quranmقرآن ریڈر میں کھولیں

سورۃ العلق

نمبر
96
نزول
مکی
آیات
19
ترجمہ
Fatah Muhammad Jalandhari

قرآن ریڈر میں کھولیں

بِسۡمِ ٱللَّهِ ٱلرَّحۡمَٰنِ ٱلرَّحِيمِ

96:1

ٱقۡرَأۡ بِٱسۡمِ رَبِّكَ ٱلَّذِي خَلَقَ ﴿١﴾

(اے محمدﷺ) اپنے پروردگار کا نام لے کر پڑھو جس نے (عالم کو) پیدا کیا

96:2

خَلَقَ ٱلۡإِنسَٰنَ مِنۡ عَلَقٍ ﴿٢﴾

جس نے انسان کو خون کی پھٹکی سے بنایا

96:3

ٱقۡرَأۡ وَرَبُّكَ ٱلۡأَكۡرَمُ ﴿٣﴾

پڑھو اور تمہارا پروردگار بڑا کریم ہے

96:4

ٱلَّذِي عَلَّمَ بِٱلۡقَلَمِ ﴿٤﴾

جس نے قلم کے ذریعے سے علم سکھایا

96:5

عَلَّمَ ٱلۡإِنسَٰنَ مَا لَمۡ يَعۡلَمۡ ﴿٥﴾

اور انسان کو وہ باتیں سکھائیں جس کا اس کو علم نہ تھا

96:6

كَلَّآ إِنَّ ٱلۡإِنسَٰنَ لَيَطۡغَىٰٓ ﴿٦﴾

مگر انسان سرکش ہو جاتا ہے

96:7

أَن رَّءَاهُ ٱسۡتَغۡنَىٰٓ ﴿٧﴾

جب کہ اپنے تیئں غنی دیکھتا ہے

96:8

إِنَّ إِلَىٰ رَبِّكَ ٱلرُّجۡعَىٰٓ ﴿٨﴾

کچھ شک نہیں کہ (اس کو) تمہارے پروردگار ہی کی طرف لوٹ کر جانا ہے

96:9

أَرَءَيۡتَ ٱلَّذِي يَنۡهَىٰ ﴿٩﴾

بھلا تم نے اس شخص کو دیکھا جو منع کرتا ہے

96:10

عَبۡدًا إِذَا صَلَّىٰٓ ﴿١٠﴾

(یعنی) ایک بندے کو جب وہ نماز پڑھنے لگتا ہے

96:11

أَرَءَيۡتَ إِن كَانَ عَلَى ٱلۡهُدَىٰٓ ﴿١١﴾

بھلا دیکھو تو اگر یہ راہِ راست پر ہو

96:12

أَوۡ أَمَرَ بِٱلتَّقۡوَىٰٓ ﴿١٢﴾

یا پرہیز گاری کا حکم کرے (تو منع کرنا کیسا)

96:13

أَرَءَيۡتَ إِن كَذَّبَ وَتَوَلَّىٰٓ ﴿١٣﴾

اور دیکھو تو اگر اس نے دین حق کو جھٹلایا اور اس سے منہ موڑا (تو کیا ہوا)

96:14

أَلَمۡ يَعۡلَم بِأَنَّ ٱللَّهَ يَرَىٰ ﴿١٤﴾

کیااس کو معلوم نہیں کہ خدا دیکھ رہا ہے

96:15

كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ ﴿١٥﴾

دیکھو اگر وہ باز نہ آئے گا تو ہم (اس کی) پیشانی کے بال پکڑ گھسیٹیں گے

96:16

نَاصِيَةٖ كَٰذِبَةٍ خَاطِئَةٖ ﴿١٦﴾

یعنی اس جھوٹے خطاکار کی پیشانی کے بال

96:17

فَلۡيَدۡعُ نَادِيَهُۥ ﴿١٧﴾

تو وہ اپنے یاروں کی مجلس کو بلالے

96:18

سَنَدۡعُ ٱلزَّبَانِيَةَ ﴿١٨﴾

ہم بھی اپنے موکلانِ دوزخ کو بلا لیں گے

96:19

كَلَّا لَا تُطِعۡهُ وَٱسۡجُدۡۤ وَٱقۡتَرِب۩ ﴿١٩﴾

دیکھو اس کا کہا نہ ماننا اور قربِ (خدا) حاصل کرتے رہنا