وَٱلضُّحَىٰ ﴿١﴾
Ibt ko tnganayk,
288 Ayat · Mga paksa · mrw
وَٱلضُّحَىٰ ﴿١﴾
Ibt ko tnganayk,
وَٱلَّيۡلِ إِذَا سَجَىٰ ﴿٢﴾
Go so gagawii igira a lominibotng,
مَا وَدَّعَكَ رَبُّكَ وَمَا قَلَىٰ ﴿٣﴾
Ka da ka ndaraynonn o Kadnan ka (ya Mohammad) go da ka Niyan kararangiti;
وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ ﴿٤﴾
Go matatangkd a so khawri na tomo rka a di so paganay;
وَلَسَوۡفَ يُعۡطِيكَ رَبُّكَ فَتَرۡضَىٰٓ ﴿٥﴾
Go matatangkd a mbgang ka dn o Kadnan ka na khasoat ka.
أَلَمۡ يَجِدۡكَ يَتِيمٗا فَـَٔاوَىٰ ﴿٦﴾
Ba ka Niyan da matoon a wata a ilo na piyakisiyap ka Niyan?
وَوَجَدَكَ ضَآلّٗا فَهَدَىٰ ﴿٧﴾
Go miyatoong ka Niyan a madadadag na pinggonanao ka Niyan,
وَوَجَدَكَ عَآئِلٗا فَأَغۡنَىٰ ﴿٨﴾
Go miyatoon ka Niyan a miskin, na bigang ka Niyan sa kakawasaan.
فَأَمَّا ٱلۡيَتِيمَ فَلَا تَقۡهَرۡ ﴿٩﴾
Na so wata a ilo na ding ka phangarasii;
وَأَمَّا ٱلسَّآئِلَ فَلَا تَنۡهَرۡ ﴿١٠﴾
Go so pphamangni na ding ka phrarasnga;
وَأَمَّا بِنِعۡمَةِ رَبِّكَ فَحَدِّثۡ ﴿١١﴾
Go so limo o Kadnan ka na pphamanotholang ka!
وَيۡلٞ لِّكُلِّ هُمَزَةٖ لُّمَزَةٍ ﴿١﴾
Sangat a siksa, a rk o oman i taliyantaan, a makasodi,
إِنَّآ أَعۡطَيۡنَٰكَ ٱلۡكَوۡثَرَ ﴿١﴾
Mataan! a Skami na inibgay Ami rka (hay Mohammad) so madakl (a mapiya)
فَصَلِّ لِرَبِّكَ وَٱنۡحَرۡ ﴿٢﴾
Na zambayang ka makapantag ko Kadnan ka, go khorbang ka .
إِنَّ شَانِئَكَ هُوَ ٱلۡأَبۡتَرُ ﴿٣﴾
Mataan! a so pkhararangit rka na skaniyan i da a tondas iyan.
إِذَا جَآءَ نَصۡرُ ٱللَّهِ وَٱلۡفَتۡحُ ﴿١﴾
Igira a miyakatalingoma so tabang o Allah, ago so daag,
وَرَأَيۡتَ ٱلنَّاسَ يَدۡخُلُونَ فِي دِينِ ٱللَّهِ أَفۡوَاجٗا ﴿٢﴾
Go maylaing ka so manga manosiya a pphamanold ko agama o Allah, a ndadakdakl,
فَسَبِّحۡ بِحَمۡدِ رَبِّكَ وَٱسۡتَغۡفِرۡهُۚ إِنَّهُۥ كَانَ تَوَّابَۢا ﴿٣﴾
Na pthasbik ka a rakhs o podi ko Kadnan ka, go pangni ka On sa maap: Mataan! a Skaniyan na Tatap a Pphanarima ko tawbat.
تَبَّتۡ يَدَآ أَبِي لَهَبٖ وَتَبَّ ﴿١﴾
Miyailang so dowa a tangan o Abilahab, go miyailang (skaniyan)!
مَآ أَغۡنَىٰ عَنۡهُ مَالُهُۥ وَمَا كَسَبَ ﴿٢﴾
Dawn makanggay a gona so tamok iyan, ago so miyasokat iyan!
سَيَصۡلَىٰ نَارٗا ذَاتَ لَهَبٖ ﴿٣﴾
Phakasold dn ko apoy a pzokhayaw!
وَٱمۡرَأَتُهُۥ حَمَّالَةَ ٱلۡحَطَبِ ﴿٤﴾
Go so karoma niyan a maawid sa itagon,
فِي جِيدِهَا حَبۡلٞ مِّن مَّسَدِۭ ﴿٥﴾
Kiyatagoan so lig iyan sa tali a phamkl!
قُلۡ هُوَ ٱللَّهُ أَحَدٌ ﴿١﴾
Tharoang ka: Skaniyan so Allah, a Isaysa!
ٱللَّهُ ٱلصَّمَدُ ﴿٢﴾
So Allah a pphangangaronganan!
لَمۡ يَلِدۡ وَلَمۡ يُولَدۡ ﴿٣﴾
Da mbawata, go da mbawataan,
وَلَمۡ يَكُن لَّهُۥ كُفُوًا أَحَدُۢ ﴿٤﴾
Go da a miyaadn a saginda Niyan a isa bo.
قُلۡ أَعُوذُ بِرَبِّ ٱلۡفَلَقِ ﴿١﴾
Tharoang ka a: Mlindong ako ko Kadnan o khapita,
مِن شَرِّ مَا خَلَقَ ﴿٢﴾
Phoon ko karataan o nganin a inadn Iyan,
وَمِن شَرِّ غَاسِقٍ إِذَا وَقَبَ ﴿٣﴾
Go so karataan o gagawii igira a miyakalibotng,
وَمِن شَرِّ ٱلنَّفَّـٰثَٰتِ فِي ٱلۡعُقَدِ ﴿٤﴾
Go so karataan o pphamangiyop ko manga palot,
وَمِن شَرِّ حَاسِدٍ إِذَا حَسَدَ ﴿٥﴾
Go so karataan o makasiig igira a miyaniig.
قُلۡ أَعُوذُ بِرَبِّ ٱلنَّاسِ ﴿١﴾
Tharoang ka a: Mlindong ako ko Kadnan o manga manosiya,
مَلِكِ ٱلنَّاسِ ﴿٢﴾
A Phapaar ko manga manosiya,
إِلَٰهِ ٱلنَّاسِ ﴿٣﴾
A Tohan o manga manosiya,
مِن شَرِّ ٱلۡوَسۡوَاسِ ٱلۡخَنَّاسِ ﴿٤﴾
Phoon ko karataan o pphangonsi, a pphanoosook,
ٱلَّذِي يُوَسۡوِسُ فِي صُدُورِ ٱلنَّاسِ ﴿٥﴾
So pphangonsi ko manga rarb o manga manosiya,
مِنَ ٱلۡجِنَّةِ وَٱلنَّاسِ ﴿٦﴾
A pd ko manga jinn, ago so manga manosiya