هَلۡ أَتَىٰكَ حَدِيثُ ٱلۡغَٰشِيَةِ ﴿١﴾
Ino a miyakatalingoma rka so totholan ko khikolob?
بِسۡمِ ٱللَّهِ ٱلرَّحۡمَٰنِ ٱلرَّحِيمِ
هَلۡ أَتَىٰكَ حَدِيثُ ٱلۡغَٰشِيَةِ ﴿١﴾
Ino a miyakatalingoma rka so totholan ko khikolob?
وُجُوهٞ يَوۡمَئِذٍ خَٰشِعَةٌ ﴿٢﴾
Adn a manga paras, sa alongan oto, a khipakatitipadng,
عَامِلَةٞ نَّاصِبَةٞ ﴿٣﴾
A gomagalbk, a khidodokawan,
تَصۡلَىٰ نَارًا حَامِيَةٗ ﴿٤﴾
A phamakasold ko apoy a tanto a mayaw,
تُسۡقَىٰ مِنۡ عَيۡنٍ ءَانِيَةٖ ﴿٥﴾
A phphamakainomn ko bowalan a plikabo.
لَّيۡسَ لَهُمۡ طَعَامٌ إِلَّا مِن ضَرِيعٖ ﴿٦﴾
Daa pangn´ngkn iran a rowar ko sorokn,
لَّا يُسۡمِنُ وَلَا يُغۡنِي مِن جُوعٖ ﴿٧﴾
Di ipkhawlit, go di phakarn sa kaor.
وُجُوهٞ يَوۡمَئِذٖ نَّاعِمَةٞ ﴿٨﴾
Adn a manga paras, sa alongan oto, a madadarandang,
لِّسَعۡيِهَا رَاضِيَةٞ ﴿٩﴾
Sabap ko galbk iran na masosoat siran;
فِي جَنَّةٍ عَالِيَةٖ ﴿١٠﴾
Sii ko sorga a maporo,
لَّا تَسۡمَعُ فِيهَا لَٰغِيَةٗ ﴿١١﴾
Daa khan´g iran on a ilang:
فِيهَا عَيۡنٞ جَارِيَةٞ ﴿١٢﴾
Katatagoan sa manga bowalan a pphamanoga;
فِيهَا سُرُرٞ مَّرۡفُوعَةٞ ﴿١٣﴾
Katatagoan sa manga kantir a manga poporo,
وَأَكۡوَابٞ مَّوۡضُوعَةٞ ﴿١٤﴾
Go manga baso a khiaadirn,
وَنَمَارِقُ مَصۡفُوفَةٞ ﴿١٥﴾
Go manga olona a khiaantibn,
وَزَرَابِيُّ مَبۡثُوثَةٌ ﴿١٦﴾
Go manga paramadali a khikakayatn.
أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ ﴿١٧﴾
Ba iran di pnggdagdaa so manga onta o andamanaya i kiyaadna on?
وَإِلَى ٱلسَّمَآءِ كَيۡفَ رُفِعَتۡ ﴿١٨﴾
Go so langit o andamanaya i kiniporoon on?
وَإِلَى ٱلۡجِبَالِ كَيۡفَ نُصِبَتۡ ﴿١٩﴾
Go so manga palaw o andamanaya i kiyapamakatindga on?
وَإِلَى ٱلۡأَرۡضِ كَيۡفَ سُطِحَتۡ ﴿٢٠﴾
Go so lopa o andamanaya i kiyakayata on?
فَذَكِّرۡ إِنَّمَآ أَنتَ مُذَكِّرٞ ﴿٢١﴾
Na pamakain´ngka ka, a ska na matag pphamakain´ngka.
لَّسۡتَ عَلَيۡهِم بِمُصَيۡطِرٍ ﴿٢٢﴾
Kna a ba siran rka pakiphan´gln,
إِلَّا مَن تَوَلَّىٰ وَكَفَرَ ﴿٢٣﴾
Ogaid na sadn sa tomalikhod go mongkir,
فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ ﴿٢٤﴾
Na isiksa on o Allah so siksa a mala.
إِنَّ إِلَيۡنَآ إِيَابَهُمۡ ﴿٢٥﴾
Mataan! a sii Rkami so khandodan iran;
ثُمَّ إِنَّ عَلَيۡنَا حِسَابَهُم ﴿٢٦﴾
Oriyan iyan na mataan! a sii Rkami so itongan kiran.