quranmقرآن ریڈر میں کھولیں

سورۃ المرسلات

نمبر
77
نزول
مکی
آیات
50
ترجمہ
Fatah Muhammad Jalandhari

قرآن ریڈر میں کھولیں

بِسۡمِ ٱللَّهِ ٱلرَّحۡمَٰنِ ٱلرَّحِيمِ

77:1

وَٱلۡمُرۡسَلَٰتِ عُرۡفٗا ﴿١﴾

ہواؤں کی قسم جو نرم نرم چلتی ہیں

77:2

فَٱلۡعَٰصِفَٰتِ عَصۡفٗا ﴿٢﴾

پھر زور پکڑ کر جھکڑ ہو جاتی ہیں

77:3

وَٱلنَّـٰشِرَٰتِ نَشۡرٗا ﴿٣﴾

اور (بادلوں کو) پھاڑ کر پھیلا دیتی ہیں

77:4

فَٱلۡفَٰرِقَٰتِ فَرۡقٗا ﴿٤﴾

پھر ان کو پھاڑ کر جدا جدا کر دیتی ہیں

77:5

فَٱلۡمُلۡقِيَٰتِ ذِكۡرًا ﴿٥﴾

پھر فرشتوں کی قسم جو وحی لاتے ہیں

77:6

عُذۡرًا أَوۡ نُذۡرًا ﴿٦﴾

تاکہ عذر (رفع) کردیا جائے یا ڈر سنا دیا جائے

77:7

إِنَّمَا تُوعَدُونَ لَوَٰقِعٞ ﴿٧﴾

کہ جس بات کا تم سے وعدہ کیا جاتا ہے وہ ہو کر رہے گی

77:8

فَإِذَا ٱلنُّجُومُ طُمِسَتۡ ﴿٨﴾

جب تاروں کی چمک جاتی رہے

77:9

وَإِذَا ٱلسَّمَآءُ فُرِجَتۡ ﴿٩﴾

اور جب آسمان پھٹ جائے

77:10

وَإِذَا ٱلۡجِبَالُ نُسِفَتۡ ﴿١٠﴾

اور جب پہاڑ اُڑے اُڑے پھریں

77:11

وَإِذَا ٱلرُّسُلُ أُقِّتَتۡ ﴿١١﴾

اور جب پیغمبر فراہم کئے جائیں

77:12

لِأَيِّ يَوۡمٍ أُجِّلَتۡ ﴿١٢﴾

بھلا (ان امور میں) تاخیر کس دن کے لئے کی گئی؟

77:13

لِيَوۡمِ ٱلۡفَصۡلِ ﴿١٣﴾

فیصلے کے دن کے لئے

77:14

وَمَآ أَدۡرَىٰكَ مَا يَوۡمُ ٱلۡفَصۡلِ ﴿١٤﴾

اور تمہیں کیا خبر کہ فیصلے کا دن کیا ہے؟

77:15

وَيۡلٞ يَوۡمَئِذٖ لِّلۡمُكَذِّبِينَ ﴿١٥﴾

اس دن جھٹلانے والوں کے لئے خرابی ہے

77:16

أَلَمۡ نُهۡلِكِ ٱلۡأَوَّلِينَ ﴿١٦﴾

کیا ہم نے پہلے لوگوں کو ہلاک نہیں کر ڈالا

77:17

ثُمَّ نُتۡبِعُهُمُ ٱلۡأٓخِرِينَ ﴿١٧﴾

پھر ان پچھلوں کو بھی ان کے پیچھے بھیج دیتے ہیں

77:18

كَذَٰلِكَ نَفۡعَلُ بِٱلۡمُجۡرِمِينَ ﴿١٨﴾

ہم گنہگاروں کے ساتھ ایسا ہی کیا کرتے ہیں

77:19

وَيۡلٞ يَوۡمَئِذٖ لِّلۡمُكَذِّبِينَ ﴿١٩﴾

اس دن جھٹلانے والوں کی خرابی ہے

77:20

أَلَمۡ نَخۡلُقكُّم مِّن مَّآءٖ مَّهِينٖ ﴿٢٠﴾

کیا ہم نے تم کو حقیر پانی سے نہیں پیدا کیا؟

77:21

فَجَعَلۡنَٰهُ فِي قَرَارٖ مَّكِينٍ ﴿٢١﴾

اس کو ایک محفوظ جگہ میں رکھا

77:22

إِلَىٰ قَدَرٖ مَّعۡلُومٖ ﴿٢٢﴾

ایک وقت معین تک

77:23

فَقَدَرۡنَا فَنِعۡمَ ٱلۡقَٰدِرُونَ ﴿٢٣﴾

پھر اندازہ مقرر کیا اور ہم کیا ہی خوب اندازہ مقرر کرنے والے ہیں

77:24

وَيۡلٞ يَوۡمَئِذٖ لِّلۡمُكَذِّبِينَ ﴿٢٤﴾

اس دن جھٹلانے والوں کی خرابی ہے

77:25

أَلَمۡ نَجۡعَلِ ٱلۡأَرۡضَ كِفَاتًا ﴿٢٥﴾

کیا ہم نے زمین کو سمیٹنے والی نہیں بنایا

77:26

أَحۡيَآءٗ وَأَمۡوَٰتٗا ﴿٢٦﴾

یعنی) زندوں اور مردوں کو

77:27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا ﴿٢٧﴾

(بنایا) اور اس پر اونچے اونچے پہاڑ رکھ دیئے اور تم لوگوں کو میٹھا پانی پلایا

77:28

وَيۡلٞ يَوۡمَئِذٖ لِّلۡمُكَذِّبِينَ ﴿٢٨﴾

اس دن جھٹلانے والوں کی خرابی ہے

77:29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ ﴿٢٩﴾

جس چیز کو تم جھٹلایا کرتے تھے۔ (اب) اس کی طرف چلو

77:30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ ﴿٣٠﴾

(یعنی) اس سائے کی طرف چلو جس کی تین شاخیں ہیں

77:31

لَّا ظَلِيلٖ وَلَا يُغۡنِي مِنَ ٱللَّهَبِ ﴿٣١﴾

نہ ٹھنڈی چھاؤں اور نہ لپٹ سے بچاؤ

77:32

إِنَّهَا تَرۡمِي بِشَرَرٖ كَٱلۡقَصۡرِ ﴿٣٢﴾

اس سے (آگ کی اتنی اتنی بڑی) چنگاریاں اُڑتی ہیں جیسے محل

77:33

كَأَنَّهُۥ جِمَٰلَتٞ صُفۡرٞ ﴿٣٣﴾

گویا زرد رنگ کے اونٹ ہیں

77:34

وَيۡلٞ يَوۡمَئِذٖ لِّلۡمُكَذِّبِينَ ﴿٣٤﴾

اس دن جھٹلانے والوں کی خرابی ہے

77:35

هَٰذَا يَوۡمُ لَا يَنطِقُونَ ﴿٣٥﴾

یہ وہ دن ہے کہ( لوگ) لب تک نہ ہلا سکیں گے

77:36

وَلَا يُؤۡذَنُ لَهُمۡ فَيَعۡتَذِرُونَ ﴿٣٦﴾

اور نہ ان کو اجازت دی جائے گی کہ عذر کرسکیں

77:37

وَيۡلٞ يَوۡمَئِذٖ لِّلۡمُكَذِّبِينَ ﴿٣٧﴾

اس دن جھٹلانے والوں کی خرابی ہے

77:38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ ﴿٣٨﴾

یہی فیصلے کا دن ہے (جس میں) ہم نے تم کو اور پہلے لوگوں کو جمع کیا ہے

77:39

فَإِن كَانَ لَكُمۡ كَيۡدٞ فَكِيدُونِ ﴿٣٩﴾

اگر تم کو کوئی داؤں آتا ہو تو مجھ سے کر لو

77:40

وَيۡلٞ يَوۡمَئِذٖ لِّلۡمُكَذِّبِينَ ﴿٤٠﴾

اس دن جھٹلانے والوں کی خرابی ہے

77:41

إِنَّ ٱلۡمُتَّقِينَ فِي ظِلَٰلٖ وَعُيُونٖ ﴿٤١﴾

بےشک پرہیزگار سایوں اور چشموں میں ہوں گے

77:42

وَفَوَٰكِهَ مِمَّا يَشۡتَهُونَ ﴿٤٢﴾

اور میؤوں میں جو ان کو مرغوب ہوں

77:43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ ﴿٤٣﴾

اور جو عمل تم کرتے رہے تھے ان کے بدلے میں مزے سے کھاؤ اور پیو

77:44

إِنَّا كَذَٰلِكَ نَجۡزِي ٱلۡمُحۡسِنِينَ ﴿٤٤﴾

ہم نیکو کاروں کو ایسا ہی بدلہ دیا کرتے ہیں

77:45

وَيۡلٞ يَوۡمَئِذٖ لِّلۡمُكَذِّبِينَ ﴿٤٥﴾

اس دن جھٹلانے والوں کی خرابی ہوگی

77:46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ ﴿٤٦﴾

(اے جھٹلانے والو!) تم کسی قدر کھا لو اور فائدے اُٹھا لو تم بےشک گنہگار ہو

77:47

وَيۡلٞ يَوۡمَئِذٖ لِّلۡمُكَذِّبِينَ ﴿٤٧﴾

اس دن جھٹلانے والوں کی خرابی ہے

77:48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ ﴿٤٨﴾

اور جب ان سے کہا جاتا ہے کہ (خدا کے آگے) جھکو تو جھکتے نہیں

77:49

وَيۡلٞ يَوۡمَئِذٖ لِّلۡمُكَذِّبِينَ ﴿٤٩﴾

اس دن جھٹلانے والوں کی خرابی ہے

77:50

فَبِأَيِّ حَدِيثِۭ بَعۡدَهُۥ يُؤۡمِنُونَ ﴿٥٠﴾

اب اس کے بعد یہ کون سی بات پر ایمان لائیں گے؟