quranm◉

Hizb 59

Range
from 80:1 to 89:30
Surahs covered
ترجمو
265 ترجمو

◉

80:1

عَبَسَ وَتَوَلَّىٰٓ ﴿1﴾

مُنھن ۾ گُھنڊ وڌائين ۽ مُنھن موڙيائين.

80:2

أَن جَآءَهُ ٱلۡأَعۡمَىٰ ﴿2﴾

ھن ڪري جو وٽس نابين آيو.

80:3

وَمَا يُدۡرِيكَ لَعَلَّهُۥ يَزَّكَّىٰٓ ﴿3﴾

۽ ڪنھن سمجھايئي جيڪر اُھو سڌرجي ھا.

80:4

أَوۡ يَذَّكَّرُ فَتَنفَعَهُ ٱلذِّكۡرَىٰٓ ﴿4﴾

يا نصيحت ٻڌي ھا پوءِ اُھا نصيحت ٻڌڻ نفعو ڏئيس ھا.

80:5

أَمَّا مَنِ ٱسۡتَغۡنَىٰ ﴿5﴾

پر جنھن بي پرواھي ڪئي.

80:6

فَأَنتَ لَهُۥ تَصَدَّىٰ ﴿6﴾

پوءِ تنھن (جي سڌاري) لاءِ تون پٺيان پيو آھين.

80:7

وَمَا عَلَيۡكَ أَلَّا يَزَّكَّىٰ ﴿7﴾

ھن ۾ توتي (ڪا ميار) ڪانھي ته اُھو نه سُڌرجي.

80:8

وَأَمَّا مَن جَآءَكَ يَسۡعَىٰ ﴿8﴾

۽ جيڪو تو وٽ ڊوڙندو آيو.

80:9

وَهُوَ يَخۡشَىٰ ﴿9﴾

۽ اُھو (پنھنجي الله کان) ڊڄي ٿو.

80:10

فَأَنتَ عَنۡهُ تَلَهَّىٰ ﴿10﴾

پوءِ تنھن کان تون ويسلو ٿئين ٿو.

80:11

كَلَّآ إِنَّهَا تَذۡكِرَةٞ ﴿11﴾

ائين نه آھي بيشڪ اھي (قرآن جون آيتون) ھڪ نصيحت آھي.

80:12

فَمَن شَآءَ ذَكَرَهُۥ ﴿12﴾

پوءِ جيڪو گھُري سو قرآن ياد رکي.

80:13

فِي صُحُفٖ مُّكَرَّمَةٖ ﴿13﴾

(بيشڪ قرآن جون آيتون) تعظيم وارن ورقن ۾ لکيل آھن.

80:14

مَّرۡفُوعَةٖ مُّطَهَّرَةِۭ ﴿14﴾

جي مٿاھان ۽ پاڪ آھن.

80:15

بِأَيۡدِي سَفَرَةٖ ﴿15﴾

لکندڙن جي ھٿن ۾.

80:16

كِرَامِۭ بَرَرَةٖ ﴿16﴾

جي سڳورا ڀلارا آھن.

80:17

قُتِلَ ٱلۡإِنسَٰنُ مَآ أَكۡفَرَهُۥ ﴿17﴾

ماڻھو ماريو وڃي جو ڪھڙو نه بي شُڪر آھي.

80:18

مِنۡ أَيِّ شَيۡءٍ خَلَقَهُۥ ﴿18﴾

(ڌيان ڪري ته الله) ڪھڙي شيءَ مان پيدا ڪيس.

80:19

مِن نُّطۡفَةٍ خَلَقَهُۥ فَقَدَّرَهُۥ ﴿19﴾

مني جي ڦڙي مان، خلقيائينس پوءِ اندازو مقرر ڪيائينس.

80:20

ثُمَّ ٱلسَّبِيلَ يَسَّرَهُۥ ﴿20﴾

وري (نڪرڻ جي) واٽ سنھنجي ڪيائينس.

80:21

ثُمَّ أَمَاتَهُۥ فَأَقۡبَرَهُۥ ﴿21﴾

وري ماريائينس پوءِ قبر ۾ رکايائينس.

80:22

ثُمَّ إِذَا شَآءَ أَنشَرَهُۥ ﴿22﴾

وري جڏھن گھرندو تڏھن اُن کي جيئرو ڪندو.

80:23

كَلَّا لَمَّا يَقۡضِ مَآ أَمَرَهُۥ ﴿23﴾

ائين نه آھي جيڪي فرمايائينس سو پورو نه ڪيائين.

80:24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ ﴿24﴾

پوءِ جڳائي ته ماڻھو پنھنجي کاڌي ڏانھن نھاري ڏسي.

80:25

أَنَّا صَبَبۡنَا ٱلۡمَآءَ صَبّٗا ﴿25﴾

ته اسان پاڻي کي چڱيءَ طرح آسمان کان پلٽيو.

80:26

ثُمَّ شَقَقۡنَا ٱلۡأَرۡضَ شَقّٗا ﴿26﴾

وري زمين کي پوري طرح چيريوسون.

80:27

فَأَنۢبَتۡنَا فِيهَا حَبّٗا ﴿27﴾

پوءِ منجھس اَن ڄمايوسون.

80:28

وَعِنَبٗا وَقَضۡبٗا ﴿28﴾

۽ ڊاکون ۽ ترڪاريون.

80:29

وَزَيۡتُونٗا وَنَخۡلٗا ﴿29﴾

۽ زيتون ۽ کجيون.

80:30

وَحَدَآئِقَ غُلۡبٗا ﴿30﴾

۽ گھاٽا باغ.

80:31

وَفَٰكِهَةٗ وَأَبّٗا ﴿31﴾

۽ ميوو ۽ گاھ (به).

80:32

مَّتَٰعٗا لَّكُمۡ وَلِأَنۡعَٰمِكُمۡ ﴿32﴾

اوھان جي نفعي لاءِ ۽ اوھان جي ڍورن لاءِ.

80:33

فَإِذَا جَآءَتِ ٱلصَّآخَّةُ ﴿33﴾

پوءِ جڏھن ڪَن ٻوڙا ڪندڙ (دھشت واري) ھڪل ايندي.

80:34

يَوۡمَ يَفِرُّ ٱلۡمَرۡءُ مِنۡ أَخِيهِ ﴿34﴾

انھي ڏينھن آدمي پنھنجي ڀاءُ کان ڀڄندو.

80:35

وَأُمِّهِۦ وَأَبِيهِ ﴿35﴾

۽ (پڻ) پنھنجي ماءُ کان ۽ پنھنجي پيءُ کان.

80:36

وَصَٰحِبَتِهِۦ وَبَنِيهِ ﴿36﴾

۽ پنھنجي گھر واريءَ کان ۽ پنھنجي پٽن کان ڀڄندو.

80:37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ ﴿37﴾

انھن مان سڀڪنھن مڙس لاءِ اُن ڏينھن اھڙي حالت ھوندي جو کيس بس ھوندي.

80:38

وُجُوهٞ يَوۡمَئِذٖ مُّسۡفِرَةٞ ﴿38﴾

ڪيترائي منھن اُن ڏينھن روشن ھوندا.

80:39

ضَاحِكَةٞ مُّسۡتَبۡشِرَةٞ ﴿39﴾

کِلندڙ ۽ (تمام) سرھا ھوندا.

80:40

وَوُجُوهٞ يَوۡمَئِذٍ عَلَيۡهَا غَبَرَةٞ ﴿40﴾

۽ ڪيترائي منھن (ھوندا) جن تي اُن ڏينھن رئي پيل ھوندي.

80:41

تَرۡهَقُهَا قَتَرَةٌ ﴿41﴾

جن کي ڪارنھن ويڙھي ويندي.

80:42

أُوْلَـٰٓئِكَ هُمُ ٱلۡكَفَرَةُ ٱلۡفَجَرَةُ ﴿42﴾

اھي ئي مُنڪر بدڪار آھن.

81:1

إِذَا ٱلشَّمۡسُ كُوِّرَتۡ ﴿1﴾

جڏھن سج ويڙھبو.

81:2

وَإِذَا ٱلنُّجُومُ ٱنكَدَرَتۡ ﴿2﴾

۽ جڏھن تارا ميرا ٿيندا.

81:3

وَإِذَا ٱلۡجِبَالُ سُيِّرَتۡ ﴿3﴾

۽ جڏھن جبل ھلايا ويندا.

81:4

وَإِذَا ٱلۡعِشَارُ عُطِّلَتۡ ﴿4﴾

۽ جڏھن ڍُڪيون ويامڻ تي ڏاچيون بيڪار ڇڏبيون.

81:5

وَإِذَا ٱلۡوُحُوشُ حُشِرَتۡ ﴿5﴾

۽ جڏھن جھنگلي جانور گڏ ڪبا.

81:6

وَإِذَا ٱلۡبِحَارُ سُجِّرَتۡ ﴿6﴾

۽ جڏھن درياءَ (باھ وانگر) تپائبا.

81:7

وَإِذَا ٱلنُّفُوسُ زُوِّجَتۡ ﴿7﴾

۽ جڏھن جيءَ پاڻ ۾ ملائبا.

81:8

وَإِذَا ٱلۡمَوۡءُۥدَةُ سُئِلَتۡ ﴿8﴾

۽ جڏھن جيئري پوريل نياڻي پڇبي ته.

81:9

بِأَيِّ ذَنۢبٖ قُتِلَتۡ ﴿9﴾

ڪھڙي ڏوھ ڪري ماري وئي.

81:10

وَإِذَا ٱلصُّحُفُ نُشِرَتۡ ﴿10﴾

۽ جڏھن اعمالناما کولبا.

81:11

وَإِذَا ٱلسَّمَآءُ كُشِطَتۡ ﴿11﴾

۽ جڏھن آسمان ڇلبو.

81:12

وَإِذَا ٱلۡجَحِيمُ سُعِّرَتۡ ﴿12﴾

۽ جڏھن دوزخ ٻاربو.

81:13

وَإِذَا ٱلۡجَنَّةُ أُزۡلِفَتۡ ﴿13﴾

۽ جڏھن بھشت ويجھو ڪبو.

81:14

عَلِمَتۡ نَفۡسٞ مَّآ أَحۡضَرَتۡ ﴿14﴾

(تڏھن) ھر ھڪ جيءُ جيڪي حاضر آندو سو ڄاڻندو.

81:15

فَلَآ أُقۡسِمُ بِٱلۡخُنَّسِ ﴿15﴾

پوئتي ھٽندڙ تارن جو قَسم کڻان ٿو.

81:16

ٱلۡجَوَارِ ٱلۡكُنَّسِ ﴿16﴾

جي (ڪڏھن) سڌا ھلندڙ آھن (ڪڏھن) لڪي ويندڙ آھن.

81:17

وَٱلَّيۡلِ إِذَا عَسۡعَسَ ﴿17﴾

۽ قسم آھي رات جو جڏھن پوئتي موٽندي آھي.

81:18

وَٱلصُّبۡحِ إِذَا تَنَفَّسَ ﴿18﴾

۽ قسم آھي صُبح جو جڏھن روشن ٿئي.

81:19

إِنَّهُۥ لَقَوۡلُ رَسُولٖ كَرِيمٖ ﴿19﴾

ته بيشڪ اھو (قرآن) ھڪ موڪليل سڳوري (مَلَڪ) جو پيغام ڏيڻ آھي.

81:20

ذِي قُوَّةٍ عِندَ ذِي ٱلۡعَرۡشِ مَكِينٖ ﴿20﴾

جو سگھ واري عرش جي مالڪ (الله) وٽ وڏي مرتبي وارو آھي.

81:21

مُّطَاعٖ ثَمَّ أَمِينٖ ﴿21﴾

جو مڃوتيءَ وارو اُتي (مَلڪوت ۾) امين آھي.

81:22

وَمَا صَاحِبُكُم بِمَجۡنُونٖ ﴿22﴾

۽ (ھي) اوھان جو سنگتي (ﷴ ﷺ ڪو) چريو نه آھي.

81:23

وَلَقَدۡ رَءَاهُ بِٱلۡأُفُقِ ٱلۡمُبِينِ ﴿23﴾

۽ بيشڪ (اوھان جي سنگتي) اُن (مَلَڪ) کي آسمان جي پڌري ڪناري تي (چتائي) ڏٺو آھي.

81:24

وَمَا هُوَ عَلَى ٱلۡغَيۡبِ بِضَنِينٖ ﴿24﴾

۽ اُھو (اوھان جو سنگتي) ڳجھ (جي ڳالھ ڏسڻ) تي بخل ڪندڙ نه آھي.

81:25

وَمَا هُوَ بِقَوۡلِ شَيۡطَٰنٖ رَّجِيمٖ ﴿25﴾

۽ قرآن تڙيل شيطان جو ڪلام نه آھي.

81:26

فَأَيۡنَ تَذۡهَبُونَ ﴿26﴾

پوءِ ڪيڏانھن وڃو ٿا؟

81:27

إِنۡ هُوَ إِلَّا ذِكۡرٞ لِّلۡعَٰلَمِينَ ﴿27﴾

ھيءُ (قرآن) جھان وارن جي نصيحت کانسواءِ (ٻيو) ڪي نه آھي.

81:28

لِمَن شَآءَ مِنكُمۡ أَن يَسۡتَقِيمَ ﴿28﴾

اوھان مان جيڪو سڌو ھلڻ گھري تنھن لاءِ آھي.

81:29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ ﴿29﴾

۽ جھانن جي پالڻھار الله جي گھُر کانسواءِ (ٻيو) ڪي اوھين گھري نه سگھندؤ.

82:1

إِذَا ٱلسَّمَآءُ ٱنفَطَرَتۡ ﴿1﴾

جڏھن آسمان ڦاٽندو.

82:2

وَإِذَا ٱلۡكَوَاكِبُ ٱنتَثَرَتۡ ﴿2﴾

۽ جڏھن تارا ڇڻي پوندا.

82:3

وَإِذَا ٱلۡبِحَارُ فُجِّرَتۡ ﴿3﴾

۽ جڏھن سمنڊ تمام جوش سان وھائبا.

82:4

وَإِذَا ٱلۡقُبُورُ بُعۡثِرَتۡ ﴿4﴾

۽ جڏھن قبرون پٽبيون.

82:5

عَلِمَتۡ نَفۡسٞ مَّا قَدَّمَتۡ وَأَخَّرَتۡ ﴿5﴾

(تڏھن) سڀڪو شخص اُھو ڄاڻندو جيڪي اڳي موڪليو ھوائين ۽ جيڪي پوئتي ڇڏيو ھوائين.

82:6

يَـٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ ﴿6﴾

اي ماڻھو توکي تنھنجي (انھي) سڳوري پالڻھار کان ڪھڙي شيءَ ٺڳيو؟

82:7

ٱلَّذِي خَلَقَكَ فَسَوَّىٰكَ فَعَدَلَكَ ﴿7﴾

جنھن توکي پيدا ڪيو پوءِ توکي سنئين لڱين ڪيائين پوءِ توکي برابر ڪيائين.

82:8

فِيٓ أَيِّ صُورَةٖ مَّا شَآءَ رَكَّبَكَ ﴿8﴾

جھڙي صورت ۾ گھريائين (تھڙيءَ ۾) تنھنجو جوڙ جوڙيائين.

82:9

كَلَّا بَلۡ تُكَذِّبُونَ بِٱلدِّينِ ﴿9﴾

ائين نه آھي بلڪ اوھين عملن جي جزا ڏيڻ کي ڪوڙ ڀائيندا آھيو.

82:10

وَإِنَّ عَلَيۡكُمۡ لَحَٰفِظِينَ ﴿10﴾

۽ بيشڪ اوھان تي نگھبان (مقرر ٿيل) آھن.

82:11

كِرَامٗا كَٰتِبِينَ ﴿11﴾

سڳورا لکڻ وارا.

82:12

يَعۡلَمُونَ مَا تَفۡعَلُونَ ﴿12﴾

جيڪي اوھين ڪندا آھيو سو ڄاڻندا آھن.

82:13

إِنَّ ٱلۡأَبۡرَارَ لَفِي نَعِيمٖ ﴿13﴾

بيشڪ ڀلارا (بھشت جي) نعمت ۾ ھوندا.

82:14

وَإِنَّ ٱلۡفُجَّارَ لَفِي جَحِيمٖ ﴿14﴾

۽ بيشڪ گنھگار دوزخ ۾ ھوندا.

82:15

يَصۡلَوۡنَهَا يَوۡمَ ٱلدِّينِ ﴿15﴾

عملن جي بدلي جي ڏينھن دوزخ ۾ داخل ٿيندا.

82:16

وَمَا هُمۡ عَنۡهَا بِغَآئِبِينَ ﴿16﴾

۽ اُن کان اُھي لڪل نه ھوندا.

82:17

وَمَآ أَدۡرَىٰكَ مَا يَوۡمُ ٱلدِّينِ ﴿17﴾

۽ ڪنھن سمجھايئي ته عملن جي بدلي جو ڏينھن ڇا آھي؟

82:18

ثُمَّ مَآ أَدۡرَىٰكَ مَا يَوۡمُ ٱلدِّينِ ﴿18﴾

وري (به چئون ٿا ته) ڪنھن سمجھايئي ته عملن جي بدلي جو ڏينھن ڇا آھي؟

82:19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ ﴿19﴾

اُھو ھڪ ڏينھن آھي جو ڪو جيءُ ڪنھن جيءَ کي ڪجھ فائدو پھچائي نه سگھندو، ۽ اُن ڏينھن (ساري) حڪومت خاص الله جي ھوندي.

83:1

وَيۡلٞ لِّلۡمُطَفِّفِينَ ﴿1﴾

(تور ۽ ماپ ۾) انھن گھٽ ڪري ڏيندڙن لاءِ ويل آھي.

83:2

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ ﴿2﴾

جي جڏھن (پاڻ لاءِ) ماڻھن کان مَئي وٺندا آھن ته بلڪل پورو ڪري وٺندا آھن.

83:3

وَإِذَا كَالُوهُمۡ أَو وَّزَنُوهُمۡ يُخۡسِرُونَ ﴿3﴾

۽ جڏھن اُنھن کي مَئي ڏيندا آھن يا کين توري ڏيندا آھن (ته) گھٽائي ڏيندا آھن.

83:4

أَلَا يَظُنُّ أُوْلَـٰٓئِكَ أَنَّهُم مَّبۡعُوثُونَ ﴿4﴾

اھي گمان نه ٿا ڪن ڇا ته کين (ضرور) اُٿاربو.

83:5

لِيَوۡمٍ عَظِيمٖ ﴿5﴾

اُنھيءَ وڏي ڏينھن لاءِ.

83:6

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ ﴿6﴾

جنھن ڏينھن ماڻھو جھانن جي پالڻھار اڳيان ٿي بيھندا.

83:7

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ ﴿7﴾

سچ آھي ته بيشڪ بدڪارن جو اعمالنامو سجين ۾ آھي.

83:8

وَمَآ أَدۡرَىٰكَ مَا سِجِّينٞ ﴿8﴾

۽ ڪنھن سمجھايئي ته سجين ڇا آھي؟

83:9

كِتَٰبٞ مَّرۡقُومٞ ﴿9﴾

ھڪ لکيل دفتر آھي.

83:10

وَيۡلٞ يَوۡمَئِذٖ لِّلۡمُكَذِّبِينَ ﴿10﴾

اُن ڏينھن (انھن) ڪوڙ ڀانئيندڙن لاءِ ويل آھي.

83:11

ٱلَّذِينَ يُكَذِّبُونَ بِيَوۡمِ ٱلدِّينِ ﴿11﴾

جيڪي عملن جي بدلي جي ڏينھن کي ڪوڙ ڀانئيندا آھن.

83:12

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ ﴿12﴾

۽ اُن کي سڀڪنھن حد کان لنگھندڙ گنھگار کانسواءِ (ٻيو) ڪو ڪوڙ نه ڀانئيندو.

83:13

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ ﴿13﴾

جڏھن اسان جون آيتون کيس پڙھي ٻڌائبيون آھن ته چوندو آھي ته (اھي) اڳين جون آکاڻيون آھن.

83:14

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ ﴿14﴾

ائين بلڪل نه آھي! بلڪ، جيڪي ڪمائيندا ھوا تنھن جي ڪَٽ سندين دلين تي ڄمي ويئي آھي.

83:15

كَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ ﴿15﴾

ائين نه آھي پنھنجي پالڻھار (جي سامھون اچڻ) کان انھي ڏينھن روڪيل ھوندا.

83:16

ثُمَّ إِنَّهُمۡ لَصَالُواْ ٱلۡجَحِيمِ ﴿16﴾

وري بيشڪ اُھي دوزخ ۾ گھڙڻ وارا ھوندا.

83:17

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ ﴿17﴾

وري چئبن ته ھي اُھو دوزخ آھي جنھن کي اوھين ڪوڙ ڀانئيندا ھُيؤ.

83:18

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ ﴿18﴾

سچ آھي بيشڪ ڀلارن جو اعمالنامو عِلّيِّيۡن ۾ آھي.

83:19

وَمَآ أَدۡرَىٰكَ مَا عِلِّيُّونَ ﴿19﴾

۽ ڪنھن سمجھايئي ته عِلِّيّين ڇا آھي؟

83:20

كِتَٰبٞ مَّرۡقُومٞ ﴿20﴾

ھڪ لکيل دفتر آھي.

83:21

يَشۡهَدُهُ ٱلۡمُقَرَّبُونَ ﴿21﴾

اُن وٽ (الله جا) مقرب حاضر رھندا آھن.

83:22

إِنَّ ٱلۡأَبۡرَارَ لَفِي نَعِيمٍ ﴿22﴾

بيشڪ ڀلارا (بھشت) جي نعمتن ۾ ھوندا.

83:23

عَلَى ٱلۡأَرَآئِكِ يَنظُرُونَ ﴿23﴾

تختن تي ويھي نظارو پيا ڪندا.

83:24

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ ﴿24﴾

(سڀني پاسن کان) سندن منھن مان ئي نعمت جي تازگي پيو معلوم ڪندين.

83:25

يُسۡقَوۡنَ مِن رَّحِيقٖ مَّخۡتُومٍ ﴿25﴾

مھر لڳل صاف شراب مان پيو پياربن.

83:26

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ ﴿26﴾

جنھن جي مُھر مشڪ (جي) ھوندي، ۽ شوقينن کي جڳائي ته اُنھيءَ ۾ شوق رکن.

83:27

وَمِزَاجُهُۥ مِن تَسۡنِيمٍ ﴿27﴾

اُن جي ملاوت تَسۡنِيم (جي پاڻيءَ) مان ھوندي.

83:28

عَيۡنٗا يَشۡرَبُ بِهَا ٱلۡمُقَرَّبُونَ ﴿28﴾

جو ھڪ چشمو آھي جنھن مان الله جا ويجھا (ٻانھا) پيئندا.

83:29

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ ﴿29﴾

بيشڪ ڏوھاري (دنيا ۾) مؤمنن تي کلندا ھوا.

83:30

وَإِذَا مَرُّواْ بِهِمۡ يَتَغَامَزُونَ ﴿30﴾

۽ جڏھن وٽائن لنگھندا ھوا ته مؤمنن تي حقارت ڪري پاڻ ۾ ميڇون ڏيندا ھوا.

83:31

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ ﴿31﴾

۽ جڏھن پنھنجن گھر وارن ڏانھن موٽندا ھوا (ته) ڏاڍيون خوشيون ڪندا موٽندا ھوا.

83:32

وَإِذَا رَأَوۡهُمۡ قَالُوٓاْ إِنَّ هَـٰٓؤُلَآءِ لَضَآلُّونَ ﴿32﴾

۽ جڏھن مؤمنن کي ڏسندا ھوا ته چوندا ھوا ته بيشڪ اُھي گمراھ آھن.

83:33

وَمَآ أُرۡسِلُواْ عَلَيۡهِمۡ حَٰفِظِينَ ﴿33﴾

۽ (حقيقت ڪري) اُھي مؤمنن تي نگھبان ڪري نه موڪليا ويا ھوا.

83:34

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ ﴿34﴾

تنھنڪري اڄ مؤمن ڪافرن تي کِلن ٿا.

83:35

عَلَى ٱلۡأَرَآئِكِ يَنظُرُونَ ﴿35﴾

تختن تي (ويھي) نظارو ڪن ٿا.

83:36

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ ﴿36﴾

(۽ چون ٿا) ته ڪافرن کي انھيءَ جو بدلو ڏنو ويو آھي ڇا جيڪي اُھي ڪندا ھوا.

84:1

إِذَا ٱلسَّمَآءُ ٱنشَقَّتۡ ﴿1﴾

جڏھن آسمان ڦاٽندو.

84:2

وَأَذِنَتۡ لِرَبِّهَا وَحُقَّتۡ ﴿2﴾

۽ پنھنجي پالڻھار جو حُڪم ڪن ڏئي ٻڌندو ۽ (ٻڌڻ) حق اٿس.

84:3

وَإِذَا ٱلۡأَرۡضُ مُدَّتۡ ﴿3﴾

۽ جڏھن زمين پکيڙبي.

84:4

وَأَلۡقَتۡ مَا فِيهَا وَتَخَلَّتۡ ﴿4﴾

۽ جيڪي اُن ۾ ھوندو سو (سڀ) ڪڍي اُڇليندي ۽ خالي ٿيندي.

84:5

وَأَذِنَتۡ لِرَبِّهَا وَحُقَّتۡ ﴿5﴾

۽ پنھنجي پالڻھار جو حُڪم ڪن ڏئي ٻڌندي ۽ (ٻڌڻ) حق اٿس.

84:6

يَـٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ ﴿6﴾

اي ماڻھو تون پنھنجي پالڻھار ڏانھن (پھچڻ ۾) تمام گھڻي تڪليف وٺڻ وارو آھين جو اُن کي (وڃي) ملندين.

84:7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ ﴿7﴾

پوءِ اُھو (ماڻھو) جنھن کي سندس سڄي ھٿ ۾ سندس اعمالنامو ڏبو.

84:8

فَسَوۡفَ يُحَاسَبُ حِسَابٗا يَسِيرٗا ﴿8﴾

تنھن سان آسانيءَ طرح سگھوئي حساب ڪبو.

84:9

وَيَنقَلِبُ إِلَىٰٓ أَهۡلِهِۦ مَسۡرُورٗا ﴿9﴾

۽ پنھنجن گھر وارن ڏانھن خوش ٿي موٽندو.

84:10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ ﴿10﴾

۽ اُھو ماڻھو جنھن کي سندس اعمالنامو سندس پٺي پويان ڏبو.

84:11

فَسَوۡفَ يَدۡعُواْ ثُبُورٗا ﴿11﴾

سو سگھوئي موت کي سڏيندو.

84:12

وَيَصۡلَىٰ سَعِيرًا ﴿12﴾

۽ دوزخ ۾ گھڙندو.

84:13

إِنَّهُۥ كَانَ فِيٓ أَهۡلِهِۦ مَسۡرُورًا ﴿13﴾

ڇوته اُھو (دنيا ۾) پنھنجن گھر وارن ۾ خوش (حال) ھو.

84:14

إِنَّهُۥ ظَنَّ أَن لَّن يَحُورَ ﴿14﴾

بيشڪ انھيءَ ڀانيو ھو ته (الله ڏانھن) ڪڏھن نه موٽندو.

84:15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا ﴿15﴾

ھائو! (موٽندو) ڇوته سندس پالڻھار اُن کي ڏسندڙ آھي.

84:16

فَلَآ أُقۡسِمُ بِٱلشَّفَقِ ﴿16﴾

پوءِ شفق جو قسم کڻان ٿو.

84:17

وَٱلَّيۡلِ وَمَا وَسَقَ ﴿17﴾

۽ رات جو (قسم) ۽ جنھن کي گڏ ڪيو اٿس.

84:18

وَٱلۡقَمَرِ إِذَا ٱتَّسَقَ ﴿18﴾

۽ چنڊ جو (قسم) جڏھن پورو روشن ٿئي.

84:19

لَتَرۡكَبُنَّ طَبَقًا عَن طَبَقٖ ﴿19﴾

ته ھڪ حال کان ٻئي حال تي ضرور چڙھندؤ.

84:20

فَمَا لَهُمۡ لَا يُؤۡمِنُونَ ﴿20﴾

پوءِ ھنن (ڪافرن) کي ڇا (ٿيو) آھي جو ايمان نه آڻيندا آھن.

84:21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩ ﴿21﴾

۽ جڏھن وٽن قرآن پڙھبو آھي (ته) سجدو نه ڪندا آھن.

84:22

بَلِ ٱلَّذِينَ كَفَرُواْ يُكَذِّبُونَ ﴿22﴾

بلڪ (اھي) ڪافر ڪوڙ ڀانئيندا آھن.

84:23

وَٱللَّهُ أَعۡلَمُ بِمَا يُوعُونَ ﴿23﴾

۽ جيڪي (پنھنجين دلين ۾) سانڀيندا آھن سو الله چڱي طرح ڄاڻندڙ آھي.

84:24

فَبَشِّرۡهُم بِعَذَابٍ أَلِيمٍ ﴿24﴾

پوءِ کين ڏکوئيندڙ عذاب جي خبر ڏي.

84:25

إِلَّا ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ لَهُمۡ أَجۡرٌ غَيۡرُ مَمۡنُونِۭ ﴿25﴾

پر جن ايمان آندو ۽ چڱا ڪم ڪيا تن لاءِ اَڻ کُٽ اَجر آھي.

85:1

وَٱلسَّمَآءِ ذَاتِ ٱلۡبُرُوجِ ﴿1﴾

بُرجن واري آسمان جو قسم آھي.

85:2

وَٱلۡيَوۡمِ ٱلۡمَوۡعُودِ ﴿2﴾

۽ وعدي ڪيل ڏينھن جو قسم آھي.

85:3

وَشَاهِدٖ وَمَشۡهُودٖ ﴿3﴾

۽ حاضر ٿيڻ واري ۽ جنھن وٽ حاضر ڪيو وڃي تنھن جو قسم آھي.

85:4

قُتِلَ أَصۡحَٰبُ ٱلۡأُخۡدُودِ ﴿4﴾

ته کاھين وارا ماريا وڃن.

85:5

ٱلنَّارِ ذَاتِ ٱلۡوَقُودِ ﴿5﴾

جا باھ گھڻي ٻَل واري ھئي.

85:6

إِذۡ هُمۡ عَلَيۡهَا قُعُودٞ ﴿6﴾

جڏھن اُھي اُنھن باھ جي (کاھين) تي ويٺل ھوا.

85:7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ ﴿7﴾

۽ جيڪي اُنھن مسلمانن سان (ظلم) ٿي ڪيو تنھن کي روبرو ڏسڻ وارا ھوا.

85:8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ ﴿8﴾

۽ انھن ھن کانسواءِ (ٻيءَ) ڪنھن ڳالھ جو وير نه ٿي ورتو ته انھن اُنھيءَ غالب ساراھيل الله تي ايمان آندو ھو.

85:9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ ﴿9﴾

جنھن کي آسمانن ۽ زمين جي بادشاھي آھي، ۽ الله سڀ شيءَ جي خبر رکندڙ آھي.

85:10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ ﴿10﴾

بيشڪ جن (ماڻھن) مؤمنن ۽ مؤمنياڻين کي ايذايو وري توبه نه ڪيائون تن لاءِ دوزخ جو عذاب آھي ۽ اُنھن لاءِ سڙڻ جو عذاب (به) آھي.

85:11

إِنَّ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ لَهُمۡ جَنَّـٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ ﴿11﴾

بيشڪ جن ايمان آندو ۽ چڱا ڪم ڪيا تن لاءِ اھڙا باغ آھن جن جي ھيٺان واھيون پيون وھن، اھا وڏي مراد ماڻڻ آھي.

85:12

إِنَّ بَطۡشَ رَبِّكَ لَشَدِيدٌ ﴿12﴾

بيشڪ تنھنجي پالڻھار جي پڪڙ بلڪل سخت آھي.

85:13

إِنَّهُۥ هُوَ يُبۡدِئُ وَيُعِيدُ ﴿13﴾

بيشڪ اُھو پھريون دفعو بڻائي ٿو ۽ وري ٻيھر موٽائيندو.

85:14

وَهُوَ ٱلۡغَفُورُ ٱلۡوَدُودُ ﴿14﴾

۽ اُھو بخشڻھار پيار رکندڙ آھي.

85:15

ذُو ٱلۡعَرۡشِ ٱلۡمَجِيدُ ﴿15﴾

(جو) عرش جو مالڪ تمام وڏي شان وارو آھي.

85:16

فَعَّالٞ لِّمَا يُرِيدُ ﴿16﴾

جيڪي گھري سو ڪرڻ وارو ئي آھي.

85:17

هَلۡ أَتَىٰكَ حَدِيثُ ٱلۡجُنُودِ ﴿17﴾

تو وٽ لشڪرن جي خبر (نه) آئي آھي ڇا؟

85:18

فِرۡعَوۡنَ وَثَمُودَ ﴿18﴾

(يعني) فرعون ۽ ثمود جي.

85:19

بَلِ ٱلَّذِينَ كَفَرُواْ فِي تَكۡذِيبٖ ﴿19﴾

بلڪ ڪافر ڪوڙ ڀانئڻ ۾ (لڳا پيا) آھن.

85:20

وَٱللَّهُ مِن وَرَآئِهِم مُّحِيطُۢ ﴿20﴾

۽ الله سندن چؤڦير گھيرو ڪندڙ آھي.

85:21

بَلۡ هُوَ قُرۡءَانٞ مَّجِيدٞ ﴿21﴾

بلڪ ھي سڳورو قرآن آھي.

85:22

فِي لَوۡحٖ مَّحۡفُوظِۭ ﴿22﴾

حفاظت ڪيل تختي ۾ لکيل آھي.

86:1

وَٱلسَّمَآءِ وَٱلطَّارِقِ ﴿1﴾

آسمان جو ۽ رات جي وقت ۾ ايندڙ جو قسم آھي.

86:2

وَمَآ أَدۡرَىٰكَ مَا ٱلطَّارِقُ ﴿2﴾

۽ ڪنھن سمجھايئي ته رات جو ايندڙ ڇا آھي؟

86:3

ٱلنَّجۡمُ ٱلثَّاقِبُ ﴿3﴾

(اُھو) چمڪندڙ تارو آھي.

86:4

إِن كُلُّ نَفۡسٖ لَّمَّا عَلَيۡهَا حَافِظٞ ﴿4﴾

ته ڪو جيءُ اھڙو ڪونھي جنھن تي ھڪ نگھبان مقرر ٿيل (نه) آھي.

86:5

فَلۡيَنظُرِ ٱلۡإِنسَٰنُ مِمَّ خُلِقَ ﴿5﴾

تنھنڪري ماڻھوءَ کي گھرجي ته نھاري ڏسي ته کيس ڇا مان بڻايو ويو آھي.

86:6

خُلِقَ مِن مَّآءٖ دَافِقٖ ﴿6﴾

ٽپي سان نڪرندڙ پاڻي مان بڻايو ويس.

86:7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ ﴿7﴾

جو پُٺيءَ ۽ اُرھ جي وچ مان نڪرندو آھي.

86:8

إِنَّهُۥ عَلَىٰ رَجۡعِهِۦ لَقَادِرٞ ﴿8﴾

بيشڪ الله سندس وري موٽائڻ تي وس وارو آھي.

86:9

يَوۡمَ تُبۡلَى ٱلسَّرَآئِرُ ﴿9﴾

جنھن ڏينھن (ماڻھن جي دلين جا) سڀ ڳُجھ جاچيا ويندا.

86:10

فَمَا لَهُۥ مِن قُوَّةٖ وَلَا نَاصِرٖ ﴿10﴾

پوءِ تنھن ڏينھن ڪانه اُن کي سگھ رھندي ۽ نڪو واھرو (ھوندس).

86:11

وَٱلسَّمَآءِ ذَاتِ ٱلرَّجۡعِ ﴿11﴾

۽ مينھن واري آسمان جو قسم آھي.

86:12

وَٱلۡأَرۡضِ ذَاتِ ٱلصَّدۡعِ ﴿12﴾

۽ ڦاٽن واريءَ زمين جو (به) قسم آھي.

86:13

إِنَّهُۥ لَقَوۡلٞ فَصۡلٞ ﴿13﴾

ته بيشڪ قرآن ھڪ فيصلو ڪندڙ ڳالھ آھي.

86:14

وَمَا هُوَ بِٱلۡهَزۡلِ ﴿14﴾

۽ ھيُ قرآن ڪا ٺـٺولي (جي ڳالھ) نه آھي.

86:15

إِنَّهُمۡ يَكِيدُونَ كَيۡدٗا ﴿15﴾

بيشڪ ڪافر ھڪ (طرح جي) ڳجھي رٿ رٿين ٿا.

86:16

وَأَكِيدُ كَيۡدٗا ﴿16﴾

۽ (آءٌ به) ھڪ (طرح جي) رٿ رٿيان ٿو.

86:17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا ﴿17﴾

پوءِ ڪافرن کي ڍر ڏي ۽ ٿوري مُدت کين ڇڏي ڏي.

87:1

سَبِّحِ ٱسۡمَ رَبِّكَ ٱلۡأَعۡلَى ﴿1﴾

(اي پيغمبر) اُنھي پنھنجي تمام مٿاھين پالڻھار جي نالي جي پاڪائي بيان ڪر.

87:2

ٱلَّذِي خَلَقَ فَسَوَّىٰ ﴿2﴾

جنھن (ساري مخلوق کي) خلقيو پوءِ سنئين لڱين ڪيائين.

87:3

وَٱلَّذِي قَدَّرَ فَهَدَىٰ ﴿3﴾

۽ جنھن اندازو ڪيو پوءِ رستو ڏيکاريائين.

87:4

وَٱلَّذِيٓ أَخۡرَجَ ٱلۡمَرۡعَىٰ ﴿4﴾

۽ جنھن تازو گاھ ڄمايو.

87:5

فَجَعَلَهُۥ غُثَآءً أَحۡوَىٰ ﴿5﴾

پوءِ اُن کي سُڪو سڙيو ڪيائين.

87:6

سَنُقۡرِئُكَ فَلَا تَنسَىٰٓ ﴿6﴾

اسين توکي (قرآن) پاڙھينداسون پوءِ نه وساريندين.

87:7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ ﴿7﴾

مگر جيڪي الله گھريو آھي، بيشڪ اُھو ظاھر کي ڄاڻندو آھي ۽ جيڪي ڳُجھو آھي تنھن کي (به).

87:8

وَنُيَسِّرُكَ لِلۡيُسۡرَىٰ ﴿8﴾

۽ آسان رستو توکي سنھنجو ڪري ڏينداسين.

87:9

فَذَكِّرۡ إِن نَّفَعَتِ ٱلذِّكۡرَىٰ ﴿9﴾

پوءِ جيڪڏھن نصيحت ڏئڻ فائدو ڪري ته نصيحت ڪر.

87:10

سَيَذَّكَّرُ مَن يَخۡشَىٰ ﴿10﴾

جيڪو ڊڄندو سو سُتت سمجھ وٺندو.

87:11

وَيَتَجَنَّبُهَا ٱلۡأَشۡقَى ﴿11﴾

۽ اُن (نصيحت وٺڻ) کان (اُھو) تمام نڀاڳو پاسو ڪندو.

87:12

ٱلَّذِي يَصۡلَى ٱلنَّارَ ٱلۡكُبۡرَىٰ ﴿12﴾

جو وڏيءَ باھ ۾ پوندو.

87:13

ثُمَّ لَا يَمُوتُ فِيهَا وَلَا يَحۡيَىٰ ﴿13﴾

وري نڪي اُتي مرندو ۽ نڪي جيئرو رھندو.

87:14

قَدۡ أَفۡلَحَ مَن تَزَكَّىٰ ﴿14﴾

بيشڪ اُھو ڇٽو جيڪو سڌريو.

87:15

وَذَكَرَ ٱسۡمَ رَبِّهِۦ فَصَلَّىٰ ﴿15﴾

۽ پڻ پنھنجي پالڻھار جو نالو ياد ڪري نماز پڙھندو رھيو.

87:16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا ﴿16﴾

بلڪ دُنيا جي حياتيءَ کي (آخرت کان) پسند ڪندا آھيو.

87:17

وَٱلۡأٓخِرَةُ خَيۡرٞ وَأَبۡقَىٰٓ ﴿17﴾

۽ (حقيقت ڪري) آخرت ڀَلي آھي ۽ ھميشه رھڻ واري آھي.

87:18

إِنَّ هَٰذَا لَفِي ٱلصُّحُفِ ٱلۡأُولَىٰ ﴿18﴾

بيشڪ ھيءَ (بيان) پھرين صحيفن ۾ (به لکيل) آھي.

87:19

صُحُفِ إِبۡرَٰهِيمَ وَمُوسَىٰ ﴿19﴾

جي صحيفا ابراھيم ۽ مُوسىٰ جا آھن.

88:1

هَلۡ أَتَىٰكَ حَدِيثُ ٱلۡغَٰشِيَةِ ﴿1﴾

(اي پيغمبر) تو وٽ ڍڪيندڙ (قيامت) جي خبر پھتي آھي ڇا؟

88:2

وُجُوهٞ يَوۡمَئِذٍ خَٰشِعَةٌ ﴿2﴾

اُن ڏينھن ڪيترائي مُنھن خوار ھوندا.

88:3

عَامِلَةٞ نَّاصِبَةٞ ﴿3﴾

ڪمائيندڙ ڏک ڀوڳيندا ھوندا.

88:4

تَصۡلَىٰ نَارًا حَامِيَةٗ ﴿4﴾

ٻرندڙ باھ ۾ پوندا.

88:5

تُسۡقَىٰ مِنۡ عَيۡنٍ ءَانِيَةٖ ﴿5﴾

بلڪل تتي چشمي مان پاڻي پياربن.

88:6

لَّيۡسَ لَهُمۡ طَعَامٌ إِلَّا مِن ضَرِيعٖ ﴿6﴾

ڪنڊن واري گاھ کانسواءِ (ٻيو) ڪو کاڄ انھن لاءِ نه ھوندو.

88:7

لَّا يُسۡمِنُ وَلَا يُغۡنِي مِن جُوعٖ ﴿7﴾

(جو اُھو) نڪي (کين) ڀُلھو ڪندو ۽ نڪي بُک لاھيندو.

88:8

وُجُوهٞ يَوۡمَئِذٖ نَّاعِمَةٞ ﴿8﴾

ڪيئي مُنھن اُن ڏينھن تازا ھوندا.

88:9

لِّسَعۡيِهَا رَاضِيَةٞ ﴿9﴾

پنھنجي ڪمائيءَ کان راضي ھوندا.

88:10

فِي جَنَّةٍ عَالِيَةٖ ﴿10﴾

مٿاھين بھشت ۾ ھوندا.

88:11

لَّا تَسۡمَعُ فِيهَا لَٰغِيَةٗ ﴿11﴾

اتي ڪا اجائي ڳالھ نه ٻڌندين.

88:12

فِيهَا عَيۡنٞ جَارِيَةٞ ﴿12﴾

اُتي چشما وھندڙ آھن.

88:13

فِيهَا سُرُرٞ مَّرۡفُوعَةٞ ﴿13﴾

اُتي وڏا تخت مٿي وڇايل.

88:14

وَأَكۡوَابٞ مَّوۡضُوعَةٞ ﴿14﴾

۽ آبخورا رکيل.

88:15

وَنَمَارِقُ مَصۡفُوفَةٞ ﴿15﴾

۽ وھاڻا قطار ڪري رکيل.

88:16

وَزَرَابِيُّ مَبۡثُوثَةٌ ﴿16﴾

۽ غاليچا وڇايل آھن.

88:17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ ﴿17﴾

(ماڻھو) اُٺن ڏانھن نه ڏسندا آھن ڇا؟ ته ڪيئن خلقيا ويا.

88:18

وَإِلَى ٱلسَّمَآءِ كَيۡفَ رُفِعَتۡ ﴿18﴾

۽ آسمان ڏانھن ته ڪيئن مٿي ڪيو ويو.

88:19

وَإِلَى ٱلۡجِبَالِ كَيۡفَ نُصِبَتۡ ﴿19﴾

۽ جبلن ڏانھن ته ڪيئن کڙا ڪيا ويا.

88:20

وَإِلَى ٱلۡأَرۡضِ كَيۡفَ سُطِحَتۡ ﴿20﴾

۽ زمين ڏانھن ته ڪيئن وڇائي وئي.

88:21

فَذَكِّرۡ إِنَّمَآ أَنتَ مُذَكِّرٞ ﴿21﴾

پوءِ (اي پيغمبر) تون، رڳو نصيحت ڪرڻ وارو آھين.

88:22

لَّسۡتَ عَلَيۡهِم بِمُصَيۡطِرٍ ﴿22﴾

تون مٿن ڪو داروغو نه آھين.

88:23

إِلَّا مَن تَوَلَّىٰ وَكَفَرَ ﴿23﴾

پر جنھن مُنھن موڙيو ۽ ڪُفر ڪيو.

88:24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ ﴿24﴾

تنھن کي الله وڏي عذاب جي سزا ڏيندو.

88:25

إِنَّ إِلَيۡنَآ إِيَابَهُمۡ ﴿25﴾

بيشڪ اسان ڏانھن سندن موٽڻ آھي.

88:26

ثُمَّ إِنَّ عَلَيۡنَا حِسَابَهُم ﴿26﴾

وري بيشڪ سندن حساب وٺڻ اسان جي ذمي آھي.

89:1

وَٱلۡفَجۡرِ ﴿1﴾

پرھ جو قسم آھي.

89:2

وَلَيَالٍ عَشۡرٖ ﴿2﴾

۽ ڏھن راتين جو قسم آھي.

89:3

وَٱلشَّفۡعِ وَٱلۡوَتۡرِ ﴿3﴾

۽ ٻڌيءَ ۽ اِڪئيءَ جو قسم آھي.

89:4

وَٱلَّيۡلِ إِذَا يَسۡرِ ﴿4﴾

۽ رات جو قسم آھي جڏھن ھلي.

89:5

هَلۡ فِي ذَٰلِكَ قَسَمٞ لِّذِي حِجۡرٍ ﴿5﴾

ھان ڌيان واري لاءِ ھن (قسمن) ۾ بيشڪ پورو قسم آھي.

89:6

أَلَمۡ تَرَ كَيۡفَ فَعَلَ رَبُّكَ بِعَادٍ ﴿6﴾

نه ڏٺئي ڇا ته (قوم) عاد سان تنھنجي پالڻھار ڪيئن ڪيو.

89:7

إِرَمَ ذَاتِ ٱلۡعِمَادِ ﴿7﴾

(جي) ارم وارا وڏن ٿنڀن (جي عمارتن) وارا ھوا.

89:8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ ﴿8﴾

جن جھڙو شھرن ۾ ڪونه بڻايو ويو آھي.

89:9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ ﴿9﴾

۽ (قوم) ثمُود سان (ڪيئن ڪيائين) جن ميدان (قرٰا) ۾ پھڻن جون ڇپون گھڙيون ھيون.

89:10

وَفِرۡعَوۡنَ ذِي ٱلۡأَوۡتَادِ ﴿10﴾

۽ ميخن واري فرعون سان (ڪئن ڪيائين).

89:11

ٱلَّذِينَ طَغَوۡاْ فِي ٱلۡبِلَٰدِ ﴿11﴾

انھن (مڙني ٽولين) جن شھرن ۾ سرڪشي ڪئي.

89:12

فَأَكۡثَرُواْ فِيهَا ٱلۡفَسَادَ ﴿12﴾

پوءِ منجھن گھڻو فساد ڪيائون.

89:13

فَصَبَّ عَلَيۡهِمۡ رَبُّكَ سَوۡطَ عَذَابٍ ﴿13﴾

تنھنڪري تنھنجي پالڻھار مٿن عذاب جو چھبڪ وھايو.

89:14

إِنَّ رَبَّكَ لَبِٱلۡمِرۡصَادِ ﴿14﴾

بيشڪ تنھنجو پالڻھار گھَٽَ (واري ھنڌ) ۾ (عملن کي ڏسندڙ) آھي.

89:15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ ﴿15﴾

پوءِ ماڻھو کي جڏھن سندس پالڻھار (ھن طرح) پرکيندو آھي جو اُن کي مانوارو ڪندو آھي ۽ نعمت ڏيندو اٿس، ته چوندو آھي ته منھنجي پالڻھار مون کي نوازيو.

89:16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ ﴿16﴾

۽ جڏھن کيس (ٻئي طرح ھيئن) پرکيندو آھي جو مٿس روزي تنگ ڪندو آھي ته چوندو آھي ته منھنجي پالڻھار مون کي بي مانو ڪيو.

89:17

كَلَّاۖ بَل لَّا تُكۡرِمُونَ ٱلۡيَتِيمَ ﴿17﴾

(ھرگز) ائين نه آھي بلڪ ڇوري ٻار کي تعظيم نه ڏيندا آھيو.

89:18

وَلَا تَحَـٰٓضُّونَ عَلَىٰ طَعَامِ ٱلۡمِسۡكِينِ ﴿18﴾

۽ نڪي مسڪينن جي کارائڻ تي ھڪ ٻئي کي رغبت ڏياريندا آھيو.

89:19

وَتَأۡكُلُونَ ٱلتُّرَاثَ أَكۡلٗا لَّمّٗا ﴿19﴾

۽ مُئن جو مال سموروئي ڳھي ويندا آھيو.

89:20

وَتُحِبُّونَ ٱلۡمَالَ حُبّٗا جَمّٗا ﴿20﴾

۽ گھڻي پيار سان مال کي پيارو رکندا آھيو.

89:21

كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا ﴿21﴾

ائين نه ڪجي جڏھن زمين (جي اونچاڻ) ڪٽي ڪٽي سنئين ڪئي ويندي.

89:22

وَجَآءَ رَبُّكَ وَٱلۡمَلَكُ صَفّٗا صَفّٗا ﴿22﴾

۽ تنھنجو پالڻھار ايندو ۽ ملائڪ صِف صِف ٿي (ايندا).

89:23

وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ ﴿23﴾

۽ اُن ڏينھن دوزخ کي آڻبو، اُن ڏينھن ماڻھو نصيحت وٺندو ۽ اُنھيءَ مھل (اھا نصيحت وٺڻ) اُن کي ڪٿي فائدي واري آھي.

89:24

يَقُولُ يَٰلَيۡتَنِي قَدَّمۡتُ لِحَيَاتِي ﴿24﴾

چوندو ته ھاءِ ارمان جيڪر پنھنجي (ھن ھميشه جي) حياتيءَ لاءَ (ڪجھ) اڳي موڪليان ھا.

89:25

فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ ﴿25﴾

پوءِ انھيءَ ڏينھن الله جي عذاب جھڙو ڪوبه ڪونه عذاب ڪندو.

89:26

وَلَا يُوثِقُ وَثَاقَهُۥٓ أَحَدٞ ﴿26﴾

۽ نڪو ڪو الله جي قيد ڪرڻ جھڙو قيد ڪندو.

89:27

يَـٰٓأَيَّتُهَا ٱلنَّفۡسُ ٱلۡمُطۡمَئِنَّةُ ﴿27﴾

(مؤمنن کي چئبو ته) اي آرام وٺڻ وارا جيءُ.

89:28

ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ ﴿28﴾

تون پنھنجي پالڻھار ڏانھن موٽِ ھل (تون اُن کان) راضي ٿيل آھين (ھو توکان) راضي ٿيل آھي.

89:29

فَٱدۡخُلِي فِي عِبَٰدِي ﴿29﴾

تنھنڪري (تون) منھنجي ٻانھن (جي ٽوليءَ) ۾ داخل ٿيءُ.

89:30

وَٱدۡخُلِي جَنَّتِي ﴿30﴾

۽ منھنجي بھشت ۾ گِھڙ.