عَمَّ يَتَسَآءَلُونَ ﴿١﴾
Antonaa so gi iran pamagizai yan?
بِسۡمِ ٱللَّهِ ٱلرَّحۡمَٰنِ ٱلرَّحِيمِ
عَمَّ يَتَسَآءَلُونَ ﴿١﴾
Antonaa so gi iran pamagizai yan?
عَنِ ٱلنَّبَإِ ٱلۡعَظِيمِ ﴿٢﴾
A tothol a mala,
ٱلَّذِي هُمۡ فِيهِ مُخۡتَلِفُونَ ﴿٣﴾
A so siran na di siran on phagayonayon?
كَلَّا سَيَعۡلَمُونَ ﴿٤﴾
Na gnki ran, ka khatokawan iran bo!
ثُمَّ كَلَّا سَيَعۡلَمُونَ ﴿٥﴾
Oriyan iyan, na sabnar a katokawan iran bo!
أَلَمۡ نَجۡعَلِ ٱلۡأَرۡضَ مِهَٰدٗا ﴿٦﴾
Ba Ami da baloya so lopa a miyadmpas?
وَٱلۡجِبَالَ أَوۡتَادٗا ﴿٧﴾
Go so manga palaw a manga pask?
وَخَلَقۡنَٰكُمۡ أَزۡوَٰجٗا ﴿٨﴾
Go inadn Ami skano a nggaganapa,
وَجَعَلۡنَا نَوۡمَكُمۡ سُبَاتٗا ﴿٩﴾
Go biyaloy Ami so torog iyo a kadkha,
وَجَعَلۡنَا ٱلَّيۡلَ لِبَاسٗا ﴿١٠﴾
Go biyaloy Ami so gagawii a nditarn,
وَجَعَلۡنَا ٱلنَّهَارَ مَعَاشٗا ﴿١١﴾
Go biyaloy Ami so dawndaw a ipphaningkawyagn;.
وَبَنَيۡنَا فَوۡقَكُمۡ سَبۡعٗا شِدَادٗا ﴿١٢﴾
Go pimbalayan Ami so kaporoan iyo sa pito a manga babagr (a manga langit),
وَجَعَلۡنَا سِرَاجٗا وَهَّاجٗا ﴿١٣﴾
Go miyadn Kami sa palitaan a masindaw (a alongan),
وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا ﴿١٤﴾
Go piyakatoron Ami a phoon ko manga gabon so ig a madakl,
لِّنُخۡرِجَ بِهِۦ حَبّٗا وَنَبَاتٗا ﴿١٥﴾
Ka an Ami mapakagmaw sa sabap rkaniyan so prpran ago mangngto,
وَجَنَّـٰتٍ أَلۡفَافًا ﴿١٦﴾
A go manga pamomolan a milapilapis.
إِنَّ يَوۡمَ ٱلۡفَصۡلِ كَانَ مِيقَٰتٗا ﴿١٧﴾
Mataan! a so alongan a kokoman na miyabaloy a wakto a kapthatalabokan,
يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا ﴿١٨﴾
Sii ko alongan a kaiyopa ko sanggakala, na makatalingoma kano a pizagorompong,
وَفُتِحَتِ ٱلسَّمَآءُ فَكَانَتۡ أَبۡوَٰبٗا ﴿١٩﴾
Go kalkaan so langit na mabaloy a manga paytaw,
وَسُيِّرَتِ ٱلۡجِبَالُ فَكَانَتۡ سَرَابًا ﴿٢٠﴾
Go mikayontong so manga palaw na mabaloy a lopapk.
إِنَّ جَهَنَّمَ كَانَتۡ مِرۡصَادٗا ﴿٢١﴾
Mataan! a so naraka Jahannam na aya btad iyan na mibbkn a ayan,
لِّلطَّـٰغِينَ مَـَٔابٗا ﴿٢٢﴾
A khandodan o miyamangakowala,
لَّـٰبِثِينَ فِيهَآ أَحۡقَابٗا ﴿٢٣﴾
Matatap siran on sa tanitiyasa;
لَّا يَذُوقُونَ فِيهَا بَرۡدٗا وَلَا شَرَابًا ﴿٢٤﴾
Daa khataam iran on a pakadnggaw, go da a khaynom on,
إِلَّا حَمِيمٗا وَغَسَّاقٗا ﴿٢٥﴾
A rowar ko phlikabo a ig go dana,
جَزَآءٗ وِفَاقًا ﴿٢٦﴾
Balas a pindait (ko galbk iran a marata).
إِنَّهُمۡ كَانُواْ لَا يَرۡجُونَ حِسَابٗا ﴿٢٧﴾
Mataan! a siran na aya btad iran na di iran ikhalk so itongan,
وَكَذَّبُواْ بِـَٔايَٰتِنَا كِذَّابٗا ﴿٢٨﴾
Go piyakambokhag iran so manga ayat Ami sa tanto a kapakambokhag.
وَكُلَّ شَيۡءٍ أَحۡصَيۡنَٰهُ كِتَٰبٗا ﴿٢٩﴾
Na langowan taman na inisorat Ami skaniyan ko daptar;
فَذُوقُواْ فَلَن نَّزِيدَكُمۡ إِلَّا عَذَابًا ﴿٣٠﴾
"Na taami niyo, ka da dn a ipagoman Ami rkano a rowar ko siksa."
إِنَّ لِلۡمُتَّقِينَ مَفَازًا ﴿٣١﴾
Mataan! a adn a bagian o miyamananggila a darpa a kapakadaya,
حَدَآئِقَ وَأَعۡنَٰبٗا ﴿٣٢﴾
A manga pamomolan, ago manga anggor,
وَكَوَاعِبَ أَتۡرَابٗا ﴿٣٣﴾
Go manga raga a mrzarza,
وَكَأۡسٗا دِهَاقٗا ﴿٣٤﴾
Go tagoay sa inomn a tthbira.
لَّا يَسۡمَعُونَ فِيهَا لَغۡوٗا وَلَا كِذَّـٰبٗا ﴿٣٥﴾
Daa khan´g iran on a ilang go da a kabokhag;
جَزَآءٗ مِّن رَّبِّكَ عَطَآءً حِسَابٗا ﴿٣٦﴾
Balas a phoon ko Kadnan ka, a pammgayan a tarotop, -
رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا ﴿٣٧﴾
Kadnan o manga langit, ago so lopa, ago so nganin a pagltan a dowa nan, a Masalinggagaw; da a phakagaga kiran on mbitiyarai.
يَوۡمَ يَقُومُ ٱلرُّوحُ وَٱلۡمَلَـٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا ﴿٣٨﴾
Sii ko alongan a tomindg so Roh ago so manga malaikat a zasaasaap, da a makaptharo kiran, a rowar sa idinan (o Allah a) Masalinggagaw, ago ptharo sa ontol.
ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا ﴿٣٩﴾
Giyoto man so alongan a bnar; na sadn sa khabaya na mbaal sa darpa a khandodan sii ko Kadnan iyan.
إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا ﴿٤٠﴾
Mataan! a Skami na piyakiiktiyaran Ami rkano so siksa a marani, sii ko alongan a kasandngan o taw so miyanggalbk o mbala a lima niyan, na matharo o miyongkir: "Hay oba ako bo mimbaloy a botha."