ಸೂರಾ An-Nisa 4:19
يَـٰٓأَيُّهَا ٱلَّذِينَ ءَامَنُواْ لَا يَحِلُّ لَكُمۡ أَن تَرِثُواْ ٱلنِّسَآءَ كَرۡهٗاۖ وَلَا تَعۡضُلُوهُنَّ لِتَذۡهَبُواْ بِبَعۡضِ مَآ ءَاتَيۡتُمُوهُنَّ إِلَّآ أَن يَأۡتِينَ بِفَٰحِشَةٖ مُّبَيِّنَةٖۚ وَعَاشِرُوهُنَّ بِٱلۡمَعۡرُوفِۚ فَإِن كَرِهۡتُمُوهُنَّ فَعَسَىٰٓ أَن تَكۡرَهُواْ شَيۡـٔٗا وَيَجۡعَلَ ٱللَّهُ فِيهِ خَيۡرٗا كَثِيرٗا ﴿١٩﴾
◉
ಅನುವಾದ
ಓ ಸತ್ಯವಿಶ್ವಾಸಿಗಳೇ! ಮಹಿಳೆಯರನ್ನು ಬಲವಂತದಿಂದ ಉತ್ತರಾಧಿಕಾರವಾಗಿ ಪಡೆಯುವುದು ನಿಮಗೆ ಧರ್ಮಸಮ್ಮತವಲ್ಲ.[1] ನೀವು ಅವರಿಗೆ (ಪತ್ನಿಯರಿಗೆ) ನೀಡಿರುವುದರಲ್ಲಿ ಒಂದಂಶವನ್ನು ಹಿಂದಕ್ಕೆ ಪಡೆಯಲು ಅವರನ್ನು ತಡೆದಿರಿಸಬೇಡಿ— ಅವರು ಬಹಿರಂಗವಾಗಿ ಏನಾದರೂ ಅಶ್ಲೀಲ ಕೃತ್ಯವೆಸಗದಿದ್ದರೆ. ಅವರೊಂದಿಗೆ ಉತ್ತಮವಾಗಿ ವರ್ತಿಸಿರಿ. ನೀವು ಅವರನ್ನು ದ್ವೇಷಿಸುವುದಾದರೆ, ಬಹುಶಃ ನೀವು ದ್ವೇಷಿಸುವ ಒಂದು ವಸ್ತುವಿನಲ್ಲಿ ಅಲ್ಲಾಹು ಅತ್ಯಧಿಕ ಒಳಿತನ್ನಿಟ್ಟಿರಬಹುದು.
ಓ ಸತ್ಯವಿಶ್ವಾಸಿಗಳೇ! ಸ್ತ್ರೀಯರನ್ನು ಉತ್ತರಾಧಿಕಾರ ಸೊತ್ತಿನಂತೆ ಕೈವಶ ಇರಿಸಿಕೊಳ್ಳುವುದು ನಿಮಗೆ ಸಮ್ಮತವಲ್ಲ. ನೀವು ಅವರಿಗೆ ಕೊಟ್ಟಿರು ವುದರಿಂದ ಮಹ್ರ್ನ ಒಂದಂಶವನ್ನಾದರೂ ಅಪಹರಿಸಲಿಕ್ಕಾಗಿ ನೀವು ಅವರನ್ನು ತಡೆದು ನಿಲ್ಲಿಸಬೇಡಿರಿ. ಅವರು ಸ್ಪಷ್ಟವಾದ ಏನಾದರೂ ಕುಕರ್ಮವನ್ನು ಮಾಡಿದರೆ ಹೊರತು. ಅವರೊಂದಿಗೆ ಉತ್ತಮ ರೀತಿಯಲ್ಲಿ ವರ್ತಿಸಿರಿ. ನಿಮಗೆ ಅವರು ಸಹ್ಯವಾಗದಿದ್ದರೆ (ಕ್ಷಮಿಸಿರಿ. ಯಾಕೆಂದರೆ) ನೀವು ಯಾವುದೇ ಒಂದು ವಸ್ತುವನ್ನು ಮೆಚ್ಚದಿರುವಾಗಲೂ ಆ ವಸ್ತುವಿನಲ್ಲಿ ಅಲ್ಲಾಹು ಧಾರಾಳ ಒಳಿತನ್ನು ಇಟ್ಟಿರಲೂಬಹುದು.