٓئِكَةُ كُلُّهُمۡ أَجۡمَعُونَ ﴿30﴾

ߏ߬ ߞߍ ߞߋ߲ߛߐ߲ ߓߍ߯ ߞߊ߬ ߕߌ߲ߓߌߘߌ߲ ߞߍ߫ ߞߐߘߍ߫

15:31

إِلَّآ إِبۡلِيسَ أَبَىٰٓ أَن يَكُونَ مَعَ ٱلسَّـٰجِدِينَ ﴿31﴾

ߝߏ߫ ߓߙߌ߬ߛߌ߫، ߏ ߞߵߊ߬ ߓߊ߲߬ ߞߍߞߏ ߡߊ߬ ߕߌ߲ߓߌߘߌ߲ߓߊ߮ ߟߎ߫ ߝߍ߬

15:32

قَالَ يَـٰٓإِبۡلِيسُ مَا لَكَ أَلَّا تَكُونَ مَعَ ٱلسَّـٰجِدِينَ ﴿32﴾

‹ ߊߟߊ߫› ߞߊ߲߫ ߞߏ߫ ߤߍ߲߬ ߌߟߋ߫ ߓߙߌ߬ߛߌ߫ ߸ ߡߎ߲߬ ߦߴߌ ߟߊ߫ ߌ ߕߍ߫ ߞߍ߫ ߟߊ߫ ߕߌ߲ߓߌߘߌ߲ߓߊ߮ ߟߎ߫ ߝߍ߬؟

15:33

قَالَ لَمۡ أَكُن لِّأَسۡجُدَ لِبَشَرٍ خَلَقۡتَهُۥ مِن صَلۡصَٰلٖ مِّنۡ حَمَإٖ مَّسۡنُونٖ ﴿33﴾

ߊ߬ ߞߊ߲߫ ߞߏ߫ ߒߠߋ ߕߍ߫ ߒ ߕߌ߲ ߓߌߘߌ߲߫ ߡߐ߰ ߛߌ߫ ߦߋ߫ ߌ ߞߊ߬ ߡߍ߲ ߘߊ߲߫ ߣߊ߰ߘߌ ߘߐ߫ ߸ ߞߊ߬ ߓߐ߫ ߓߐ߰ ߘߐߕߐ߬ߞߎ߬ߟߐ߬ߣߍ߲ ߘߐ߫

15:34

قَالَ فَٱخۡرُجۡ مِنۡهَا فَإِنَّكَ رَجِيمٞ ﴿34﴾

‹ ߊߟߊ߫ › ߞߊ߲߫ ߞߏ߫ ߒ߬ߓߊ߬ ߓߐ߫ ߦߊ߲߬ ߝߋߎ߫ ، ߌ ߓߘߊ߫ ߞߍ߫ ߞߙߎ߬ߟߊ߬ߓߏ߲߬ߕߊ ߘߌ߫

15:35

وَإِنَّ عَلَيۡكَ ٱللَّعۡنَةَ إِلَىٰ يَوۡمِ ٱلدِّينِ ﴿35﴾

ߘߊ߲ߞߊ ߟߵߌ ߡߊ߬ ߛߍߣߍ߲߬ ߝߏ߫ ߞߵߊ߬ ߛߌ߰ ߛߙߊ߬ߟߌ ߟߏ߲ ߠߊ߫

15:36

قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ ﴿36﴾

‹ ߓߙߌ߬ߛߌ߬› ߞߊ߲߫ ߞߏ߫ ߒ߬ߓߊ߬ ߒ ߡߊ߰ߙߌ ߸ ߒ ߘߏ߲߰ߘߌ߫ ( ߛߊ߬ߦߊ ߟߊ߫ ) ߝߏ߫ ߞߵߊ߬ ߛߌ߰ ߥߟߌ ߟߏ߲ ߠߊ߫

15:37

قَالَ فَإِنَّكَ مِنَ ٱلۡمُنظَرِينَ ﴿37﴾

‹ ߊߟߊ߫ › ߞߊ߲߫߸ ߞߏ߫ ߌ ߦߋ߫ ߘߏ߲߰ߘߌ߬ߕߊ ߟߎ߬ ߘߏ߫ ߟߋ߬ ߘߌ߫ ߝߛߊߦߌ߫

15:38

إِلَىٰ يَوۡمِ ٱلۡوَقۡتِ ٱلۡمَعۡلُومِ ﴿38﴾

ߝߏ߫ ߞߵߊ߬ ߛߌ߰ ߟߏ߲߫ ߡߊߟߐ߲ߣߍ߲ ߕߎ߬ߡߊ ߟߊ߫

15:39

قَالَ رَبِّ بِمَآ أَغۡوَيۡتَنِي لَأُزَيِّنَنَّ لَهُمۡ فِي ٱلۡأَرۡضِ وَلَأُغۡوِيَنَّهُمۡ أَجۡمَعِينَ ﴿39﴾

‹ ߓߙߌ߬ߛߌ߬ › ߞߊ߲߫ ߞߏ߫ ߒ ߡߊ߰ߙߌ ߸ ߌ ߣߊ߬ ߒߠߋ ߟߊߝߌ߬ߟߌ ߕߊ߬ ߟߊ߫ ߡߍ߲ ߡߊ߬ ߖߐ߫ ߸ ߒ ߝߣߊ߫ ߘߌ߫ ߡߊ߬ߗߋ߲߬ߧߊ߬ߟߌ ߞߍ߫ ߊ߬ߟߎ߬ ߢߣߊ߫ ߘߎ߱ ߞߊ߲߬ ߸ ߊ߬ ߣߌ߫ ߒ ߘߴߊ߬ߟߎ߬ ߓߍ߯ ߟߊߘߍ߬ߣߍ߲ ߟߊߝߟߌ߬ ߞߐߘߍ߫

15:40

إِلَّا عِبَادَكَ مِنۡهُمُ ٱلۡمُخۡلَصِينَ ﴿40﴾

ߝߏ߫ ߌ ߟߊ߫ ߖߐ߲߬ ߓߎ߰ߓߎ߰ߣߍ߲ ߡߍ߲ ߠߎ߬ ߦߴߊ߬ߟߎ߬ ߘߐ߫

15:41

قَالَ هَٰذَا صِرَٰطٌ عَلَيَّ مُسۡتَقِيمٌ ﴿41﴾

‹ ߊߟߊ߫ › ߞߊ߲߫ ߞߏ߫ ߣߌ߲߬ ߦߋ߫ ߛߌߟߊ߫ ߕߋߟߋ߲ߣߍ߲ ߠߋ߬ ߘߌ߫ ߒߠߋ ߡߊ߬

15:42

إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٌ إِلَّا مَنِ ٱتَّبَعَكَ مِنَ ٱلۡغَاوِينَ ﴿42﴾

ߒ ߠߊ߫ ߖߐ߲߭ ߠߎ߬ ߝߋߎ߫ ߸ ߛߋߓߊ߯ߦߊ߫ ߛߌ߫ ߕߴߌ ߦߋ߫ ߏ߬ ߟߎ߫ ߡߊ߬ ߸ ߝߏ߫ ߝߟߌ߬ߓߊ߰ߒߕߋ ߡߍ߲ ߠߎ߬ ߓߴߌ ߟߊߓߊ߬ߕߏ߬

15:43

وَإِنَّ جَهَنَّمَ لَمَوۡعِدُهُمۡ أَجۡمَعِينَ ﴿43﴾

ߔߊߦߌߔߊߦߌ ߟߋ߫ ߘߏ߲߬ ߦߴߏ߬ ߡߎ߰ߡߍ ߢߍߛߌ߮ ߘߌ߫

15:44

لَهَا سَبۡعَةُ أَبۡوَٰبٖ لِّكُلِّ بَابٖ مِّنۡهُمۡ جُزۡءٞ مَّقۡسُومٌ ﴿44﴾

ߘߊ߫ ߥߐߙߐ߲ߥߌ߬ߟߊ߫ ߟߋ߬ ߦߴߏ߬ ߟߊ߫، ߘߊ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߕߊ ߦߋ߫ ߞߎߘߎ߲߫ ߞߋߟߋߞߋߟߋ߲߫ ߘߌ߫ ߊ߬ߺ ( ߘߐߘߏ߲߬ߓߊ߮ ) ߺߟߎ߬ ߘߐ߫

15:45

إِنَّ ٱلۡمُتَّقِينَ فِي جَنَّـٰتٖ وَعُيُونٍ ﴿45﴾

ߝߊ߲ߕߊ߲ߞߟߊ ߟߎ߫ ߟߋ߬ ߡߍ߲ߘߌߦߊ߫ ( ߣߊߞߐ ) ߟߎ߬ ߣߌ߫ ߞߐ߬ߢߊ ߟߎ߬ ߞߣߐ߫

15:46

ٱدۡخُلُوهَا بِسَلَٰمٍ ءَامِنِينَ ﴿46﴾

( ߊ߬ ߘߌ߫ ߝߐ߫ ) ߞߏ߫ ߊߟߎ߫ ߞߎ߲߬ߠߊ߬ߝߎߟߋ߲ߣߍ߲ ߦߋ߫ ߘߏ߲߬ ߦߋ߲߬ ߖߐ ߘߌ߫

15:47

وَنَزَعۡنَا مَا فِي صُدُورِهِم مِّنۡ غِلٍّ إِخۡوَٰنًا عَلَىٰ سُرُرٖ مُّتَقَٰبِلِينَ ﴿47﴾

ߊ߲ ߘߌ߫ ߞߐߣߌ߲ߧߊ ߓߍ߯ ߓߐ߫ ߊ߬ߟߎ߫ ߛߣߐ߬ߡߍ ߟߎ߬ ߘߐ߫ ߸ ߞߵߊ߬ߟߎ߬ ߞߍ߫ ߓߊߘߋ߲ߡߊ ߟߎ߬ ߘߌ߫ ߜߍ߬ߡߍ ߟߎ߫ ߞߊ߲߬ ߢߊߕߋߟߋ߲ߢߐ߲߯ߠߊߓߟߏߡߊ߬

15:48

لَا يَمَسُّهُمۡ فِيهَا نَصَبٞ وَمَا هُم مِّنۡهَا بِمُخۡرَجِينَ ﴿48﴾

ߛߍ߰ ߕߍ߫ ߡߊ߰ ߟߴߊ߬ߟߎ߬ ߟߊ߫ ߦߋ߲߬ ߸ ߊ߬ߟߎ߫ ߘߏ߲߬ ߕߍ߫ ߟߊߓߐ߫ ߟߊ߫ ߦߋ߲߬ ߡߎ߬ߕߎ߲߬

15:49

نَبِّئۡ عِبَادِيٓ أَنِّيٓ أَنَا ٱلۡغَفُورُ ٱلرَّحِيمُ ﴿49﴾

ߒ ߠߊ߫ ߖߐ߲߭ ߠߎ߬ ߟߊߞߍ߫ ߊ߬ ߞߊ߬ߟߊߡߊ߬ ߞߏ߫ ߒߠߋ ߸ ߡߊ߬ߞߕߏ߬ߟߊ ߟߋ߬ ߒߠߋ ߘߌ߫ ߸ ߤߌߣߟߊ ߟߋ߬ ߒ ߘߌ߫