ಸೂರಾ At-Tawbah 9:120
مَا كَانَ لِأَهۡلِ ٱلۡمَدِينَةِ وَمَنۡ حَوۡلَهُم مِّنَ ٱلۡأَعۡرَابِ أَن يَتَخَلَّفُواْ عَن رَّسُولِ ٱللَّهِ وَلَا يَرۡغَبُواْ بِأَنفُسِهِمۡ عَن نَّفۡسِهِۦۚ ذَٰلِكَ بِأَنَّهُمۡ لَا يُصِيبُهُمۡ ظَمَأٞ وَلَا نَصَبٞ وَلَا مَخۡمَصَةٞ فِي سَبِيلِ ٱللَّهِ وَلَا يَطَـُٔونَ مَوۡطِئٗا يَغِيظُ ٱلۡكُفَّارَ وَلَا يَنَالُونَ مِنۡ عَدُوّٖ نَّيۡلًا إِلَّا كُتِبَ لَهُم بِهِۦ عَمَلٞ صَٰلِحٌۚ إِنَّ ٱللَّهَ لَا يُضِيعُ أَجۡرَ ٱلۡمُحۡسِنِينَ ﴿١٢٠﴾
◉
ಅನುವಾದ
ಪ್ರವಾದಿಯವರನ್ನು ಬಿಟ್ಟು ಹಿಂದೆ ಉಳಿಯುವುದು (ಯುದ್ಧಕ್ಕೆ ಹೋಗದೆ ಮನೆಯಲ್ಲೇ ಕುಳಿತುಕೊಳ್ಳುವುದು) ಮತ್ತು ಅವರಿಗಿಂತಲೂ ಹೆಚ್ಚು ತಮ್ಮ ಕೆಲಸ-ಕಾರ್ಯಗಳಿಗೆ ಪ್ರಾಶಸ್ತ್ಯ ನೀಡುವುದು ಮದೀನಾ ನಿವಾಸಿಗಳಿಗೆ ಮತ್ತು ಅದರ ಸುತ್ತಲಿರುವ ಮರುಭೂಮಿ ನಿವಾಸಿಗಳಾದ ಅರಬ್ಬಿಗಳಿಗೆ ಭೂಷಣವಲ್ಲ. ಅದೇಕೆಂದರೆ, ಅಲ್ಲಾಹನ ಮಾರ್ಗದಲ್ಲಿ ಅವರಿಗೆ ಯಾವುದೇ ದಾಹ, ಆಯಾಸ ಅಥವಾ ಹಸಿವು ಸಂಭವಿಸಿದರೂ, ಸತ್ಯನಿಷೇಧಿಗಳನ್ನು ಕೆರಳಿಸುವ ಯಾವುದೇ ಪ್ರದೇಶದಲ್ಲಿ ಅವರು ಕಾಲೂರಿದರೂ, ಅಥವಾ ವೈರಿಗಳಿಗೆ ಅವರು ಯಾವುದೇ ನಾಶ-ನಷ್ಟ ತಂದಿಟ್ಟರೂ, ಅವುಗಳಿಗೆ ಬದಲಿಯಾಗಿ ಅವರಿಗೆ ಒಂದು ಸತ್ಕರ್ಮವನ್ನು ದಾಖಲಿಸಲಾಗುವುದು. ಒಳಿತು ಮಾಡುವವರ ಕರ್ಮಗಳನ್ನು ಅಲ್ಲಾಹು ವ್ಯರ್ಥಗೊಳಿಸುವುದಿಲ್ಲ.
ಮದೀನಾದವರು ಹಾಗೂ ಅದರ ಸುತ್ತು ಮುತ್ತಲ ನಿವಾಸಿಗಳಾದ ಹಳ್ಳಿಗರು ಅಲ್ಲಾಹನ ರಸೂಲರನ್ನು ತೊರೆದು ನಿಲ್ಲುವ ಹಾಗೂ ರಸೂಲರ ಜೀವಕ್ಕಿಂತ ತಮ್ಮ ಜೀವದಲ್ಲಿ ಆಗ್ರಹ ಹೊಂದಲು ಯಾವತ್ತೂ ನ್ಯಾಯವಿಲ್ಲ. ಇದು ಯಾಕೆಂದರೆ ಅಲ್ಲಾಹುವಿನ ಮಾರ್ಗದಲ್ಲವರು ಅನುಭವಿಸುವ ದಾಹ, ಕ್ಲೇಶ, ಹಸಿವು ಹಾಗೂ ಸತ್ಯನಿಷೇಧಿಗಳಿಗೆ ದೋಷವುಂಟಾಗುವ ವಿಧ ದಲ್ಲಿ ಯಾವುದೇ ನೆಲದಲ್ಲಿ ಅವರಿಡುವ ಹೆಜ್ಜೆ, ಯಾವುದೇ ಶತ್ರುವಿ ನಿಂದ ಅವರು ಅನುಭ ವಿಸುವ ತೊಂದರೆ ಅವರ ಪಾಲಿಗೆ ಸುಕೃತವಾಗಿ ದಾಖಲಾಗುತ್ತದೆ. ನಿಜ ವಾಗಿಯೂ ಅಲ್ಲಾಹನು ಸುಕೃತರ ಪುಣ್ಯಫಲವನ್ನು ಯಾವತ್ತೂ ವಿಫಲಗೊಳಿಸಲಾರನು .