quranm◉

صفحو 580

Range
from 76:26 to 77:19
Surahs covered
ترجمو
25 ترجمو

◉

76:26

وَمِنَ ٱلَّيۡلِ فَٱسۡجُدۡ لَهُۥ وَسَبِّحۡهُ لَيۡلٗا طَوِيلًا ﴿26﴾

۽ ڪجھ (وقت) رات ۾ اُن لاءِ نماز پڙھ ۽ گھڻي رات سندس پاڪائي ساراھ.

76:27

إِنَّ هَـٰٓؤُلَآءِ يُحِبُّونَ ٱلۡعَاجِلَةَ وَيَذَرُونَ وَرَآءَهُمۡ يَوۡمٗا ثَقِيلٗا ﴿27﴾

بيشڪ اُھي (ڪافر) دنيا کي پيارو رکندا آھن ۽ ڳوري ڏينھن کي پنھنجي پٺيان ڦٽو ڪندا آھن.

76:28

نَّحۡنُ خَلَقۡنَٰهُمۡ وَشَدَدۡنَآ أَسۡرَهُمۡۖ وَإِذَا شِئۡنَا بَدَّلۡنَآ أَمۡثَٰلَهُمۡ تَبۡدِيلًا ﴿28﴾

اسان کين پيدا ڪيو ۽ سندن سَنڌ پُختا ڪياسون، ۽ جڏھن گھرون (ته) اھڙا ٻيا عوض ۾ مٽائي آڻيون.

76:29

إِنَّ هَٰذِهِۦ تَذۡكِرَةٞۖ فَمَن شَآءَ ٱتَّخَذَ إِلَىٰ رَبِّهِۦ سَبِيلٗا ﴿29﴾

بيشڪ اھا نصيحت آھي، پوءِ جيڪو گھري سو پنھنجي پالڻھار ڏانھن واٽ وٺي.

76:30

وَمَا تَشَآءُونَ إِلَّآ أَن يَشَآءَ ٱللَّهُۚ إِنَّ ٱللَّهَ كَانَ عَلِيمًا حَكِيمٗا ﴿30﴾

۽ اوھين نه گھرندؤ مگر اُھو جيڪي الله گھري، ڇوته الله ڄاڻندڙ حڪمت وارو آھي.

76:31

يُدۡخِلُ مَن يَشَآءُ فِي رَحۡمَتِهِۦۚ وَٱلظَّـٰلِمِينَ أَعَدَّ لَهُمۡ عَذَابًا أَلِيمَۢا ﴿31﴾

جنھن کي گھري (تنھن کي) پنھنجي رحمت ۾ داخل ٿو ڪري، ۽ ظالمن لاءِ ڏکوئيندڙ عذاب تيار ڪيو اٿس.

77:1

وَٱلۡمُرۡسَلَٰتِ عُرۡفٗا ﴿1﴾

چڱين گُھلندڙن ھيرُن جو قسم آھي.

77:2

فَٱلۡعَٰصِفَٰتِ عَصۡفٗا ﴿2﴾

پوءِ زور سان لڳڻ وارن وائن جو قسم آھي.

77:3

وَٱلنَّـٰشِرَٰتِ نَشۡرٗا ﴿3﴾

۽ (ڪڪرن کي) کڻندڙن پکيڙيندڙن وائن جو قسم آھي.

77:4

فَٱلۡفَٰرِقَٰتِ فَرۡقٗا ﴿4﴾

پوءِ (ڪڪرن کي) ھڪ ٻئي کان جدا ڪندڙ وائن جو قسم آھي.

77:5

فَٱلۡمُلۡقِيَٰتِ ذِكۡرًا ﴿5﴾

پوءِ وحي آڻيندڙن ملائڪن جو قسم آھي.

77:6

عُذۡرًا أَوۡ نُذۡرًا ﴿6﴾

(جي) عذر وڃائڻ لاءِ يا ڊيڄارڻ لاءِ (وحي) آڻيندا آھن.

77:7

إِنَّمَا تُوعَدُونَ لَوَٰقِعٞ ﴿7﴾

ته بيشڪ جنھن (ڳالھ) جو اوھان کي انجام ڏجي ٿو سا ضرور ٿيڻي آھي.

77:8

فَإِذَا ٱلنُّجُومُ طُمِسَتۡ ﴿8﴾

پوءِ جڏھن تارا ميٽي ڇڏبا.

77:9

وَإِذَا ٱلسَّمَآءُ فُرِجَتۡ ﴿9﴾

۽ جڏھن آسمان چيربو.

77:10

وَإِذَا ٱلۡجِبَالُ نُسِفَتۡ ﴿10﴾

۽ جڏھن جبل اڏائبا.

77:11

وَإِذَا ٱلرُّسُلُ أُقِّتَتۡ ﴿11﴾

۽ جڏھن پيغمبر (ٺھرايل وقت تي) گڏ ڪبا.

77:12

لِأَيِّ يَوۡمٍ أُجِّلَتۡ ﴿12﴾

(تڏھن ثابت ٿيندو ته پيغمبرن کي) ڪھڙي ڏينھن لاءِ ترسايو ويو.

77:13

لِيَوۡمِ ٱلۡفَصۡلِ ﴿13﴾

فيصلي جي ڏينھن لاءِ.

77:14

وَمَآ أَدۡرَىٰكَ مَا يَوۡمُ ٱلۡفَصۡلِ ﴿14﴾

۽ توکي ڪھڙي شيءَ ڄاڻايو ته فيصلو جو ڏينھن ڇا آھي.

77:15

وَيۡلٞ يَوۡمَئِذٖ لِّلۡمُكَذِّبِينَ ﴿15﴾

اُن ڏينھن ڪوڙ ڀائيندڙن لاءِ خرابي آھي.

77:16

أَلَمۡ نُهۡلِكِ ٱلۡأَوَّلِينَ ﴿16﴾

پھرين کي ھلاڪ نه ڪيو اٿون ڇا؟

77:17

ثُمَّ نُتۡبِعُهُمُ ٱلۡأٓخِرِينَ ﴿17﴾

وري (اُن کانپوءِ) پوين کي انھن جي پٺيان آڻيندا آھيون.

77:18

كَذَٰلِكَ نَفۡعَلُ بِٱلۡمُجۡرِمِينَ ﴿18﴾

ائين ڏوھارين سان ڪندا آھيون.

77:19

وَيۡلٞ يَوۡمَئِذٖ لِّلۡمُكَذِّبِينَ ﴿19﴾

اُن ڏينھن ڪوڙ ڀائيندڙن لاءِ خرابي آھي.