quranm◉

Hizb 59

Range
from 80:1 to 89:30
Surahs covered
ژباړه
265 ژباړه

◉

80:1

عَبَسَ وَتَوَلَّىٰٓ ﴿1﴾

وچولی یې تریو شو او مخ يې واړوه.

80:2

أَن جَآءَهُ ٱلۡأَعۡمَىٰ ﴿2﴾

لدې امله چې ړوند ورته راغی.

80:3

وَمَا يُدۡرِيكَ لَعَلَّهُۥ يَزَّكَّىٰٓ ﴿3﴾

او ته څه خبر يې ښايي هغه پاك شي.

80:4

أَوۡ يَذَّكَّرُ فَتَنفَعَهُ ٱلذِّكۡرَىٰٓ ﴿4﴾

يا پند واخلي او نصيحت څه ګټه ورته ورسوي.

80:5

أَمَّا مَنِ ٱسۡتَغۡنَىٰ ﴿5﴾

خو څوك چې بې پروايي كوي.

80:6

فَأَنتَ لَهُۥ تَصَدَّىٰ ﴿6﴾

نو ته ورپسې يې.

80:7

وَمَا عَلَيۡكَ أَلَّا يَزَّكَّىٰ ﴿7﴾

او نشته پر تا باندې ګناه که دی پاک نشې.

80:8

وَأَمَّا مَن جَآءَكَ يَسۡعَىٰ ﴿8﴾

او هغه څوک چې راغلی دی تا ته منډي وهي.

80:9

وَهُوَ يَخۡشَىٰ ﴿9﴾

او هغه وېريږي هم.

80:10

فَأَنتَ عَنۡهُ تَلَهَّىٰ ﴿10﴾

نو ته له هغه نه بې پروایې کوې.

80:11

كَلَّآ إِنَّهَا تَذۡكِرَةٞ ﴿11﴾

هيڅكله نه، دا خو يو نصيحت دى.

80:12

فَمَن شَآءَ ذَكَرَهُۥ ﴿12﴾

نو د چا چې خوښه شي دا دې یاد کړي.

80:13

فِي صُحُفٖ مُّكَرَّمَةٖ ﴿13﴾

هغه په عزتمنو پاڼوكې (نغښتی) دی.

80:14

مَّرۡفُوعَةٖ مُّطَهَّرَةِۭ ﴿14﴾

پورته کړی شوي دي، پاکې ساتلی شوي دي.

80:15

بِأَيۡدِي سَفَرَةٖ ﴿15﴾

په لاسونو د لیکونکو ملایکو.

80:16

كِرَامِۭ بَرَرَةٖ ﴿16﴾

چې عزتمندې او نېکې دي.

80:17

قُتِلَ ٱلۡإِنسَٰنُ مَآ أَكۡفَرَهُۥ ﴿17﴾

تباه دې شي (دروغ ګڼونکی)انسان څومره غټ کافر دی.

80:18

مِنۡ أَيِّ شَيۡءٍ خَلَقَهُۥ ﴿18﴾

له څه شي يې پيدا كړى دى؟

80:19

مِن نُّطۡفَةٍ خَلَقَهُۥ فَقَدَّرَهُۥ ﴿19﴾

له يو څاڅكي (مني) څخه يې پيداکړ بيايې د هغه برخليك وټاكلو.

80:20

ثُمَّ ٱلسَّبِيلَ يَسَّرَهُۥ ﴿20﴾

بيايې لار ورته آسانه كړه.

80:21

ثُمَّ أَمَاتَهُۥ فَأَقۡبَرَهُۥ ﴿21﴾

بيا يې هغه مړ كړ او قبر ته يې ورسولو.

80:22

ثُمَّ إِذَا شَآءَ أَنشَرَهُۥ ﴿22﴾

بيا كله چې وغواړي نو را پورته به کړي ده لره.

80:23

كَلَّا لَمَّا يَقۡضِ مَآ أَمَرَهُۥ ﴿23﴾

هيڅكله نه، هغه لا هغه څه نه دي ترسره كړي چې الله ورته امر كړى.

80:24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ ﴿24﴾

نو انسان دې خپلو خوړو ته وګوري.

80:25

أَنَّا صَبَبۡنَا ٱلۡمَآءَ صَبّٗا ﴿25﴾

چې موږ ښې (پرېمانه) اوبه راتويې كړې دي.

80:26

ثُمَّ شَقَقۡنَا ٱلۡأَرۡضَ شَقّٗا ﴿26﴾

بيا مو زمكه چولې (څيرلې) ده.

80:27

فَأَنۢبَتۡنَا فِيهَا حَبّٗا ﴿27﴾

او په هغې كې مو (غلې) دانې را زرغونې كړې دي.

80:28

وَعِنَبٗا وَقَضۡبٗا ﴿28﴾

او انګور او سابه.

80:29

وَزَيۡتُونٗا وَنَخۡلٗا ﴿29﴾

او زيتون او خرماوې.

80:30

وَحَدَآئِقَ غُلۡبٗا ﴿30﴾

او ګڼ ګڼ باغونه.

80:31

وَفَٰكِهَةٗ وَأَبّٗا ﴿31﴾

او مېوې او شينې ګیاوې.

80:32

مَّتَٰعٗا لَّكُمۡ وَلِأَنۡعَٰمِكُمۡ ﴿32﴾

ستاسي او ستاسي د څارويو د ګټې اخيستنې لپاره.

80:33

فَإِذَا جَآءَتِ ٱلصَّآخَّةُ ﴿33﴾

نو كله چې هغه كڼوونكې چيغه راشي.

80:34

يَوۡمَ يَفِرُّ ٱلۡمَرۡءُ مِنۡ أَخِيهِ ﴿34﴾

هغه ورځ چې انسان به له خپله وروره تښتي.

80:35

وَأُمِّهِۦ وَأَبِيهِ ﴿35﴾

او له خپلې مور او پلاره.

80:36

وَصَٰحِبَتِهِۦ وَبَنِيهِ ﴿36﴾

او له مېرمنې او زامنو يې.

80:37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ ﴿37﴾

د هغوى د هر سړي به هغه ورځ داسې حالت وي چې (له نورو يې) بې پروا كوي.

80:38

وُجُوهٞ يَوۡمَئِذٖ مُّسۡفِرَةٞ ﴿38﴾

ځينې مخونه به هغه ورځ روښانه وي.

80:39

ضَاحِكَةٞ مُّسۡتَبۡشِرَةٞ ﴿39﴾

خندېدونكي خوشاله به وي.

80:40

وَوُجُوهٞ يَوۡمَئِذٍ عَلَيۡهَا غَبَرَةٞ ﴿40﴾

او پرځينو مخونو به هغه ورځ دوړې وي.

80:41

تَرۡهَقُهَا قَتَرَةٌ ﴿41﴾

توروالى به پرې خپور وي.

80:42

أُوْلَـٰٓئِكَ هُمُ ٱلۡكَفَرَةُ ٱلۡفَجَرَةُ ﴿42﴾

همدغه خلك كافران – فاجران دي.

81:1

إِذَا ٱلشَّمۡسُ كُوِّرَتۡ ﴿1﴾

كله چې لمر ونغښتل شي.

81:2

وَإِذَا ٱلنُّجُومُ ٱنكَدَرَتۡ ﴿2﴾

او کله چې ستوري خړ واوړي.

81:3

وَإِذَا ٱلۡجِبَالُ سُيِّرَتۡ ﴿3﴾

او كله چې غرونه روان كړل شي.

81:4

وَإِذَا ٱلۡعِشَارُ عُطِّلَتۡ ﴿4﴾

او كله چې لس مياشتینۍ (بلاربې اوښې) خوشې كړل شي.

81:5

وَإِذَا ٱلۡوُحُوشُ حُشِرَتۡ ﴿5﴾

او كله چې (وحشي) ځناور سره غونډ كړل شي.

81:6

وَإِذَا ٱلۡبِحَارُ سُجِّرَتۡ ﴿6﴾

او كله چې سمندرونه لمبې وكړي.

81:7

وَإِذَا ٱلنُّفُوسُ زُوِّجَتۡ ﴿7﴾

او كله چې ساوې (روحونه) جوړه كړاى شي (جسدونو سره).

81:8

وَإِذَا ٱلۡمَوۡءُۥدَةُ سُئِلَتۡ ﴿8﴾

او كله چې ژوندۍ خښه شوې جينۍ وپوښتل شي.

81:9

بِأَيِّ ذَنۢبٖ قُتِلَتۡ ﴿9﴾

چې په كومه ګناه وژل شوې ده؟

81:10

وَإِذَا ٱلصُّحُفُ نُشِرَتۡ ﴿10﴾

او كله چې عملنامې پرانيستل شي.

81:11

وَإِذَا ٱلسَّمَآءُ كُشِطَتۡ ﴿11﴾

او كله چې د آسمان پوستكى واړول شي.

81:12

وَإِذَا ٱلۡجَحِيمُ سُعِّرَتۡ ﴿12﴾

او كله چې د دوزخ لمبې بلې كړى شي.

81:13

وَإِذَا ٱلۡجَنَّةُ أُزۡلِفَتۡ ﴿13﴾

او كله چې جنت را نېږدې كړى شي.

81:14

عَلِمَتۡ نَفۡسٞ مَّآ أَحۡضَرَتۡ ﴿14﴾

بيا به هركس ته معلومه شي چې څه يې راوړي.

81:15

فَلَآ أُقۡسِمُ بِٱلۡخُنَّسِ ﴿15﴾

نو نه، زه پر بېرته پټېدونکو ستورو لوړه كوم.

81:16

ٱلۡجَوَارِ ٱلۡكُنَّسِ ﴿16﴾

پر ګرځېدونكو - پټېدونكو باندې.

81:17

وَٱلَّيۡلِ إِذَا عَسۡعَسَ ﴿17﴾

او پر شپه چې كله ولاړه شي.

81:18

وَٱلصُّبۡحِ إِذَا تَنَفَّسَ ﴿18﴾

او قسم دی پر سهار کله چې سا واخلي.

81:19

إِنَّهُۥ لَقَوۡلُ رَسُولٖ كَرِيمٖ ﴿19﴾

چې بېشكه دا د يو عزتمن رسول وينا ده.

81:20

ذِي قُوَّةٍ عِندَ ذِي ٱلۡعَرۡشِ مَكِينٖ ﴿20﴾

چې زورور (او) د عرش څښتن پر وړاندې مرتبې والا دى.

81:21

مُّطَاعٖ ثَمَّ أَمِينٖ ﴿21﴾

هلته ( په پرېښتو كې) د ده خبره منل كيږي - امانتداره دی.

81:22

وَمَا صَاحِبُكُم بِمَجۡنُونٖ ﴿22﴾

او ستاسې (دا) ملګرى هم لېونى نه دى.

81:23

وَلَقَدۡ رَءَاهُ بِٱلۡأُفُقِ ٱلۡمُبِينِ ﴿23﴾

او ده هغه په يوه روښانه څنډه كې ليدلى دى.

81:24

وَمَا هُوَ عَلَى ٱلۡغَيۡبِ بِضَنِينٖ ﴿24﴾

او نه هغه (محمد صلی الله عليه وسلم) پر غيبو (رسولو) بخيل دى.

81:25

وَمَا هُوَ بِقَوۡلِ شَيۡطَٰنٖ رَّجِيمٖ ﴿25﴾

او نه دا د رټلي شيطان خبره ده.

81:26

فَأَيۡنَ تَذۡهَبُونَ ﴿26﴾

نو بيا چېرته ځئ؟

81:27

إِنۡ هُوَ إِلَّا ذِكۡرٞ لِّلۡعَٰلَمِينَ ﴿27﴾

هغه د ټولو نړيوالو لپاره پرته له نصيحته بل څه نه دى.

81:28

لِمَن شَآءَ مِنكُمۡ أَن يَسۡتَقِيمَ ﴿28﴾

له تاسې څخه د هغه چا لپاره چې غواړي په لاره سم شي.

81:29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ ﴿29﴾

او ستاسې په غوښتو څه كېداى شي پرته له دې چې رب العالمين څه وغواړي.

82:1

إِذَا ٱلسَّمَآءُ ٱنفَطَرَتۡ ﴿1﴾

کله چې آسمان وچوي.

82:2

وَإِذَا ٱلۡكَوَاكِبُ ٱنتَثَرَتۡ ﴿2﴾

او کله چې ستوري خواره واره شي.

82:3

وَإِذَا ٱلۡبِحَارُ فُجِّرَتۡ ﴿3﴾

او کله چې دريابونه وبهولی شي.

82:4

وَإِذَا ٱلۡقُبُورُ بُعۡثِرَتۡ ﴿4﴾

او کله چې قبرونه څېرې کړل شي.

82:5

عَلِمَتۡ نَفۡسٞ مَّا قَدَّمَتۡ وَأَخَّرَتۡ ﴿5﴾

بيا به هر څوک پر هغه څه پوه شي چې مخکې يې لېږلي او وروسته يې پرېښې دي.

82:6

يَـٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ ﴿6﴾

اې انسانه! ته د خپل عزتمن پالونکي پر وړاندې څه شي په دوکه کې اچولی يې؟

82:7

ٱلَّذِي خَلَقَكَ فَسَوَّىٰكَ فَعَدَلَكَ ﴿7﴾

داسې ذات دی چې پیدا کړی یې ته، نو نیغ قد والا یې کړې.

82:8

فِيٓ أَيِّ صُورَةٖ مَّا شَآءَ رَكَّبَكَ ﴿8﴾

په هره بڼه يې چې غوښتل سره ويې نېښلولې.

82:9

كَلَّا بَلۡ تُكَذِّبُونَ بِٱلدِّينِ ﴿9﴾

هيڅکله نه بلکې تاسي سزا (د قیامت) دروغ ګڼئ.

82:10

وَإِنَّ عَلَيۡكُمۡ لَحَٰفِظِينَ ﴿10﴾

حال داچې پر تاسو ساتونکې پرېښتې ټاکل شوې دي.

82:11

كِرَامٗا كَٰتِبِينَ ﴿11﴾

عزتمنې ليکونکې دي.

82:12

يَعۡلَمُونَ مَا تَفۡعَلُونَ ﴿12﴾

ستاسو پر کړو وړو پوهيږي.

82:13

إِنَّ ٱلۡأَبۡرَارَ لَفِي نَعِيمٖ ﴿13﴾

پرته له شکه نېکان به په نعمتونو کې وي.

82:14

وَإِنَّ ٱلۡفُجَّارَ لَفِي جَحِيمٖ ﴿14﴾

او بدان به هرومرو په دوزخ کې وي.

82:15

يَصۡلَوۡنَهَا يَوۡمَ ٱلدِّينِ ﴿15﴾

د بدلې په ورځ به ور ننوځي.

82:16

وَمَا هُمۡ عَنۡهَا بِغَآئِبِينَ ﴿16﴾

او له هغې به پټېدونکي نه وي.

82:17

وَمَآ أَدۡرَىٰكَ مَا يَوۡمُ ٱلدِّينِ ﴿17﴾

او ته څه خبر يې چې د بدلې ورځ څه ده.

82:18

ثُمَّ مَآ أَدۡرَىٰكَ مَا يَوۡمُ ٱلدِّينِ ﴿18﴾

بيا ته څه خبر يې چې د بدلې ورځ څه ده.

82:19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ ﴿19﴾

هغه ورځ ده چې هيڅوک به د بل چا لپاره څه نه شي کولای او په هغه ورځ به امر يوازې الله لره وي.

83:1

وَيۡلٞ لِّلۡمُطَفِّفِينَ ﴿1﴾

د ډنډه وهونکو (تول او پیمانه کمونکو) لپاره تباهي ده.

83:2

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ ﴿2﴾

هغه کسان کله چې (ځانونو ته) پر خلکو پېمانه کوي پوره يې اخلي.

83:3

وَإِذَا كَالُوهُمۡ أَو وَّزَنُوهُمۡ يُخۡسِرُونَ ﴿3﴾

او کله چې هغوی ته پېمانه يا تول ورکوي بيا يې کموي.

83:4

أَلَا يَظُنُّ أُوْلَـٰٓئِكَ أَنَّهُم مَّبۡعُوثُونَ ﴿4﴾

ايا دوی باور نه کوي چې بېرته به را پاڅول کيږي.

83:5

لِيَوۡمٍ عَظِيمٖ ﴿5﴾

يوې لويې ورځې ته.

83:6

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ ﴿6﴾

په کومه چې به خلک د ټولو کايناتو پالونکي ته دريږي.

83:7

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ ﴿7﴾

هيڅکله نه، پرته له شکه د بې لارې خلکو عملنامې به د بندې خونې په (کتاب)کې وي.

83:8

وَمَآ أَدۡرَىٰكَ مَا سِجِّينٞ ﴿8﴾

او ته څه خبر يې چې د زندان هغه دفتر څه دی.

83:9

كِتَٰبٞ مَّرۡقُومٞ ﴿9﴾

يو ليکلی کتاب دی.

83:10

وَيۡلٞ يَوۡمَئِذٖ لِّلۡمُكَذِّبِينَ ﴿10﴾

په هغه ورځ درواغ ګڼونکو ته تباهي ده.

83:11

ٱلَّذِينَ يُكَذِّبُونَ بِيَوۡمِ ٱلدِّينِ ﴿11﴾

هغه کسان چې د بدلې ورځ دروغ ګڼي.

83:12

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ ﴿12﴾

او هغه دروغ نه ګڼي پرته له تيري کوونکي ګناهګار څخه.

83:13

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ ﴿13﴾

کله چې زموږ ایتونه پرې لوستل کيږي وايي د پخوانيو کيسې دي.

83:14

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ ﴿14﴾

هيڅکله نه، د هغوی پر زړونو هغه څه زنګ اچولی چې هغوی به کول.

83:15

كَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ ﴿15﴾

هيڅکله نه، پرته له شکه هغه ورځ به هغوی د خپل پالونکي له ليدلو بې برخې وي.

83:16

ثُمَّ إِنَّهُمۡ لَصَالُواْ ٱلۡجَحِيمِ ﴿16﴾

بيا به هغوی هرومرو دوزخ ته ور ننوتونکي وي.

83:17

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ ﴿17﴾

بيا به وويل شي: دا هغه څه دي چې تاسې دروغ ګڼل.

83:18

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ ﴿18﴾

داسې نه ده، د نېکانو عملنامې به هرومرو په عليين کې وي.

83:19

وَمَآ أَدۡرَىٰكَ مَا عِلِّيُّونَ ﴿19﴾

او ته څه خبر يې چې عليين څه دی.

83:20

كِتَٰبٞ مَّرۡقُومٞ ﴿20﴾

يو ليکل شوی کتاب دی.

83:21

يَشۡهَدُهُ ٱلۡمُقَرَّبُونَ ﴿21﴾

چې يوازې يې مقربې پرېښتې ليدنه کولای شي.

83:22

إِنَّ ٱلۡأَبۡرَارَ لَفِي نَعِيمٍ ﴿22﴾

پرته له شکه نېکان په نعمتونو کې وي.

83:23

عَلَى ٱلۡأَرَآئِكِ يَنظُرُونَ ﴿23﴾

پر تختونو باندې به وي ګورې به.

83:24

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ ﴿24﴾

په مخونو کې به يې د نعمتونو تازه ګي پېژنې.

83:25

يُسۡقَوۡنَ مِن رَّحِيقٖ مَّخۡتُومٍ ﴿25﴾

پر هغوی به سوچه مهر کړل شوي شراب څښل کيږي.

83:26

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ ﴿26﴾

مهر به يې مشک وي، او په همدې کې دې سيالي کوونکي سره سيالي وکړي.

83:27

وَمِزَاجُهُۥ مِن تَسۡنِيمٍ ﴿27﴾

او ګډون به يې له تسنيم (چینې څخه) وي.

83:28

عَيۡنٗا يَشۡرَبُ بِهَا ٱلۡمُقَرَّبُونَ ﴿28﴾

دا يوه چينه ده چې الله ته نېږدې خلک به ترې څښاک کوي.

83:29

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ ﴿29﴾

بېشکه هغو کسانو چې جرم يې کړی پر هغو کسانو پورې خندل چې ايمان يې راوړی وو.

83:30

وَإِذَا مَرُّواْ بِهِمۡ يَتَغَامَزُونَ ﴿30﴾

او کله به چې پر هغوی تېرېدل؛ نو يو بل ته به يې سترګکونه وهل.

83:31

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ ﴿31﴾

او خپلو کورونو ته به چې ور ستنېدل خوشحاله به ورستنېدل.

83:32

وَإِذَا رَأَوۡهُمۡ قَالُوٓاْ إِنَّ هَـٰٓؤُلَآءِ لَضَآلُّونَ ﴿32﴾

او کله به يې چې هغوی (مسلمانان) وليدل ويل به يې: په رېښتيا چې دغه خلک لار ورکي شوي دي.

83:33

وَمَآ أُرۡسِلُواْ عَلَيۡهِمۡ حَٰفِظِينَ ﴿33﴾

حال دا چې هغوی پرې څارونکي نه وو لېږل شوي.

83:34

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ ﴿34﴾

نو نن به هغه کسان چې ايمان يې راوړی پر کافرانو پورې خاندي.

83:35

عَلَى ٱلۡأَرَآئِكِ يَنظُرُونَ ﴿35﴾

پر تختونو به ناست د هغوی ننداره کوي.

83:36

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ ﴿36﴾

آیا کافرانو ته د هغه څه ثواب ورکړل شو چې کول يې؟

84:1

إِذَا ٱلسَّمَآءُ ٱنشَقَّتۡ ﴿1﴾

کله چې اسمان وچوي.

84:2

وَأَذِنَتۡ لِرَبِّهَا وَحُقَّتۡ ﴿2﴾

او د خپل پالونکي حکم واوري او ومني او هغه د همدې وړ دی.

84:3

وَإِذَا ٱلۡأَرۡضُ مُدَّتۡ ﴿3﴾

او کله چې ځمکه وغوړول شي.

84:4

وَأَلۡقَتۡ مَا فِيهَا وَتَخَلَّتۡ ﴿4﴾

او څه چې پکې دي هغه را وغورځوي او خالي شي.

84:5

وَأَذِنَتۡ لِرَبِّهَا وَحُقَّتۡ ﴿5﴾

او د خپل پالونکي حکم واوري او ومني او هغه د همدې وړ دی.

84:6

يَـٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ ﴿6﴾

اې انسانه! پرته له شکه خپل پالونکي ته په زيار اېستلو سره زيار اېستونکی يې او بيا ور سره مخامخ کېدونکی يې.

84:7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ ﴿7﴾

نو چاته چې عملنامه يې په ښي لاس ورکړل شوه.

84:8

فَسَوۡفَ يُحَاسَبُ حِسَابٗا يَسِيرٗا ﴿8﴾

نو ژر به له هغه سره اسانه حساب وشي.

84:9

وَيَنقَلِبُ إِلَىٰٓ أَهۡلِهِۦ مَسۡرُورٗا ﴿9﴾

او (جنت کې به) خپلې کورنۍ ته خوشحاله ور ستنيږي.

84:10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ ﴿10﴾

او چاته چې يې عملنامه له څټه ورکړل شوه.

84:11

فَسَوۡفَ يَدۡعُواْ ثُبُورٗا ﴿11﴾

نو ژر به مرګی (هلاکت) وغواړي.

84:12

وَيَصۡلَىٰ سَعِيرًا ﴿12﴾

او بلو لمبو ته به ور ننوځي.

84:13

إِنَّهُۥ كَانَ فِيٓ أَهۡلِهِۦ مَسۡرُورًا ﴿13﴾

پرته له شکه هغه په خپله کورنۍ کې خوشحاله و.

84:14

إِنَّهُۥ ظَنَّ أَن لَّن يَحُورَ ﴿14﴾

هغه ګومان کولو چې بېرته به ور ستون نه شي.

84:15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا ﴿15﴾

ولې نه، پرته له شکه د هغه پالونکی ورباندې ليدونکی و.

84:16

فَلَآ أُقۡسِمُ بِٱلشَّفَقِ ﴿16﴾

خو نه زه پر شفق (سوروالی د ماښام) لوړه کوم.

84:17

وَٱلَّيۡلِ وَمَا وَسَقَ ﴿17﴾

او پر شپه او څه چې هغې را غونډ کړي دي.

84:18

وَٱلۡقَمَرِ إِذَا ٱتَّسَقَ ﴿18﴾

او پر سپوږمۍ چې کله بشپړه شي.

84:19

لَتَرۡكَبُنَّ طَبَقًا عَن طَبَقٖ ﴿19﴾

چې تاسي به هرومرو له يو حال څخه بل حال ته رسېږئ.

84:20

فَمَا لَهُمۡ لَا يُؤۡمِنُونَ ﴿20﴾

نو پر هغوی څه شوي چې ايمان نه راوړي.

84:21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩ ﴿21﴾

او کله چې قرآن پرې لوستل کيږي سجده نه کوي.

84:22

بَلِ ٱلَّذِينَ كَفَرُواْ يُكَذِّبُونَ ﴿22﴾

بلکې چا چې کفر کړی هغه دروغ ګڼي.

84:23

وَٱللَّهُ أَعۡلَمُ بِمَا يُوعُونَ ﴿23﴾

او الله پر هغه څه ښه پوه دی چې هغوی يې را غونډوي.

84:24

فَبَشِّرۡهُم بِعَذَابٍ أَلِيمٍ ﴿24﴾

نو هغوی ته د دردوونکې عذاب زېری ورکړه.

84:25

إِلَّا ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ لَهُمۡ أَجۡرٌ غَيۡرُ مَمۡنُونِۭ ﴿25﴾

مګر هغه کسان چې ايمان يې راوړی او نېک کارونه يې کړي دي د هغوی لپاره نه پرې کېدونکې بدله ده.

85:1

وَٱلسَّمَآءِ ذَاتِ ٱلۡبُرُوجِ ﴿1﴾

پر برجونو والا اسمان قسم.

85:2

وَٱلۡيَوۡمِ ٱلۡمَوۡعُودِ ﴿2﴾

او د ژمنې (ټاکل شوې) په ورځ قسم.

85:3

وَشَاهِدٖ وَمَشۡهُودٖ ﴿3﴾

او (قسم) پر شاهدي ورکوونکي او هغه چا چې شاهدې پرې ورکړل شوې ده.

85:4

قُتِلَ أَصۡحَٰبُ ٱلۡأُخۡدُودِ ﴿4﴾

تباه کړی شول، کېندونکي د کندو.

85:5

ٱلنَّارِ ذَاتِ ٱلۡوَقُودِ ﴿5﴾

د ډېرو خشاک لرونکو اور والا.

85:6

إِذۡ هُمۡ عَلَيۡهَا قُعُودٞ ﴿6﴾

هغه مهال چې هغوی (د کندو پر غاړو) ناست وو.

85:7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ ﴿7﴾

او هغوی چې پر مومنانو څه کول د هغو ليدونکي وو.

85:8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ ﴿8﴾

او له هغو سره يې په بل څه بدي نه وه، مګر دا چې هغوی پر برلاسي ستايل شوي الله ايمان راوړی و.

85:9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ ﴿9﴾

هغه ذات چې د اسمان او ځمکې پاچايي هغه لره ده، او الله پر هر څه حاضر ليدونکی دی.

85:10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ ﴿10﴾

بېشکه هغه کسان چې مومنان او مومنانې يې کړولي دي بيا يې توبه هم نه ده اېستلې، هغوی لره د دوزخ سزا ده او هغوی لره د سوځولو عذاب دی.

85:11

إِنَّ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ لَهُمۡ جَنَّـٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ ﴿11﴾

بېشکه چا چې ايمان راوړی او ښه کارونه يې کړي دي د هغوی لپاره داسې باغونه دي چې ترې لاندې به یې ويالې بهيږي او دا ستره بريا ده.

85:12

إِنَّ بَطۡشَ رَبِّكَ لَشَدِيدٌ ﴿12﴾

بېشکه ستا د پالونکي نيونه ډېره سخته ده.

85:13

إِنَّهُۥ هُوَ يُبۡدِئُ وَيُعِيدُ ﴿13﴾

بېشکه هغه لومړی ځل پيداکوي او بيا يې راګرځوي.

85:14

وَهُوَ ٱلۡغَفُورُ ٱلۡوَدُودُ ﴿14﴾

او هغه بخښونکی مينه ناک دی.

85:15

ذُو ٱلۡعَرۡشِ ٱلۡمَجِيدُ ﴿15﴾

د عرش څښتن مرتبې والا دی.

85:16

فَعَّالٞ لِّمَا يُرِيدُ ﴿16﴾

څه چې غواړي د هغه ښه ترسره کوونکی دی.

85:17

هَلۡ أَتَىٰكَ حَدِيثُ ٱلۡجُنُودِ ﴿17﴾

ايا د لښکرو خبر درته رسېدلی دی؟

85:18

فِرۡعَوۡنَ وَثَمُودَ ﴿18﴾

د فرعون او ثمود.

85:19

بَلِ ٱلَّذِينَ كَفَرُواْ فِي تَكۡذِيبٖ ﴿19﴾

بلکې چا چې کفر کړی هغوی په دروغ ګڼلو کې دي.

85:20

وَٱللَّهُ مِن وَرَآئِهِم مُّحِيطُۢ ﴿20﴾

حال دا چې الله پر هغوی له هر لوري چاپېر دی.

85:21

بَلۡ هُوَ قُرۡءَانٞ مَّجِيدٞ ﴿21﴾

بلکې هغه قرآن د لوړې مرتبې والا دی.

85:22

فِي لَوۡحٖ مَّحۡفُوظِۭ ﴿22﴾

په خوندي ساتل شوې تخته کې دی.

86:1

وَٱلسَّمَآءِ وَٱلطَّارِقِ ﴿1﴾

په اسمان او د شپې په راتلونکي قسم.

86:2

وَمَآ أَدۡرَىٰكَ مَا ٱلطَّارِقُ ﴿2﴾

او ته څه خبر يې چې د شپې راتلونکی څه دی.

86:3

ٱلنَّجۡمُ ٱلثَّاقِبُ ﴿3﴾

ځلېدونکی ستوری دی.

86:4

إِن كُلُّ نَفۡسٖ لَّمَّا عَلَيۡهَا حَافِظٞ ﴿4﴾

هيڅوک داسې نشته چې پر هغو دې يو ساتونکی نه وي.

86:5

فَلۡيَنظُرِ ٱلۡإِنسَٰنُ مِمَّ خُلِقَ ﴿5﴾

نو انسان دې وګوري چې له څه پيدا شوی دی.

86:6

خُلِقَ مِن مَّآءٖ دَافِقٖ ﴿6﴾

له ټوپ وهونکو اوبو پيدا دی.

86:7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ ﴿7﴾

چې د شا او سينې د هډوکو له منځه راوځي.

86:8

إِنَّهُۥ عَلَىٰ رَجۡعِهِۦ لَقَادِرٞ ﴿8﴾

بېشکه هغه (الله) يې پر بيا پيدا کولو ځواکمن دی.

86:9

يَوۡمَ تُبۡلَى ٱلسَّرَآئِرُ ﴿9﴾

په کومه ورځ چې پټ شيان رابرسېره کړل شي.

86:10

فَمَا لَهُۥ مِن قُوَّةٖ وَلَا نَاصِرٖ ﴿10﴾

بيا به نه څه (خپله زور) لري او نه مرستندوی.

86:11

وَٱلسَّمَآءِ ذَاتِ ٱلرَّجۡعِ ﴿11﴾

او قسم دی پر آسمان؛ راګرځیدونکي (په اورښت سره).

86:12

وَٱلۡأَرۡضِ ذَاتِ ٱلصَّدۡعِ ﴿12﴾

او پر چاودېدونکې ځمکه قسم.

86:13

إِنَّهُۥ لَقَوۡلٞ فَصۡلٞ ﴿13﴾

بېشکه هغه يوه بېلوونکې وينا ده.

86:14

وَمَا هُوَ بِٱلۡهَزۡلِ ﴿14﴾

او څه ټوکه او مسخره نه ده.

86:15

إِنَّهُمۡ يَكِيدُونَ كَيۡدٗا ﴿15﴾

بېشکه هغوی چل کوي چل.

86:16

وَأَكِيدُ كَيۡدٗا ﴿16﴾

او زه هم تدبیر(پلان) کوم تدبیر.

86:17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا ﴿17﴾

نو کافرانو ته مهلت ورکړه او لږ يې پرېږده.

87:1

سَبِّحِ ٱسۡمَ رَبِّكَ ٱلۡأَعۡلَى ﴿1﴾

د خپل ډېر اوچت پالونکي د نوم پاکي دې بيانوه.

87:2

ٱلَّذِي خَلَقَ فَسَوَّىٰ ﴿2﴾

هغه چې پيداکړي او برابر کړي يې دي.

87:3

وَٱلَّذِي قَدَّرَ فَهَدَىٰ ﴿3﴾

او هغه چې تقدير يې وټاکلو بيا يې لارښوونه وکړه.

87:4

وَٱلَّذِيٓ أَخۡرَجَ ٱلۡمَرۡعَىٰ ﴿4﴾

او هغه چې شنه ګيا يې را واېستله.

87:5

فَجَعَلَهُۥ غُثَآءً أَحۡوَىٰ ﴿5﴾

بيا يې وچ تور وګرځول.

87:6

سَنُقۡرِئُكَ فَلَا تَنسَىٰٓ ﴿6﴾

دا دی موږ يې درباندې لولو بيا به يې نه هېروې.

87:7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ ﴿7﴾

مګر داچې الله وغواړي بېشکه هغه پر ښکاره هم پوهيږي او پر هغه څه هم چې پټ دي.

87:8

وَنُيَسِّرُكَ لِلۡيُسۡرَىٰ ﴿8﴾

او تا ته به د اسانۍ لار اسانه کړو.

87:9

فَذَكِّرۡ إِن نَّفَعَتِ ٱلذِّكۡرَىٰ ﴿9﴾

نو نصیحت وکړه که نصیحت څه ګټه کوي.

87:10

سَيَذَّكَّرُ مَن يَخۡشَىٰ ﴿10﴾

څوک چې وېريږي ژر به هغه نصيحت ومني.

87:11

وَيَتَجَنَّبُهَا ٱلۡأَشۡقَى ﴿11﴾

او ډډه به ترې کوي څوک چې ډېر بدبخته وي.

87:12

ٱلَّذِي يَصۡلَى ٱلنَّارَ ٱلۡكُبۡرَىٰ ﴿12﴾

هغه چې لوی اور ته ننوځي.

87:13

ثُمَّ لَا يَمُوتُ فِيهَا وَلَا يَحۡيَىٰ ﴿13﴾

بيا به نه پکې مري او نه به ژوند کولای شي.

87:14

قَدۡ أَفۡلَحَ مَن تَزَكَّىٰ ﴿14﴾

په حقيقت کې هغه څوک بريالی شو چې پاک شو.

87:15

وَذَكَرَ ٱسۡمَ رَبِّهِۦ فَصَلَّىٰ ﴿15﴾

او د خپل پالونکي نوم یې ياد کړ او لمونځ يې وکړ.

87:16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا ﴿16﴾

خو تاسې د دنيا ژوند غوره ګڼئ.

87:17

وَٱلۡأٓخِرَةُ خَيۡرٞ وَأَبۡقَىٰٓ ﴿17﴾

او حال داچې آخرت غوره او پايېدونکی دی.

87:18

إِنَّ هَٰذَا لَفِي ٱلصُّحُفِ ٱلۡأُولَىٰ ﴿18﴾

دغه خبرې په رېښتيا په پخوانيو صحيفو کې هم وې.

87:19

صُحُفِ إِبۡرَٰهِيمَ وَمُوسَىٰ ﴿19﴾

(يعني) د ابراهيم او موسی په صحيفو کې.

88:1

هَلۡ أَتَىٰكَ حَدِيثُ ٱلۡغَٰشِيَةِ ﴿1﴾

آیا تا ته د هغه پټوونکي (آفت) خبر رسېدلی؟

88:2

وُجُوهٞ يَوۡمَئِذٍ خَٰشِعَةٌ ﴿2﴾

په هغه ورځ به ځينې مخونه سپک (ذلیل) وي.

88:3

عَامِلَةٞ نَّاصِبَةٞ ﴿3﴾

سخت زيار اېستونکي ستومانه به وي.

88:4

تَصۡلَىٰ نَارًا حَامِيَةٗ ﴿4﴾

سره اور ته به ور ننوځي.

88:5

تُسۡقَىٰ مِنۡ عَيۡنٍ ءَانِيَةٖ ﴿5﴾

له خوټېدونکې چينې به (اوبه) ورڅښل کيږي.

88:6

لَّيۡسَ لَهُمۡ طَعَامٌ إِلَّا مِن ضَرِيعٖ ﴿6﴾

د هغوی لپاره به له ترخه اغزي لرونکي بوټي پرته بل خواړه نه وي.

88:7

لَّا يُسۡمِنُ وَلَا يُغۡنِي مِن جُوعٖ ﴿7﴾

نه چاغوي او نه لوږه له منځه وړي.

88:8

وُجُوهٞ يَوۡمَئِذٖ نَّاعِمَةٞ ﴿8﴾

او ځينې مخونه هغه ورځ خوشحاله وي.

88:9

لِّسَعۡيِهَا رَاضِيَةٞ ﴿9﴾

خپلو هڅو ته به خوشحاله وي.

88:10

فِي جَنَّةٍ عَالِيَةٖ ﴿10﴾

په لوړ جنت کې به وي.

88:11

لَّا تَسۡمَعُ فِيهَا لَٰغِيَةٗ ﴿11﴾

چټيات به پکې نه اوري.

88:12

فِيهَا عَيۡنٞ جَارِيَةٞ ﴿12﴾

په هغو کې روانه (بهېدونکې) چينه وي.

88:13

فِيهَا سُرُرٞ مَّرۡفُوعَةٞ ﴿13﴾

اوچت اوچت تختونه پکې دي.

88:14

وَأَكۡوَابٞ مَّوۡضُوعَةٞ ﴿14﴾

او ډکې (اېښودل شوې) پيالې به وي.

88:15

وَنَمَارِقُ مَصۡفُوفَةٞ ﴿15﴾

او کتار بالښتونه به وي.

88:16

وَزَرَابِيُّ مَبۡثُوثَةٌ ﴿16﴾

او غوره فرشونه به وي.

88:17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ ﴿17﴾

ایا هغوی اوښانو ته نه ګوري چې څنګه پیدا کړل شوي دي.

88:18

وَإِلَى ٱلسَّمَآءِ كَيۡفَ رُفِعَتۡ ﴿18﴾

او اسمان ته چې څنګه اوچت کړل شوی دی.

88:19

وَإِلَى ٱلۡجِبَالِ كَيۡفَ نُصِبَتۡ ﴿19﴾

او غرونو ته چې څنګه درول شوي دي.

88:20

وَإِلَى ٱلۡأَرۡضِ كَيۡفَ سُطِحَتۡ ﴿20﴾

او ځمکې ته چې څنګه غوړول شوې ده.

88:21

فَذَكِّرۡ إِنَّمَآ أَنتَ مُذَكِّرٞ ﴿21﴾

نو نصیحت کوه! ته خو یوازې نصیحت کوونکی یې.

88:22

لَّسۡتَ عَلَيۡهِم بِمُصَيۡطِرٍ ﴿22﴾

ته پر هغوی جبر کوونکی نه يې.

88:23

إِلَّا مَن تَوَلَّىٰ وَكَفَرَ ﴿23﴾

پرته له هغه چا چې مخ واړوي او ګقر کوي.

88:24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ ﴿24﴾

نو هغه ته به الله سزا ورکړي ښه لويه سزا.

88:25

إِنَّ إِلَيۡنَآ إِيَابَهُمۡ ﴿25﴾

بېشکه د هغوی را ګرځېدل زموږ لوري ته دي.

88:26

ثُمَّ إِنَّ عَلَيۡنَا حِسَابَهُم ﴿26﴾

بيا بېشکه حساب هم زموږ پر غاړه دی.

89:1

وَٱلۡفَجۡرِ ﴿1﴾

قسم دی پر سهار.

89:2

وَلَيَالٍ عَشۡرٖ ﴿2﴾

او پر لسو شپو.

89:3

وَٱلشَّفۡعِ وَٱلۡوَتۡرِ ﴿3﴾

او پر جفت او تاق.

89:4

وَٱلَّيۡلِ إِذَا يَسۡرِ ﴿4﴾

او پر شپه کله چې روانه وي.

89:5

هَلۡ فِي ذَٰلِكَ قَسَمٞ لِّذِي حِجۡرٍ ﴿5﴾

آیا په دې کې د عقل څښتن ته څه قسم شته؟

89:6

أَلَمۡ تَرَ كَيۡفَ فَعَلَ رَبُّكَ بِعَادٍ ﴿6﴾

ايا ودې نه ليدل چې پالونکي دې له عاديانو سره څه وکړل.

89:7

إِرَمَ ذَاتِ ٱلۡعِمَادِ ﴿7﴾

ارم سره، د لوړو ستنو والا سره.

89:8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ ﴿8﴾

هغه چې سيال يې په ښارونو کې نه و پيدا شوی.

89:9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ ﴿9﴾

او له هغو ثموديانو سره چې په ناو کې يې (د سمڅو لپاره) لويې ډبرې تراشلې وې.

89:10

وَفِرۡعَوۡنَ ذِي ٱلۡأَوۡتَادِ ﴿10﴾

او د ميخونو والا فرعون سره.

89:11

ٱلَّذِينَ طَغَوۡاْ فِي ٱلۡبِلَٰدِ ﴿11﴾

هغه چې په ښارونو کې يې سرکښي کړې وه.

89:12

فَأَكۡثَرُواْ فِيهَا ٱلۡفَسَادَ ﴿12﴾

او ډېره ورانکاري يې پکې کړې وه.

89:13

فَصَبَّ عَلَيۡهِمۡ رَبُّكَ سَوۡطَ عَذَابٍ ﴿13﴾

نو راوغورځوله پر هغوی رب ستا دره (متروکه) د عذاب.

89:14

إِنَّ رَبَّكَ لَبِٱلۡمِرۡصَادِ ﴿14﴾

په رېښتيا چې پالونکی دې په څارنځي کې دی.

89:15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ ﴿15﴾

خو انسان ( داسې دی) چې کله يې خپل پالونکی و ازمويي او عزت او نعمت ورکړي، وايي: پالونکي مې عزت راکړ.

89:16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ ﴿16﴾

او کله يې چې و ازمويي او روزي يې ورباندې تنګه کړي، بيا وايي پالونکي مې سپک کړم.

89:17

كَلَّاۖ بَل لَّا تُكۡرِمُونَ ٱلۡيَتِيمَ ﴿17﴾

هيڅکله نه، بلکې (ستاسې عمل سم نه دی) تاسې د يتيم عزت نه کوئ.

89:18

وَلَا تَحَـٰٓضُّونَ عَلَىٰ طَعَامِ ٱلۡمِسۡكِينِ ﴿18﴾

او بې وزله ته په خوړو ورکولو يو بل نه هڅوئ.

89:19

وَتَأۡكُلُونَ ٱلتُّرَاثَ أَكۡلٗا لَّمّٗا ﴿19﴾

او ميراث مال يو ځايي ټول خورئ.

89:20

وَتُحِبُّونَ ٱلۡمَالَ حُبّٗا جَمّٗا ﴿20﴾

او مال ډېر زيات خوښوئ.

89:21

كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا ﴿21﴾

هيڅکله نه، کله چې ځمکه په سختو ټکولو سره وټکول شي.

89:22

وَجَآءَ رَبُّكَ وَٱلۡمَلَكُ صَفّٗا صَفّٗا ﴿22﴾

او راشي رب ستا او پرېښتې کتار کتار.

89:23

وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ ﴿23﴾

او په هغه ورځ چې دوزخ هم راوستل شي، په همغه ورځ به انسان ته نصيحت ور ياد شي خو بيا د هغه لپاره پوهېدل څه ګټه نه لري.

89:24

يَقُولُ يَٰلَيۡتَنِي قَدَّمۡتُ لِحَيَاتِي ﴿24﴾

وايي به کاشکي مې د خپل ژوندانه لپاره مخکې را لېږلي وای.

89:25

فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ ﴿25﴾

نو په هغه ورځ به د الله غوندې عذاب هيڅوک هم نه ورکوي.

89:26

وَلَا يُوثِقُ وَثَاقَهُۥٓ أَحَدٞ ﴿26﴾

او نه به څوک د هغه غوندې تړل کوي.

89:27

يَـٰٓأَيَّتُهَا ٱلنَّفۡسُ ٱلۡمُطۡمَئِنَّةُ ﴿27﴾

اې ډاډمن نفسه (ځانه)!.

89:28

ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ ﴿28﴾

وګرځه د خپل رب لورې ته خوشحاله، خوشحاله کړی شوی.

89:29

فَٱدۡخُلِي فِي عِبَٰدِي ﴿29﴾

بيا زما په (نېکو) بندګانو کې ور ننوځه.

89:30

وَٱدۡخُلِي جَنَّتِي ﴿30﴾

او زما جنت ته ننوځه.