quranm◉

سورت الواقعة

#
56
↓
M
آيت
96
ترجمو
Taj Mehmood Amroti

◉

بِسۡمِ ٱللَّهِ ٱلرَّحۡمَٰنِ ٱلرَّحِيمِ

56:1

إِذَا وَقَعَتِ ٱلۡوَاقِعَةُ ﴿١﴾

جڏھن قيامت ايندي.

56:2

لَيۡسَ لِوَقۡعَتِهَا كَاذِبَةٌ ﴿٢﴾

جنھنجي اچڻ ۾ ڪو ڪوڙ نه آھي.

56:3

خَافِضَةٞ رَّافِعَةٌ ﴿٣﴾

ڪن کي جھڪي ڪرڻ واري ۽ ڪن کي مٿاھين ڪرڻ واري.

56:4

إِذَا رُجَّتِ ٱلۡأَرۡضُ رَجّٗا ﴿٤﴾

جڏھن زمين سخت ڌوڏبي.

56:5

وَبُسَّتِ ٱلۡجِبَالُ بَسّٗا ﴿٥﴾

۽ جبل پوري طرح ڀڃي پڻي ڪيا ويندا.

56:6

فَكَانَتۡ هَبَآءٗ مُّنۢبَثّٗا ﴿٦﴾

پوءِ اُڏاريل دُز وانگر ٿيندا.

56:7

وَكُنتُمۡ أَزۡوَٰجٗا ثَلَٰثَةٗ ﴿٧﴾

۽ اوھين تڏھن ٽي ٽوليون ٿيندؤ.

56:8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ ﴿٨﴾

پوءِ سڄي پاسي وارا، سڄي پاسي وارا ڪھڙا ته چڱا ھوندا.

56:9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ ﴿٩﴾

۽ کٻي پاسي وارا، کٻي پاسي وارا ڪھڙا (ته) بدحال ھوندا؟

56:10

وَٱلسَّـٰبِقُونَ ٱلسَّـٰبِقُونَ ﴿١٠﴾

۽ (چڱاين ۾) اڳرائي ڪرڻ وارا اڳي ٿيڻ وارا.

56:11

أُوْلَـٰٓئِكَ ٱلۡمُقَرَّبُونَ ﴿١١﴾

اھي (ئي) مقرب آھن.

56:12

فِي جَنَّـٰتِ ٱلنَّعِيمِ ﴿١٢﴾

نعمتن وارن باغن ۾ ھوندا.

56:13

ثُلَّةٞ مِّنَ ٱلۡأَوَّلِينَ ﴿١٣﴾

گھڻا پھرين مان.

56:14

وَقَلِيلٞ مِّنَ ٱلۡأٓخِرِينَ ﴿١٤﴾

۽ ٿورا پوين مان.

56:15

عَلَىٰ سُرُرٖ مَّوۡضُونَةٖ ﴿١٥﴾

(سون سان) اُڻيل تخت تي.

56:16

مُّتَّكِـِٔينَ عَلَيۡهَا مُتَقَٰبِلِينَ ﴿١٦﴾

ھڪ ٻئي جي آمھون سامھون ٿي مٿن ٽيڪ ڏئي ويٺل ھوندا.

56:17

يَطُوفُ عَلَيۡهِمۡ وِلۡدَٰنٞ مُّخَلَّدُونَ ﴿١٧﴾

ھميشه رھڻ وارا نينگر وٽن پيا ايندا ويندا.

56:18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ ﴿١٨﴾

آبخورن ۽ ڪوزن سان ۽ وھندڙ شراب مان (ڀريل) پيالا (آڻيندن).

56:19

لَّا يُصَدَّعُونَ عَنۡهَا وَلَا يُنزِفُونَ ﴿١٩﴾

(اھڙو صاف) جنھن کان نڪي مٿي ۾ سور پوندن ۽ نڪي بيھوش ھوندا.

56:20

وَفَٰكِهَةٖ مِّمَّا يَتَخَيَّرُونَ ﴿٢٠﴾

۽ (پڻ ھر جنس جو) ميوو جتان وڻندن.

56:21

وَلَحۡمِ طَيۡرٖ مِّمَّا يَشۡتَهُونَ ﴿٢١﴾

۽ پکين جو گوشت جنھن قسم مان (پيو) گھرين.

56:22

وَحُورٌ عِينٞ ﴿٢٢﴾

۽ وڏين اکين وارون حورون.

56:23

كَأَمۡثَٰلِ ٱللُّؤۡلُوِٕ ٱلۡمَكۡنُونِ ﴿٢٣﴾

(ڄڻڪ) ڍڪيل موتين جھڙيون.

56:24

جَزَآءَۢ بِمَا كَانُواْ يَعۡمَلُونَ ﴿٢٤﴾

جيڪي ڪمايو ھوائون تنھنجي بدلي ۾.

56:25

لَا يَسۡمَعُونَ فِيهَا لَغۡوٗا وَلَا تَأۡثِيمًا ﴿٢٥﴾

اتي نڪا اجائي بَڪ نڪا گناھ جھڙي ڳالھ ٻڌندا.

56:26

إِلَّا قِيلٗا سَلَٰمٗا سَلَٰمٗا ﴿٢٦﴾

پر ھر ڪو سلام سلام پيو چوندو.

56:27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ ﴿٢٧﴾

۽ سڄي پاسي وارا، سڄي پاسي وارا ڪھڙي حال ھوندا.

56:28

فِي سِدۡرٖ مَّخۡضُودٖ ﴿٢٨﴾

لاسڙين ٻيرين ۾.

56:29

وَطَلۡحٖ مَّنضُودٖ ﴿٢٩﴾

۽ ڀريل ڦردار ڪيوڙن ۾.

56:30

وَظِلّٖ مَّمۡدُودٖ ﴿٣٠﴾

۽ ڊگھن پاڇن ۾.

56:31

وَمَآءٖ مَّسۡكُوبٖ ﴿٣١﴾

۽ (ھيٺ) ڪرندڙ پاڻي ۾.

56:32

وَفَٰكِهَةٖ كَثِيرَةٖ ﴿٣٢﴾

۽ گھڻن ميون ۾.

56:33

لَّا مَقۡطُوعَةٖ وَلَا مَمۡنُوعَةٖ ﴿٣٣﴾

نڪي کُٽندا ۽ نڪي (کائن) جھلبا.

56:34

وَفُرُشٖ مَّرۡفُوعَةٍ ﴿٣٤﴾

۽ اُچا وڇاڻا.

56:35

إِنَّآ أَنشَأۡنَٰهُنَّ إِنشَآءٗ ﴿٣٥﴾

بيشڪ اسان حورن کي ھڪ نموني تي پيدا ڪيو آھي.

56:36

فَجَعَلۡنَٰهُنَّ أَبۡكَارًا ﴿٣٦﴾

پوءِ کين ڪنواريون بڻايوسون.

56:37

عُرُبًا أَتۡرَابٗا ﴿٣٧﴾

مڙسن کي وڻندڙ ھڪ جيڏيون.

56:38

لِّأَصۡحَٰبِ ٱلۡيَمِينِ ﴿٣٨﴾

سڄي پاسي وارن لاءِ.

56:39

ثُلَّةٞ مِّنَ ٱلۡأَوَّلِينَ ﴿٣٩﴾

گھڻي جماعت پھرين مان آھي.

56:40

وَثُلَّةٞ مِّنَ ٱلۡأٓخِرِينَ ﴿٤٠﴾

۽ گھڻي جماعت پوين مان آھي.

56:41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ ﴿٤١﴾

۽ کٻي پاسي وارا، کٻي پاسي وارا ڪھڙا بدحال ھوندا.

56:42

فِي سَمُومٖ وَحَمِيمٖ ﴿٤٢﴾

ڪوسي جھولي ۽ تَتي پاڻيءَ ۾ ھوندا.

56:43

وَظِلّٖ مِّن يَحۡمُومٖ ﴿٤٣﴾

۽ ڪاري دونھين جي پاڇي ۾ ھوندا.

56:44

لَّا بَارِدٖ وَلَا كَرِيمٍ ﴿٤٤﴾

جو نڪي ٿڌو ھوندو ۽ نڪي سھائيندڙ.

56:45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ ﴿٤٥﴾

بيشڪ اُھي ھن کان اڳ (دُنيا ۾) سُک ۾ پيل ھوا.

56:46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ ﴿٤٦﴾

۽ وڏي گناھ (شرڪ) تي ضد ڪندا ھوا.

56:47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ ﴿٤٧﴾

۽ چوندا ھوا ته، جڏھن مرنداسون ۽ مٽي ۽ ھڏا ٿينداسون (تڏھن) اسين وري (قبرن مان) اُٿاريا وينداسون ڇا؟

56:48

أَوَءَابَآؤُنَا ٱلۡأَوَّلُونَ ﴿٤٨﴾

يا اسان جا پھريان پيءُ ڏاڏا.

56:49

قُلۡ إِنَّ ٱلۡأَوَّلِينَ وَٱلۡأٓخِرِينَ ﴿٤٩﴾

(اي پيغمبر) چؤ ته بيشڪ اڳيان ۽ پويان.

56:50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ ﴿٥٠﴾

ھڪ مقرّر ڪيل ڏينھن جي وقت تي ضرور گڏ ڪيا ويندا.

56:51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ ﴿٥١﴾

وري بيشڪ اوھين اي گمراھو ڪوڙ ڀائيندڙؤ.

56:52

لَأٓكِلُونَ مِن شَجَرٖ مِّن زَقُّومٖ ﴿٥٢﴾

ضرور اوھين ٿوھر جي وڻ مان کائيندؤ.

56:53

فَمَالِـُٔونَ مِنۡهَا ٱلۡبُطُونَ ﴿٥٣﴾

پوءِ منجھانئس پيٽن کي ڀريندؤ.

56:54

فَشَٰرِبُونَ عَلَيۡهِ مِنَ ٱلۡحَمِيمِ ﴿٥٤﴾

پوءِ مٿانئس تَتل پاڻيءَ مان پيئندؤ.

56:55

فَشَٰرِبُونَ شُرۡبَ ٱلۡهِيمِ ﴿٥٥﴾

پوءِ اُڃايل اُٺن جي پيئڻ وانگر پيئندؤ.

56:56

هَٰذَا نُزُلُهُمۡ يَوۡمَ ٱلدِّينِ ﴿٥٦﴾

قيامت جي ڏينھن اِھا سندن مھماني آھي.

56:57

نَحۡنُ خَلَقۡنَٰكُمۡ فَلَوۡلَا تُصَدِّقُونَ ﴿٥٧﴾

اسان اوھان کي پيدا ڪيو پوءِ (وري جيارڻ کي) ڇونه سچ ڀائيندا آھيو.

56:58

أَفَرَءَيۡتُم مَّا تُمۡنُونَ ﴿٥٨﴾

ڀلا ڏسو ته سھي ته جيڪا مني وجھندا آھيو.

56:59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ ﴿٥٩﴾

تنھن مان اوھين خلقيو ٿا ڇا؟ يا اسين خلقڻ وارا آھيون؟

56:60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ ﴿٦٠﴾

اسان اوھان ۾ موت مقرّر ڪيو آھي ۽ اسين عاجز نه آھيون.

56:61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ ﴿٦١﴾

ته اوھان جھڙن کي مٽائي پيدا ڪريون ۽ اوھان کي اھڙي (شڪل) ۾ پيدا ڪريون جنھن کي ڄاڻندا ئي ئي نه ھجو.

56:62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ ﴿٦٢﴾

۽ بيشڪ پھرين پيدائش ڄاڻي چڪؤ پوءِ ڇونه ٿا نصيحت وٺو؟

56:63

أَفَرَءَيۡتُم مَّا تَحۡرُثُونَ ﴿٦٣﴾

ڏسو ته سھي جيڪي اوھين پوکيندا آھيو.

56:64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّـٰرِعُونَ ﴿٦٤﴾

سو اوھين ڄمائيندا آھيو ڇا يا اسين ڄمائيندا آھيون؟

56:65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ ﴿٦٥﴾

جيڪڏھن گھُرون ته اُن کي ناس ڪري ڇڏيون پوءِ اوھين حيرت ۾ رھجي وڃو.

56:66

إِنَّا لَمُغۡرَمُونَ ﴿٦٦﴾

(۽ پيا چئو) ته بيشڪ اسين ٽوٽي ۾ پئجي وياسون.

56:67

بَلۡ نَحۡنُ مَحۡرُومُونَ ﴿٦٧﴾

بلڪ اسين بي نصيب آھيون.

56:68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ ﴿٦٨﴾

ڀلا ڏسو ته سھي جيڪو پاڻي پيئندا آھيو.

56:69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ ﴿٦٩﴾

اُھو اوھين ڪڪرن مان ھيٺ لاھيندا آھيو ڇا يا اسين ھيٺ لاھيندا آھيون؟

56:70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ ﴿٧٠﴾

جيڪڏھن گھُرون ته اُن کي کارو ڪري ڇڏيون پوءِ ڇونه شڪرانو ڪندا آھيو؟

56:71

أَفَرَءَيۡتُمُ ٱلنَّارَ ٱلَّتِي تُورُونَ ﴿٧١﴾

ڀلا ڏسو ته سھي ته جا باھ ٻاريندا آھيو.

56:72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ ﴿٧٢﴾

تنھن جي وڻ کي اوھان پيدا ڪيو آھيو آھي ڇا؟ يا اسين پيدا ڪندڙ آھيون.

56:73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ ﴿٧٣﴾

اسان اُن (وڻ) کي نصيحت وٺڻ لاءِ ۽ مسافرن جي فائدي لاءِ پيدا ڪيو آھي.

56:74

فَسَبِّحۡ بِٱسۡمِ رَبِّكَ ٱلۡعَظِيمِ ﴿٧٤﴾

تنھنڪري پنھنجي وڏي پالڻھار جي نالي کي پاڪائي سان ياد ڪر.

56:75

۞فَلَآ أُقۡسِمُ بِمَوَٰقِعِ ٱلنُّجُومِ ﴿٧٥﴾

پوءِ تارن جي ڪِرڻ جي جاءِ جو قسم کڻان ٿو.

56:76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ ﴿٧٦﴾

۽ جيڪڏھن ڄاڻو ته بيشڪ اُھو قسم وڏو آھي.

56:77

إِنَّهُۥ لَقُرۡءَانٞ كَرِيمٞ ﴿٧٧﴾

بيشڪ اھو سڳورو قرآن آھي.

56:78

فِي كِتَٰبٖ مَّكۡنُونٖ ﴿٧٨﴾

لڪل ڪتاب ۾ لکيل آھي.

56:79

لَّا يَمَسُّهُۥٓ إِلَّا ٱلۡمُطَهَّرُونَ ﴿٧٩﴾

پاڪائيءَ وارن کانسواءِ ٻيو ڪو اُن کي ھٿ نه لائيندو آھي.

56:80

تَنزِيلٞ مِّن رَّبِّ ٱلۡعَٰلَمِينَ ﴿٨٠﴾

جھانن جي پالڻھار وٽان نازل ڪيل آھي.

56:81

أَفَبِهَٰذَا ٱلۡحَدِيثِ أَنتُم مُّدۡهِنُونَ ﴿٨١﴾

پوءِ اوھين ھن ڳالھ (جي مڃڻ) ۾ سُستي ڪرڻ وارا آھيو ڇا.

56:82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ ﴿٨٢﴾

۽ اُن کي ڪوڙ ڀانئين پنھنجو حصّو ڪريو ٿا.

56:83

فَلَوۡلَآ إِذَا بَلَغَتِ ٱلۡحُلۡقُومَ ﴿٨٣﴾

پوءِ جنھن مھل (ڪنھنجو) ساھ نر گھٽ وٽ پھچي.

56:84

وَأَنتُمۡ حِينَئِذٖ تَنظُرُونَ ﴿٨٤﴾

۽ اوھين انھيءَ مھل پيا ٿا ڏسو.

56:85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ ﴿٨٥﴾

۽ اسين اوھان جي به نسبت اُن ڏانھن تمام ويجھا آھيون پر اوھين نه ڏسندا آھيو.

56:86

فَلَوۡلَآ إِن كُنتُمۡ غَيۡرَ مَدِينِينَ ﴿٨٦﴾

پوءِ جيڪڏھن (اوھين خدا جي حُڪم ۾) لاچار ٿيل نه آھيو.

56:87

تَرۡجِعُونَهَآ إِن كُنتُمۡ صَٰدِقِينَ ﴿٨٧﴾

ته جيڪڏھن سچا آھيو ته روح کي ڇو نه موٽايو.

56:88

فَأَمَّآ إِن كَانَ مِنَ ٱلۡمُقَرَّبِينَ ﴿٨٨﴾

پوءِ جيڪڏھن (مئل الله جي) ويجھن ٻانھن مان ھوندو.

56:89

فَرَوۡحٞ وَرَيۡحَانٞ وَجَنَّتُ نَعِيمٖ ﴿٨٩﴾

ته اُن لاءِ خوشي ۽ سُرھاڻ ۽ نعمت وارو باغ آھي.

56:90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ ﴿٩٠﴾

۽ جيڪڏھن سڄي پاسي وارن مان ھوندو.

56:91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ ﴿٩١﴾

ته سڄي پاسي وارن مان توکي سلامتي آھي.

56:92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ ﴿٩٢﴾

پر جيڪڏھن اُھو ڪُوڙ ڀانئيندڙن گمراھن مان ھوندو.

56:93

فَنُزُلٞ مِّنۡ حَمِيمٖ ﴿٩٣﴾

ته (اُن لاءِ) تَتل پاڻي مھماني.

56:94

وَتَصۡلِيَةُ جَحِيمٍ ﴿٩٤﴾

۽ دوزخ ۾ گھيڙڻ آھي.

56:95

إِنَّ هَٰذَا لَهُوَ حَقُّ ٱلۡيَقِينِ ﴿٩٥﴾

بيشڪ ھي خبر پوري يقيني آھي.

56:96

فَسَبِّحۡ بِٱسۡمِ رَبِّكَ ٱلۡعَظِيمِ ﴿٩٦﴾

تنھنڪري پنھنجي پالڻھار وڏي جي نالي کي پاڪائيءَ سان ياد ڪر.