quranm◉

صفحو 531

Range
from 54:50 to 55:16
Surahs covered
ترجمو
22 ترجمو

◉

54:50

وَمَآ أَمۡرُنَآ إِلَّا وَٰحِدَةٞ كَلَمۡحِۭ بِٱلۡبَصَرِ ﴿50﴾

۽ اسان جو ڪم رڳو اک ڇنڀ ۾ ٿيڻ جھڙو ھڪ سُخن آھي.

54:51

وَلَقَدۡ أَهۡلَكۡنَآ أَشۡيَاعَكُمۡ فَهَلۡ مِن مُّدَّكِرٖ ﴿51﴾

۽ بيشڪ اوھان جھڙيون (ڪيتريون ئي) ٽوليون ھلاڪ ڪيون سون پوءِ آھي ڪو نصيحت وٺڻ وارو.

54:52

وَكُلُّ شَيۡءٖ فَعَلُوهُ فِي ٱلزُّبُرِ ﴿52﴾

۽ جيڪي ڪيو اٿن سو (سڀ سندن) اعمالنامن ۾ (لکيل) آھي.

54:53

وَكُلُّ صَغِيرٖ وَكَبِيرٖ مُّسۡتَطَرٌ ﴿53﴾

۽ سڀڪي ننڍو وڏو لکيل آھي.

54:54

إِنَّ ٱلۡمُتَّقِينَ فِي جَنَّـٰتٖ وَنَهَرٖ ﴿54﴾

بيشڪ پرھيزگار باغن ۽ نھرين ۾ ھوندا.

54:55

فِي مَقۡعَدِ صِدۡقٍ عِندَ مَلِيكٖ مُّقۡتَدِرِۭ ﴿55﴾

اُھي سچي مجلس ۾ سگھ واري بادشاھ وٽ رھندا.

55:1

ٱلرَّحۡمَٰنُ ﴿1﴾

ٻاجھاري (الله).

55:2

عَلَّمَ ٱلۡقُرۡءَانَ ﴿2﴾

قرآن سيکاريو.

55:3

خَلَقَ ٱلۡإِنسَٰنَ ﴿3﴾

ماڻھو کي پيدا ڪيائين.

55:4

عَلَّمَهُ ٱلۡبَيَانَ ﴿4﴾

ان کي پڌرو ڳالھائڻ سيکاريائين.

55:5

ٱلشَّمۡسُ وَٱلۡقَمَرُ بِحُسۡبَانٖ ﴿5﴾

سج ۽ چنڊ پوري حساب تي ھلندا آھن.

55:6

وَٱلنَّجۡمُ وَٱلشَّجَرُ يَسۡجُدَانِ ﴿6﴾

۽ وليون ۽ وڻ (الله کي) سجدو ڪندا آھن.

55:7

وَٱلسَّمَآءَ رَفَعَهَا وَوَضَعَ ٱلۡمِيزَانَ ﴿7﴾

۽ آسمان کي بلند ڪيائين ۽ انصاف جي ترازي رکيائين.

55:8

أَلَّا تَطۡغَوۡاْ فِي ٱلۡمِيزَانِ ﴿8﴾

ھن لاءِ ته تور ۾ حد کان نه لنگھو.

55:9

وَأَقِيمُواْ ٱلۡوَزۡنَ بِٱلۡقِسۡطِ وَلَا تُخۡسِرُواْ ٱلۡمِيزَانَ ﴿9﴾

۽ انصاف سان پورو توريندا رھو ۽ تور ۾ کوٽ نه ڪريو.

55:10

وَٱلۡأَرۡضَ وَضَعَهَا لِلۡأَنَامِ ﴿10﴾

ماڻھن لاءِ زمين کي پکيڙيائين.

55:11

فِيهَا فَٰكِهَةٞ وَٱلنَّخۡلُ ذَاتُ ٱلۡأَكۡمَامِ ﴿11﴾

منجھس (ھر جنس) جو ميوو ۽ چپڙين واريون کجيون آھن.

55:12

وَٱلۡحَبُّ ذُو ٱلۡعَصۡفِ وَٱلرَّيۡحَانُ ﴿12﴾

۽ بُھ وارو اَنُّ ۽ سرھاڻيون (به اُن ۾) آھن.

55:13

فَبِأَيِّ ءَالَآءِ رَبِّكُمَا تُكَذِّبَانِ ﴿13﴾

پوءِ (اي جنّؤ ۽ ماڻھو) پنھنجي رب جي ڪھڙين نعمتن جو انڪار ڪندؤ.

55:14

خَلَقَ ٱلۡإِنسَٰنَ مِن صَلۡصَٰلٖ كَٱلۡفَخَّارِ ﴿14﴾

ماڻھوءَ کي ٽِڪر جھڙي وڄندڙ مٽيءَ مان پيدا ڪيائين.

55:15

وَخَلَقَ ٱلۡجَآنَّ مِن مَّارِجٖ مِّن نَّارٖ ﴿15﴾

۽ جنّ کي باھ جي الانبي مان بڻايائين.

55:16

فَبِأَيِّ ءَالَآءِ رَبِّكُمَا تُكَذِّبَانِ ﴿16﴾

پوءِ (اي جنّؤ ۽ ماڻھو) پنھنجي پالڻھار جي ڪھڙين نعمتن جو انڪار ڪندؤ.