quranm◉

Sûre Ash-Shams الشمس

#
91
↓
M
Ayêt
15
Werger
Burhan Muhammad-Amin

◉

بِسۡمِ ٱللَّهِ ٱلرَّحۡمَٰنِ ٱلرَّحِيمِ

91:1

وَٱلشَّمۡسِ وَضُحَىٰهَا ﴿١﴾

سوێند به خۆر و تیشكی خۆراکه له سه‌ره‌تایی ڕۆژدا سه‌رهه‌ڵده‌دا).

91:2

وَٱلۡقَمَرِ إِذَا تَلَىٰهَا ﴿٢﴾

سوێند به مانگ، کاتێك به‌شوێنیدا دێت.

91:3

وَٱلنَّهَارِ إِذَا جَلَّىٰهَا ﴿٣﴾

سوێند به ڕۆژ کاتێک که خۆر ده‌رده‌خات.

91:4

وَٱلَّيۡلِ إِذَا يَغۡشَىٰهَا ﴿٤﴾

سوێند به شه‌و که خۆر داده‌پۆشیت.

91:5

وَٱلسَّمَآءِ وَمَا بَنَىٰهَا ﴿٥﴾

سوێند به ئاسمان و به‌و زاته به ده‌سه‌ڵاته‌ی دروستی کردووه‌.

91:6

وَٱلۡأَرۡضِ وَمَا طَحَىٰهَا ﴿٦﴾

سوێند به زه‌وی و به‌و زاته‌ی که به‌شێوه‌ی هێلکه‌یی دایناوه‌.

91:7

وَنَفۡسٖ وَمَا سَوَّىٰهَا ﴿٧﴾

سوێند به ده‌روون و ئه‌و زاته‌ی که به ڕێک و پێکی به‌دیهێناوه‌.

91:8

فَأَلۡهَمَهَا فُجُورَهَا وَتَقۡوَىٰهَا ﴿٨﴾

جا توانای خراپه و چاکه و خوانه‌ناسی و خواناسی تێدا دابین کردووه‌.

91:9

قَدۡ أَفۡلَحَ مَن زَكَّىٰهَا ﴿٩﴾

(سوێند به‌وانه هه‌موو) به‌ڕاستی ئه‌و که‌سه سه‌رفرازه که نه‌فسی پاک و پوخته کردووه و ئیمان و ترسی خوای تیادا ڕواندووه‌.

91:10

وَقَدۡ خَابَ مَن دَسَّىٰهَا ﴿١٠﴾

بێگومان نائومێد بوو ئه‌و که‌سه‌ی نه‌فسی خۆی ناپوخت کرد و ئاڵوده‌ی گوناهو تاوان و خراپه‌ی کرد.

91:11

كَذَّبَتۡ ثَمُودُ بِطَغۡوَىٰهَآ ﴿١١﴾

قه‌ومی ثمود به‌هۆی سه‌رکه‌شی و یاخی بوونیانه‌وه‌، بڕوایان به پێغه‌مبه‌ره‌که‌یان نه‌هێنا.

91:12

إِذِ ٱنۢبَعَثَ أَشۡقَىٰهَا ﴿١٢﴾

کاتێک شه‌قاوه و خوانه‌ناسترین که‌سیان خۆیی ڕاپسکاند (بۆ سه‌ربڕینی وشتره‌که‌).

91:13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا ﴿١٣﴾

جا پێغه‌مبه‌ری خوا (صاڵح) پێی وتن: واز بهێنن له‌م وشتره که موعجیزه‌ی خوایه‌، مۆڵه‌تی بده‌ن له نۆره ئاوه‌که‌ی خۆیدا ئاو بخواته‌وه‌.

91:14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا ﴿١٤﴾

که‌چی بڕوایان به هه‌ره‌شه‌کانی نه‌کرد، ئینجا وشتره‌که‌یان سه‌ربڕی، ئه‌وسا ئیتر په‌روه‌ردگاریان وڵاتی کاولکردن و له‌گه‌ڵ زه‌ویدا ته‌ختی کرد به‌سه‌ریاندا و که‌سیان ڕزگاری نه‌بوو (به‌هۆی گوناهو تاوانیانه‌وه‌).

91:15

وَلَا يَخَافُ عُقۡبَٰهَا ﴿١٥﴾

له کاتێکدا که خوای به‌ده‌سه‌ڵات له سه‌ره‌نجامی ئه‌و کاره‌یشی هه‌رگیز ناترسێت.