quranm◉

Surah القيامة (75) recited by Abdulbaset Abdulsamad (Mujawwad)

Listen to Abdulbaset Abdulsamad (Mujawwad)

Surah ◉

75:1

لَآ أُقۡسِمُ بِيَوۡمِ ٱلۡقِيَٰمَةِ ﴿1﴾

زه د قيامت په ورځ قسم كوم.

75:2

وَلَآ أُقۡسِمُ بِٱلنَّفۡسِ ٱللَّوَّامَةِ ﴿2﴾

او زه پر ملامتوونكي نفس قسم كوم.

75:3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ ﴿3﴾

آيا انسان دا ګومان كوي چې موږ به يې هډوكي راټول نه كړو؟

75:4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ ﴿4﴾

ولې نه، موږ خو آن د هغو بندونو (او ګوتو سرونو) پر سم برابرولو ځواکمن يو.

75:5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ ﴿5﴾

خو (منكر) انسان غواړي چې وړاندې هم بدكارونه ترسره كړي.

75:6

يَسۡـَٔلُ أَيَّانَ يَوۡمُ ٱلۡقِيَٰمَةِ ﴿6﴾

پوښتنه كوي: چې د قيامت ورځ به كله وي؟

75:7

فَإِذَا بَرِقَ ٱلۡبَصَرُ ﴿7﴾

نو كله چې سترګې خړې شي.

75:8

وَخَسَفَ ٱلۡقَمَرُ ﴿8﴾

او سپوږمۍ توره شي.

75:9

وَجُمِعَ ٱلشَّمۡسُ وَٱلۡقَمَرُ ﴿9﴾

او لمر او سپوږمۍ يو ځاى كړل شي.

75:10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ ﴿10﴾

په هغه ورځ به (دا) انسان ووايي: د تېښتې ځاى چېرې دى؟

75:11

كَلَّا لَا وَزَرَ ﴿11﴾

هيڅكله نه، د پناه ځاى نشته.

75:12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ ﴿12﴾

هغه ورځ (يوازې) ستا د پالونکي لور ته د تمځاى دى.

75:13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ ﴿13﴾

خبر به ورکړی شي انسان ته په دغه ورځ په هغه عمل چې مخکې یې لیږلی دی او وروسته یې پریښی دی.

75:14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ ﴿14﴾

بلكې انسان خپله هم پر ځان ليدونكى دى.

75:15

وَلَوۡ أَلۡقَىٰ مَعَاذِيرَهُۥ ﴿15﴾

كه څه هم (ډېر) عذرونه وړاندې كړي.

75:16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ ﴿16﴾

ته پرې ژر ژر ژبه مه خوځوه چې بيړه پرې وكړې.

75:17

إِنَّ عَلَيۡنَا جَمۡعَهُۥ وَقُرۡءَانَهُۥ ﴿17﴾

بېشكه د هغه جمع كول او پر تا لوستل يې زموږ پر ذمه دي.

75:18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ ﴿18﴾

نو كله چې هغه موږ ولوست، بيايې ته ورپسې لوله.

75:19

ثُمَّ إِنَّ عَلَيۡنَا بَيَانَهُۥ ﴿19﴾

بيا په رېښتيا د هغه څرګند بيانول هم پر موږ دي.

75:20

كَلَّا بَلۡ تُحِبُّونَ ٱلۡعَاجِلَةَ ﴿20﴾

داسې نده، بلکه تاسو د دنیا سره مینه کوئ.

75:21

وَتَذَرُونَ ٱلۡأٓخِرَةَ ﴿21﴾

او آخرت پرېږدئ.

75:22

وُجُوهٞ يَوۡمَئِذٖ نَّاضِرَةٌ ﴿22﴾

په هغه ورځ به ځينې مخونه تازه وي.

75:23

إِلَىٰ رَبِّهَا نَاظِرَةٞ ﴿23﴾

خپل پالونکي ته به كتونكي وي.

75:24

وَوُجُوهٞ يَوۡمَئِذِۭ بَاسِرَةٞ ﴿24﴾

او ځينې مخونه به هغه ورځ بدرنګه وي.

75:25

تَظُنُّ أَن يُفۡعَلَ بِهَا فَاقِرَةٞ ﴿25﴾

ګومان به كوي چې ملاماتوونكى چلند به ورسره وكړى شي.

75:26

كَلَّآ إِذَا بَلَغَتِ ٱلتَّرَاقِيَ ﴿26﴾

هيڅكله نه، كله چې مرۍ ته (سا) ورسيږي.

75:27

وَقِيلَ مَنۡۜ رَاقٖ ﴿27﴾

او وويل شي: څوك دى دم چوف كوونكى؟

75:28

وَظَنَّ أَنَّهُ ٱلۡفِرَاقُ ﴿28﴾

او ګومان وكړي چې همدا بېلتون دى.

75:29

وَٱلۡتَفَّتِ ٱلسَّاقُ بِٱلسَّاقِ ﴿29﴾

او پنډۍ په پنډۍ پورې ونښلي.

75:30

إِلَىٰ رَبِّكَ يَوۡمَئِذٍ ٱلۡمَسَاقُ ﴿30﴾

همغه ورځ ستا د پالونکي لور ته روانېدل دي.

75:31

فَلَا صَدَّقَ وَلَا صَلَّىٰ ﴿31﴾

هغه خو نه باور درلود او نه يې لمونځ كړى و.

75:32

وَلَٰكِن كَذَّبَ وَتَوَلَّىٰ ﴿32﴾

خو درواغجن يې وباله او مخ يې واړولو.

75:33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ ﴿33﴾

بيا په (ډېره) لويۍ خپل كاله (کورنۍ) ته لاړ.

75:34

أَوۡلَىٰ لَكَ فَأَوۡلَىٰ ﴿34﴾

همدا درسره وړ دي، تا سره ښايي.

75:35

ثُمَّ أَوۡلَىٰ لَكَ فَأَوۡلَىٰٓ ﴿35﴾

بيا هم ستا وړ دي، له تا سره ښايي.

75:36

أَيَحۡسَبُ ٱلۡإِنسَٰنُ أَن يُتۡرَكَ سُدًى ﴿36﴾

آيا انسان دا ګڼي چې خوشې (چيټي) به پرېښودل شي؟

75:37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ ﴿37﴾

آيا هغه د منۍ يو څاڅكى نه و چې څڅول كيږي (په رحم کې).

75:38

ثُمَّ كَانَ عَلَقَةٗ فَخَلَقَ فَسَوَّىٰ ﴿38﴾

بيا د وينو يوه ټوټه شو نو الله جوړ او سم برابر كړ.

75:39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ ﴿39﴾

بيايې له هغه څخه جوړه پيدا كړه، نارينه او ښځينه.

75:40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ ﴿40﴾

آيا هغه پر دې نه دى قادر چې مړي راژوندي كړي؟

This surah by other reciters